2 MARARATU 3:2 - WUKE SUSI WATTI'U AL᷊AL᷊USASSA

² I tou na'ola'a al᷊al᷊eo su aellegu Mawu, arawe i tou tawe tumaniten dal᷊eo ere i Ahab wuṛṛu i Izebel, hagurange. Paal᷊uanna apan niola'u iamange ipassubba si Baal buatte niapasossokka.

2 MARARATU 3:2 ပူးပေါင်းရင်းမြစ်များ

1 MARARATU 16:19

Udde nariaddi ana waugu i tou ma'ola'a al᷊al᷊eo su aellegu Mawu. Ere lai Ratu Yerobeam, i Zimri lai narosa su Mawu wuṛṛu pangillul᷊eanne taumatan Israel narosa lai.

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

1 MARARATU 21:25

Tawe saran paassa pia taumata apan ringannu na'utulla ma'ola'a al᷊al᷊eo su aellegu Mawu ere apan niola'i Ahab. Anambon al᷊al᷊eo udde niolangnge wuassu darolokki Izebel, awingnge.

2 MARARATU 10:18

I Yehu nandolokku tumana'u Samaria na'ammula ana see i tou nabbisara, “I Ratu Ahab malassa mattaṛṛamawu si Baal; i ya'u sarun maola'a aṛṛimaranne wuassi tou.

2 MARARATU 21:20

Ere lai iamange, i tou na'ola'a rosa su Mawu.

2 MARARATU 21:6

I tou nangonggolu anangnge maola'a sambau sasamba itattambuna. I Manasye lai ma'annamu pasangkada, mammani'atta, wal᷊iimata, wuṛṛu madorongnga tatantiro wuassu manga ghaṛṛaho. I tou tumaniten narosa su lantakku hatin Mawu na'oman sara Mawu nasa'u.

2 MARARATU 9:22

“Apa i'o rumanta ere sangkatou hawe?” aiwal᷊on Yoram si Yehu. I Yehu sinumimbakka, “Apa wotongnge mariaddi ere sangkatou hawe, amungkangu isindi ta'e manambo taṛaroti, wuṛṛu ta'e pia pasasubba monganna apan tinattaki Izebel Inangngu udde?”

2 MARARATU 9:34

Ana see i Yehu sinumutta sulal᷊ummu wal᷊en araratuanna wuṛṛu inumanna. Wua'udde i tou nabbisara, “Wawine niawontohanna. Salaiwe aroddi, labbinga'e winal᷊unanne, ana waugu i tou ana'u ratu.”

SASABANGNGA 23:24

Imbaṛṛangnga massubba manga paal᷊uanna mallal᷊u'adda si mangitou wuṛṛu imbaṛṛangnga mattanno ola'i mangitou mattaṛṛamawu. Ṛimunsa'e manga paal᷊uanna mallal᷊u'addi mangitou udde wuṛṛu paddite manga diṛṛi watu apan nipaatti mangitou pattaṛṛamawuanna.

1 SAMUEL 15:19

Anio i Tuangnga tawe naddaringikka parentan Mawu? Anio i Tuangnga suadio'a nanganu saranapa niaṛṛo, wuṛṛu ringannu aroddi i Tuangnga napaasusa naungngu Mawu?”