2 MARARATU 5:8 - WUKE SUSI WATTI'U AL᷊AL᷊USASSA

⁸ I Nabi Elisa naaringikka olange udde, lapiddu nananata su ratun Israel, “Anio sussinggawanga? Doloṛṛa'a taumata udde inawarendi ringangku tadea'u i tou maasingkatta manungku su Israel indi pia sangkatou nabi!”

2 MARARATU 5:8 ပူးပေါင်းရင်းမြစ်များ

2 SAMUEL 3:31

Wua'udde i Daud namarenta si Yoab wuṛṛu tantarane tadea'u manggesa'a laubbi mangitou, wuṛṛu malluṛen nasa lullal᷊o lapiddu lumuain Abner. Ne sutempo i mangitou nanguntuddu asuangnga, i Ratu Daud sassane u'amatta su liuddu asuangnga.

1 MARARATU 12:22

Arawe Mawu nandolokki Nabi Semaya

1 MARARATU 17:24

Wawine wal᷊u udde sinumimbakka, “Orassa indi ya'u masingkatte Iamangnga uddewe allangngu Ruatta wuṛṛu wisaran Iamangnga udde atonna wuassu Mawu!”

2 MARARATU 1:6

I mangitou sinumimbakka, “Sangkatou esakka nirumanta naisasomban kami, wuṛṛu nandolokki yami niapawelengnga wuṛṛu iapawal᷊o si Tuanga manungku Mawu nabbisara arendi si Tuanga, ‘Apa su Israel tawe Ruata, na'oman sara i'o nandolokka iaparoronga tatantiro wuassi Baal-Zebub, mongannu soan Ekron? I'o tawe mapia wuassu radda'a, i'o sarun mate!’ ”

2 MARARATU 5:15

Ana see i tou wuṛṛu anambon mallal᷊aṛenggene nabelengke ringanni Elisa. “Orassa indi ya'u masingkatte,” unni Naaman si Elisa, “manungku su ahewallu runia tumba'u pia sambau Ruata, eteudde Ruata apan sassubbannu taumatan Israel. Ana waugu udde, antimanna i Tuanga manengkamma aonggola wuassia'u.”

2 MARARATU 5:3

Su allo sambau allanga udde nabbisarate mawune, “Mama, amungkangu i Tuanga inai maisasomban nabi apan uatana'a su Samaria, nabi udde sarun mapapian tuanga.”

2 MARARATU 5:7

Napawe ratun Israel naawasan suratta udde, i tou nanggesa'a launge ana waugu sussinggawanga, lapiddu nabbisara, “Nasilakate, anio ratun Siria udde madoronga i ya'u mangundamma taumata indi? I ya'u wal᷊ine Ruata apan uatahuanna taṛṛino mapawiakka ara'e mamate taumata! Asinungka ratun Siria udde tumba'u maddea'a ngal᷊e si ya'u!”

2 MARARATU 5:9

Ana waugu udde i Naaman inaite ringannu uasa'e keretan awal᷊o watukku wal᷊en Elisa, wuṛṛu natta'ale su saruannu ngara.

SASABANGNGA 11:8

Panginsuenne i Musa nabbisara, “Anambon mammamanaran araratuanni Tuangku sarun dumanta wuṛṛu sarun umal᷊intudda su saruangku wuṛṛu madorongnga tadea'u i ya'u wuṛṛu balatiangku manantangngu wanua indi. Wua'udde i ya'u inaite mapul᷊e.” Ana see ringannu nasa'u atonna i Musa nanantangngu ratu.

YEHEZKIEL 2:5

tanne i mangitou mappulu maddaringikka ara'e maddiri; apan apianne, i mangitou ṛinone maasingkatta manungku pia nabi su pattangnganni mangitou.

HOSEA 12:13

Yakub al᷊amonan kite tinumal᷊angnga watukku Mesopotamia, ana see tadea'u maasomba awingnga, i tou nattaṛṛuallanga su taumata poiaroddi wuṛṛu mallu'adda manga domban taumata udde.

ROMA 11:13

Arawe orassa indi mappianne i ya'u mabbisara su manga tuṛṛangnga apan wal᷊ine Yahudi! Al᷊annune indi, naola'a rasul su walahanna wal᷊ine Yahudi, i ya'u lembo mangngarega manara'u.

1 SAMUEL 9:6

Allangnga udde sinumimbakka, “Paasabbare asuene! Su soa indi pia sangkatou allangngu Ruata. I tou lembon a'adatannu taumata ana waugu anambon wisarane sidutu atonna-tonna mariaddi. Wette iaddua inaite ringanni tou, asinungka i tou wotongnge mamasingkatta suapa manga keledai udde.”