2 MARARATU 22:2 - WUKE SUSI WATTI'U AL᷊AL᷊USASSA

² I Yosia pallal᷊agune maal᷊uassa naungngu Mawu. I tou nangaṛṛussa pallal᷊agun Ratu Daud al᷊amonane, wuṛṛu mappaamattu titan Duata ringannu ahewallu naungnge.

2 MARARATU 22:2 ပူးပေါင်းရင်းမြစ်များ

1 MARARATU 11:38

Amungkangngu i'o, ere allang-Ku Daud, mangke matuṛṛutta si Ya'u see mabbiakka tumuṛṛuttu manga tita-U, wuṛṛu ma'al᷊uassa naung-Ku ringannu ma'ola'a sarangkanambone apan Ta'u niparenta si'o, ne i Ya'u sidutu uarundinganna si'o. I Ya'u sarun ma'ola'a si'o ratun Israel. I Ya'u sarun maddiandi manungku papapulunnu sarun maola'a ratun Israel mallol᷊ossa si'o, ere buatte Ta'u niola'a lai si Daud.

1 MARARATU 15:11

Ere lai i Daud, iupungngu al᷊amonane, i Asa maal᷊uassa naungngu Mawu.

1 MARARATU 15:5

Mawu na'ola'a olangnge udde ana waugu i Daud buatte nalluassa naung-Nge. I Daud tawe saran paassa tawe maddaringikka manga parentan Mawu, tumba'u su hatton Uria taumatan Het udde.

1 MARARATU 3:6

I Salomo sinumimbakka, “Mawu, I'o buatte napal᷊iatta'a manungku I'o tumaniten marangngu iamangku Daud, allang-Ngu udde. I tou mapia, tawe awusune see matamudda Si'o. Wuṛṛu naola'a wataṛṛune manungku sarangkal᷊o'enge I'o sidutu mandangngu si tou, I'o nangonggolla si tou sangkatou ana'a esakka apan uaparenta nallol᷊ossa si tou.

2 MARARATU 12:3

Tumba'u ma'asassilla, i tou tawe nanggohakku tampan pasasubbanna monganna, na'oman sara tumanange ta'e mangngonggolu sasamba wuṛṛu mannutunga amania isudde.

2 MARARATU 14:3

I Amazia pallal᷊agune ma'al᷊uassa naungngu Mawu, arawe i tou ere i Daud, al᷊amonane. Nangaṛṛussa iamange,

2 MARARATU 16:2

Sutempo udde uukki tou 20 su tonnane wuṛṛu i tou namarenta su Yerusalem 16 su tonnane al᷊annune. I tou tawe nangaṛṛussa pallal᷊agu apan mapia wuassi Ratu Daud, al᷊amonane, ewe'e inolaane tawe maal᷊uassa naungngu Mawu, Ruatane.

2 MARARATU 18:3

I Hizkia pallal᷊agune ma'al᷊uassa naungngu Mawu ere lai i Daud al᷊amonane.

2 TAWARIKH 17:3

Mawu nangal᷊amatta si Yosafat ana waugu i tou nangaṛṛussa wal᷊iuddu iamangnge; i tou tawe massubba si Baal,

2 TAWARIKH 29:2

Hizkia inolaanne maal᷊uassa naungngu Mawu ere lai i Ratu Daud iupungnge.

2 TAWARIKH 31:20

Su ahewallu Yehuda, i Ratu Hizkia napaamattu atatul᷊idda, tawe mallinga, wuṛṛu sidutu maal᷊uassa naungngu Mawu Ruatane.

2 TAWARIKH 34:1

Yosia uukke 8 tonna sutempo i tou naola'a ratun yehuda, wuṛṛu i tou namarenta su Yerusalem 31 su tonnane al᷊annune.

AMSAL 20:11

Wuassu inolaannu ana'a wotongnge asingkatanna apa pallal᷊agune mapia wuṛṛu matul᷊idda.

AMSAL 4:27

Pangindauten al᷊al᷊eo, wuṛṛu pabbiakke ringannu matul᷊idda. Imbaṛṛangnga sumewadda wuassu lal᷊anna apan atonna.

ZEFANYA 1:1

Zefanya uddewe ana'i Kusyi. Tal᷊attaddu pallaṛṛitene wua bowa ire'e eteudde Kusyi, Gedalya, Amazia wuṛṛu Ratu Hizkia. Eteindi tanatan Mawu si Zefanya sutempo Ratu Yosia ana'i Amon uaparenta su Yehuda.

TAHIUL᷊E 5:32

Tuṛṛa-tuṛṛangku, paatuṛṛutta ringannu mapia al᷊awo'u parentan Mawu Ruatanu si'o. Imbaṛṛangnga lumawangnga saran sambau wuassu manga parenta udde.

YOSUA 1:7

Tumba'u ṛinone i'o atonna-tonna mangimanna wuṛṛu waṛṛani. I'o ṛinone uanaungnga tadea'u i'o tuttuṛṛuta anambon tita apan nionggoli Musa allang-Ku udde si'o, imbaṛṛangnga abul᷊ianannanu ne i'o sarun ma'aola'a sarangkanambone.