2 MARARATU 4:2 - WUKE SUSI WATTI'U AL᷊AL᷊USASSA

² “Ereapa ana see i ya'u maatul᷊ungi Mama?” aiwal᷊on Elisa. “I Mama uatahuanna apa su wal᷊en?” “Taweddu tatahuananna,” sasimbakku wawine udde, “tumba'u sambotola addio'a lanan zaitun.”

2 MARARATU 4:2 ပူးပေါင်းရင်းမြစ်များ

1 MARARATU 17:12

Wawine wal᷊u udde sinumimbakka, “Ringannu arannu Mawu apan biakka, Ruata apan sassubannu Iamangnga, i ya'u massalu manungku i ya'u tawe roti. I ya'u tumba'u uatahuanna sangkangkumma taponna sulal᷊ummu mangko, wuṛṛu addio'a lanan zaitun sulal᷊ummu wotolla. I ya'u tantal᷊anna mangngammullu alu anutungnga ipallaha taponna addio'a udde, tadea'u i ya'u wuṛṛu ana'u wotongnge umanna. Ete udde anni ambua apan panginsueanne; wua'udde iambua ete uaṛṛaddo mate.”

2 MARARATU 2:9

Napawe na'omate su sambaane, i Elia nabbisara si Elisa, “Paddorongke apa ipaapulunu wuassia'u tantal᷊anna i ya'u taambe niapaasengkengu Mawu wuṛṛu manatangngu!” I Elisa sinumimbakka, “Tantil᷊a'e taṛṛinon Papa si ya'u, tadea'u i ya'u wotongnge mallol᷊ossa si Papa.”

2 MARARATU 4:3

I Elisa nabbisara, “Roote pabballasa paanambo wotola tawe loṛṛone wuassu al᷊indonganni Mama.

SASABANGNGA 4:2

Mawu naiwal᷊o si Musa, “Apa udde aagasannu?” I Musa sinumimbakka, “Ta'inna.”

MATIUS 15:34

“Sangkura roti si yamiu?” Mawu Yesus naiwal᷊o si mangitou. “Pitu,” sasimbakki mangitou, “wuṛṛu manga pira inassa maraddio'a.”

WATTI'U MANGA RASUL 3:6

Arawe i Petrus nabbisara si tou, “I Ya'u tawe doitta sarang kadio'a. Arawe apa apan indi si ya'u, sarun ta'u ionggolla si'o: Ringannu taṛṛinon Yesus Kristus taumata Nazaret udde, amatte i'o!”

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.