2 MARARATU 5:7 - WUKE SUSI WATTI'U AL᷊AL᷊USASSA

⁷ Napawe ratun Israel naawasan suratta udde, i tou nanggesa'a launge ana waugu sussinggawanga, lapiddu nabbisara, “Nasilakate, anio ratun Siria udde madoronga i ya'u mangundamma taumata indi? I ya'u wal᷊ine Ruata apan uatahuanna taṛṛino mapawiakka ara'e mamate taumata! Asinungka ratun Siria udde tumba'u maddea'a ngal᷊e si ya'u!”

2 MARARATU 5:7 ပူးပေါင်းရင်းမြစ်များ

PANDARIADDI 30:2

I Yakub nasa'u si Rahel wuṛṛu nabbisara, “I ya'u indi wal᷊ine Ruata. Ete i Tou apan na'ola'a si'o tawe maasomba ana'a.”

PANDARIADDI 37:29

Napawe nabelengnga su paṛṛihi udde wuṛṛu tawe naasilo si Yusuf isudde, i tou nanggesa'a laungnge ana waugu massusa.

PANDARIADDI 50:19

Arawe i Yusuf nabbisara si mangitou, “Arie pa'ata'utta; ana waugu i ya'u tawe mapaṛṛuumanna naal᷊ihidda Ruata.

2 SAMUEL 1:11

Naaringikka watti'a udde i Daud nanggesa'a laungnge ana waugu massusa, wuṛṛu anambon tantarane na'ola'a aroddi lai.

1 MARARATU 20:7

Ne i Ratu Ahab namaggo anambon piaṛṛa'u Israel wuṛṛu nabbisara, “I yamiu ua'ellega sassane manungku taumata indi mappulu manilaka si ite. I tou maddorongnga tadea'u i ya'u manantillu manga awingku wuṛṛu manga ana'u see wul᷊awanna sal᷊aa'u, wuṛṛu i ya'u tawe wotongnge manol᷊a'u darorongnge udde.”

2 MARARATU 11:14

I tou naasilo ratu apan wakku udde uarisikka su ngara sasuttannu Wal᷊en Mawu sutampa i tou nitenega, papal᷊iwutannu manga tembonannu tantara wuṛṛu mananiuppa trompeta. Tumana'u soa sarangkanambone hinumio lulluassa lapiddu napatuntungikku trompeta. Ringannu sussinggawanga i Atalya nanggesa'a laungnge, wuṛṛu nangintul᷊i “Lal᷊obossa! Lal᷊obossa!”

2 MARARATU 18:37

Ne i Elyakim, i Sebna, wuṛṛu i Yoah nanggesa'a laubbi mangitou tatialan massusa, ana see inaite nangalae ratu sarangkanambone apan buatte niwisaran perwiran Asyur udde.

2 MARARATU 5:6

Suratta apan niapidda tingikke arendi: “Wuassu suratta indi ya'u mamasingkattu tembonannu tantara'u, i Naaman, si Tuanga tadea'u i Tuanga mangapia si tou wuassu raddange.”

YEREMIA 36:24

Salaiwe i Elnatan, i Delaya, wuṛṛu i Gemarya mangke sussal᷊ande tadea'u ratu tawe manutungnga buke lalul᷊unanna udde, arawe i tou maddiri maddaringikka si mangitou. Mawae ete ratu aroddi lai manga tembonanne apan naaringikka lal᷊oṛṛon buke udde tawe mata'utta ara'e pia apendamma sussassilla.

DANIEL 2:11

Tuangku maapulun sambau apan tumaniten masahadda. Tawe saran sangkatou apan wotongnge maautungnga tabbene'e manga monganna, arawe i mangitou tawe uatana'a suwallattu taumata.”

HOSEA 6:1

Manga taumatan Israel nabbisara, “Wette i ite mabbelengke ringannu Mawu. Ete i Tou apan mannansara si ite, arawe ete i Tou apan sarun mangapia. I Tou apan nallassa, arawe i Tou lai apan sarun mami'unna manga lessang kite.

REENGANNA 14:6

I Yosua ana'i Nun wuṛṛu i Kaleb ana'i Yefune, ruan katou suwallatu matataṛṛaso'o udde, nanggesa'a laubbi tarua tatiala massusa.

MATIUS 26:65

Ne imam bahewa udde nanggesa'a laungnge, wuṛṛu nabbisara, “I tou mangngaddio'a Ruata! Tawe gunane lai madea'a sakassi. I yamiu sarangkanambone suete naaringikka sassane manga wisara apan ipangngaddio'a Ruata.

LUKAS 11:54

Wuṛṛu tantal᷊anna udde lai, i mangitou mannutukka si Tou mapia-pia ana see maasametta manga apa apan nassal᷊a iwabbisara-Ne.

WATTI'U MANGA RASUL 14:14

Napawe i Barnabas wuṛṛu i Paulus naaringikka apa apan niola'u taumata nambo udde, i mangitou nanggesa'a manga laungnge lapiddu tuttal᷊angnga su pattangngannu awada'alla udde see u'al᷊iata,

TAHIUL᷊E 32:29

Unnu wisara i mangitou pande, i mangitou sarun maasunna, wuṛṛu maṛṛingiddu panguddusannu allon mangitou.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

1 SAMUEL 2:6

Mawu wotongnge mamate, i Tou lai mapawiakka. Watukku runian taumata nate i Tou nanossokku taumata. Wuṛṛu ete i Tou lai apan mangal᷊appa wua poiaroddi.