2 MARARATU 3:4 - WUKE SUSI WATTI'U AL᷊AL᷊USASSA

⁴ I Ratu Mesa wuassu Moab uatahuanna pamamadul᷊iananna domba. Maola'a sambau wose su taumatan Israel, suapan tonna i tou nangonggolu 100.000 ana'u domba esakka.

2 MARARATU 3:4 ပူးပေါင်းရင်းမြစ်များ

PANDARIADDI 13:2

I Abram alate atonna, i tou uatahuanna domba, ambingnga, sapi, see lai sal᷊a'a wuṛṛu wul᷊awanna.

2 SAMUEL 8:2

I Daud lai namaddon taumatan Moab. I tou nandolokki mangitou iapal᷊allowanga su leta'a, ana see i tou namate ruan katou suwallattu suapan siri tallu su atoune. Nariaddi, taumatan Moab nassuṛṛubbawa si Daud wuṛṛu mammaekka wose si tou.

2 SAMUEL 8:6

Wua'udde i Daud napararisikku manga paddasanannu tantara sulal᷊ummu wageangngu leta'i mangitou, ne i mangitou uasuṛṛubbawate lapiddu mammaekka wose si Daud. Mawu napauntungngi Daud su al᷊awo'u tampa i tou mapapangalo.

1 TAWARIKH 18:2

I Daud namaddon taumatan Moab lai na'oman sara i mangitou uasuṛṛubawate wuṛṛu mammaekke wose si tou.

2 TAWARIKH 26:10

I tou lai napararisikku wal᷊en matanggakka pia tanda'a watune su wageangngu wadda'a, wuṛṛu naal᷊i manambo paṛṛihi ana waugu winatangnga papadul᷊iananne tumaniten manambo, mawae ete su leta'a uasendekka aroddi lai su leta'a ratakke su samba'a waṛṛatta. Ana waugu i tou pia ṛingidda su pabbail᷊anna, ne i tou napamanaran manambo taumata niapawaillu anggore su panenteanna, wuṛṛu niapawailla lai su manga wageangngu leta'a apan masuwukka.

AYUB 1:3

Wua'udde lai i tou uatahuanna manambo allangnga, 7.000 domba, 3.000 unta, 1.000 sapi wuṛṛu 500 keledai. Aunne, ete i tou taumata apan aalanne su wallattu tumanangnge su samba'a Ra'i.

AYUB 42:12

Ayub nial᷊amatannu Mawu ringannu nilumambalanna sulal᷊ummu lamben pabbiaṛṛanne, wuassu sutempo i tou tantal᷊anna taambe niaṛṛiaannu asasilaka. Ayub uatahuanna 14.000 ambingnga domba, 6.000 unta, 2.000 sapi, wuṛṛu 1.000 keledai.

DARALO 60:8

Wuassu atatanaan-Ne apan susi Ruata nabbisara, “I ya'u lumala'e wuṛṛu mattahiate leta'u Sikhem; Wawal᷊annu Sukot sarun Ta'u iundi.