2 MARARATU 9:3 - WUKE SUSI WATTI'U AL᷊AL᷊USASSA

³ wuṛṛu lal᷊ina'e lana indi su puane, ana see wal᷊oa'a, ‘Mawu nabbisara manungku i tou sarun itenegu Mawu, maola'a ratun Israel.’ Napawe buatte na'ola'a udde, paal᷊ihakka manantangu tampa udde.”

2 MARARATU 9:3 ပူးပေါင်းရင်းမြစ်များ

1 MARARATU 1:34

Poiaroddi i Zadok wuṛṛu i Natan manenegi tou maola'a ratun Israel. Wua'udde ṛinone i yamiu mattiuppa trompeta wuṛṛu maggio, ‘Wiakke Ratu Salomo!’

1 MARARATU 19:16

Pa'ola'e aroddi lai si Yehu ana'i Nimsi, tadea'u i tou maola'a ratun Israel, wuṛṛu si Elisa ana'i Safat wuassu Abel-Mehola, tadea'u i tou maola'a nabi mallolossa si'o.

2 MARARATU 8:13

“Ah, i ya'u taumata apan tawe gunane,” sasimbakki Hazael, “tawe mariaddi ya'u pia taṛṛino ahewalle ereudde!” “Mawu buatte namasingkatta si ya'u manungku i'o sarun maola'a ratun Siria,” sasimbakki Elisa.

2 MARARATU 9:6

Wua'udde itarua sinumuttate sulal᷊ummu wal᷊en, wuṛṛu nabi saṛṛen tumuwo udde nallal᷊innu lanan zaitun udde su puan Yehu ana see nabbisara, “Mawu Ruatan Israel nabbisara, ‘I Ya'u sarun manenegu maola'a ratu su pabbawala-U Israel.

2 TAWARIKH 22:7

Ruata buatte nanantunna manungku i Ahazia sarun aratingannu papatene sutempo i tou mattembo si Yoram. Su patatembo udde Ahazia wuṛṛu i Yoram naasomba lal᷊awangnga wuassu sangkatou esakka aranne i Yehu ana'i Nimsi, apan buatte nipilen Mawu iapapate amonanni Ratu Ahab.

SASABANGNGA 29:7

Ana see panganute lana ipangal᷊amatta, lal᷊ina'a su wowon puane wuṛṛu lanaite i tou.

DANIEL 2:1

Su sambau ṛabbi darua su tonnane napawe Ratu Nebukadnezar mammarenta, i tou nabbal᷊iawa. Wal᷊iawane udde aroddi naasusa naungnge, na'oman sara i tou tate lai maatiilla.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

DANIEL 5:18

Ruata Apan Atanggaṛṛanne na'ola'a si Nebukadnezar, Iamangngi Tuangku nabbal᷊i ratu mawantuga wuṛṛu nangonggolla si tou ahahewalla wuṛṛu atatelengnga.

IMAMATTA 8:12

Wua'udde i Musa nanenegi Harun ringannu nallal᷊innu addio'a lanan lal᷊aghu su puane.

MATIUS 10:16

“Daringiṛṛe paapia indi: i Ya'u nandolokki yamiu naal᷊ihidda domba apan tawe auatanne su wallattu serigala mal᷊aṛṛaga. I yamiu ṛinone paatehamma ere atoanna wuṛṛu matul᷊idda naungnge ere merpati.

MATIUS 2:13

Napawe manga mapapanden anumpitanna udde napul᷊ete, mala'ekattu Mawu naipasilon batangane si Yusuf sulal᷊ummu wal᷊iawa. Mala'ekatta udde nabbisara, “I Herodes pia pandumma madea'a ana'a udde pateanni tou. Ana waugu udde apu'ote, apira'e ana'a udde ringannu inangnge tal᷊anga'e watukku Mesir. Atana'e poiaroddi ma'oman sara i ya'u mabbal᷊o si'o apia.”

MATIUS 26:7

sangkatou wawine nirumanta ringannu Mawu Yesus. I tou uaapiddu wotolla sambau, lal᷊oṛṛone lana mawangngi apan maarega. Su tempo Mawu Yesus tantal᷊anna uaianna u'anna, wawine udde namobokku lana mawangngi udde su pua Mawu Yesus.

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

1 SAMUEL 15:1

Su allo sambau i Samuel nabbisara si Saul, “Ete Mawu apan mandolo'u wuṛṛu manenegi Tuangnga niola'aratun Israel al᷊aṛṛanang-Nge. Ana augu udde ṛinone i Tuangnga maddaringikka parentan Mawu Apan Lembontaṛṛino.

1 SAMUEL 15:17

I Samuel nabbisara, “Wal᷊inewe i Tuangnga naola'e piaṛṛa'u manga walahannu Israel, salaiwe i Tuangnga massunna manungku watanganni Tuangnga tawe gunane? I Tuangnga buatte nipilen Mawu maola'a ratun Israel,

1 SAMUEL 16:2

Arawe i Samuel naiwal᷊o, “Ereapa ṛinone ta'u olaanna? Amungkangu hatto indi aringiṛṛanni Saul, ya'u sarun pateanni tou!” Mawu sinumimbakka, “Apira'e sapi anangnge sambau, wuṛṛu wal᷊oa'a su tumana'u soa manungku i'o inai poiaroddi mangonggollu sasamba su Mawu.

1 SAMUEL 9:16

“Tiṛṛabbi marua'allo iraṛṛangngo orassa arendi lai, Ya'u sarun mandolokku sangkatou wuassu ruanganni Benyamin maisasombanu. Teneha'e i tou ringannu darohan pallal᷊ana tadea i tou maola'a ratun walahannu Israel. I tou sarun manal᷊amatta al᷊aṛṛana-U wuassu taumatan Filistin. I Ya'u naasilote asasusa al᷊aṛṛana-U wuṛṛu naaringikke lal᷊uai mangitou ma'iontolla.”