2 MARARATU 8:6 - WUKE SUSI WATTI'U AL᷊AL᷊USASSA

⁶ Ana waugu udde ratu naiwal᷊o ana see wawine udde nabbatti'u ana'a udde. Wua'udde ratu namago sangkatou mammamanarane wuṛṛu namarenta tadea'u al᷊awo'u pussa'an bawine udde iapawelenga si tou apia, nasutta arega manga wawail᷊anna sarangkanambone al᷊annune sutempo i mangitou su wanua waine.

2 MARARATU 8:6 ပူးပေါင်းရင်းမြစ်များ

PANDARIADDI 37:36

Tatantal᷊anna udde, su Mesir, manga taumatan Midian buatte nabbal᷊u'i Yusuf si Potifar, sangkatou mamanaran datu apan uaagassa mamamiaṛṛa'u mandariaga wal᷊en kararatuanna.

2 SAMUEL 9:7

I Daud nabbisara, “Arie pa'ata'utta. I ya'u marangngu si'o ana waugu i Yonatan iamangngu. Anambon leta'i iupungngu i Saul, sarun ta'u iul᷊e si'o wuṛṛu saran mal᷊annu-l᷊annu i'o wotongnge umanna su wal᷊en araratuanna.”

2 MARARATU 8:5

Ne nassuhatta lai wawine wuassu Sunem udde nirumanta sinumaruanna ratu mangapiddu sasal᷊andene, i Gehazi tantal᷊anna mabbatti'u ereapa i Elisa napawiakku apia sangkatou ana'a apan natete. Ne unni Gehazi, “Tuanga apan mawantuga, eteindi wawine udde wuṛṛu indi anangnge apan niapawiakki Elisa apia!”

2 MARARATU 8:7

Sutempo sambau i Elisa inaite watukku Damsyik. Inauranna i Ratu Benhadad maradda'a. Napawe ratu naaringikka manungku i Elisa udde su Damsyik,

2 MARARATU 9:32

I Yehu naningngara watukku aui sungketa, wuṛṛu nabbisara, “Isai uasamba'a si ya'u?” Naaringikka udde, darua ara'e tatallu mamanaran araratuanna nangintanno lai.

1 TAWARIKH 28:1

I Ratu namarentate tadea'u anambon piaṛṛa'u Israel maammulla su Yerusalem. Nariaddi manga tembonannu ṛuanganna, manga mammamanaran araratuanna, wuṛṛu timmaddu amonanna, manga mallal᷊u'adda darotongnga wuṛṛu mamadul᷊i winatangngu ratu see lai manga parinsine – aunne manga ahewalanne araratuanna, perwira ara'e tembonannu tantara wuṛṛu taumata papunna, sarangkanambone iapaammulla su Yerusalem.

AMSAL 16:7

Amungkangngu i'o maal᷊uassa naungngu Mawu, manga seennu olaanna hawe.

AMSAL 21:1

Uasul᷊ungngu ere Mawu nangatokku ua'en sal᷊ukka tadea'u mangelekka tumuṛṛuttu apulu-Ne, aroddi lai i Tou mangngehetta ṛingirannu ratu.

TAHIUL᷊E 22:2

Amungkangngu tatahuanne marau wal᷊ene, ara'e i yamiu wagga tanne isai tatahuanne, apira'e winatangnga udde su wal᷊enu. Amungkangngu tatahuanne rumanta maddea'a, tantil᷊a'e si tou.

MAL᷊AṚṚUUNGNGA 11:13

Ratun balahannu Amon sinumimbakka manga daroloṛanna udde, “Su tempo ruangannu Israel nirumanta wuassu Mesir, i mangitou nanganu leta'i yami, nanattakka wuassu Sal᷊ukku Arnon naddatingngu Sal᷊ukku Yabok wuṛṛu Sal᷊ukku Yordan. Orassa indi ul᷊la'e leta'a udde ringannu paddarame.”