2 MARARATU 2:9 - WUKE SUSI WATTI'U AL᷊AL᷊USASSA

⁹ Napawe na'omate su sambaane, i Elia nabbisara si Elisa, “Paddorongke apa ipaapulunu wuassia'u tantal᷊anna i ya'u taambe niapaasengkengu Mawu wuṛṛu manatangngu!” I Elisa sinumimbakka, “Tantil᷊a'e taṛṛinon Papa si ya'u, tadea'u i ya'u wotongnge mallol᷊ossa si Papa.”

2 MARARATU 2:9 ပူးပေါင်းရင်းမြစ်များ

1 MARARATU 19:16

Pa'ola'e aroddi lai si Yehu ana'i Nimsi, tadea'u i tou maola'a ratun Israel, wuṛṛu si Elisa ana'i Safat wuassu Abel-Mehola, tadea'u i tou maola'a nabi mallolossa si'o.

1 MARARATU 3:9

Ana waugu udde, Mawu, onggol᷊aawe si ya'u asingkatta apan ta'u pappandumanna ipamarenta uman-Nu indi ringannu atatul᷊idda wuṛṛu tadea'u masingkatta mamile suapa apan mapia wuṛṛu suapa apan dal᷊eo. Amungkangngu tawe aroddi, ereapa wotongnge i ya'u mamarenta uman-Nu apan wahewalla indi?”

DARALO 72:1

Wuassi Salomo. Oh Ruata, tantiroa'e tita-Nu su ratu, onggol᷊a'e atatul᷊iddu Mawu su ratu.

DARALO 72:20

Nuddusse manga aal᷊iomanni Daud, ana'i Isai.

ZAKARIA 12:8

Su allo udde i Ya'u sarun mallu'adda tumana'u Yerusalem; wuṛṛu iapa al᷊omeanne lai suwallatti mangitou sarun maola'a ere atohassi Daud. I mangitou sarun ehetannu papapulunni Daud ere lai mala'eka-U, ewe'e lai ere i Ya'u sassane.

ZAKARIA 9:12

Pabbelengke ei manga taumata apan niwuangnga, orassa indi i yamiu uatahuanna antimma. Pabbelengke watukku tampa passirungannu, i Ya'u sidutu mangal᷊amatta si yamiu. Paddaringikke: Paarua lipanne i Ya'u mangal᷊amatta si yamiu ana waugu al᷊awo'u asasusa apan buatte niapendamanni yamiu.

REENGANNA 11:17

I Ya'u sarun sumossokka wuṛṛu maggahattonu su tampa udde, wuṛṛu sambageanganna taṛṛino apan buatte Ta'u nionggola si'o, sarun Ta'u ionggola lai si mangitou. Ne i mangitou wotonggngete massumbala manaranu mamasanna balahanna indi, wuṛṛu udde tawe manarannu sassane.

REENGANNA 11:25

Ana see Mawu niumonta'a sulal᷊ummu winabbawa wuṛṛu nabbisara si Musa. Mawu manganu sambageanganna wuassu taṛṛino apan buatte nionggoli Tou si Musa wuṛṛu nionggola su siri pitun pul᷊o piaṛṛa'a udde. Napawe Ghaṛṛaho Mawu udde niumonto'a si mangitou, i mangitou mannattake mabbisara ere sangkatou nabi, arawe tawe mal᷊annu.

YOHANES 16:7

Arawe i Ya'u mamasingkatta atonna si yamiu: Mappianne si yamiu amungkangngu i Ya'u inai; ana waugu amungkangngu i Ya'u tawe inai, Mantatal᷊ungnga udde tawe rumanta ringanni yamiu. Arawe amungkangngu i Ya'u inai, i Ya'u sarun mandolokki Tou ringanni yamiu.

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

WATTI'U MANGA RASUL 8:17

See i Petrus wuṛṛu i Yohanes nangaddo lima mangitou su manga taumatan Samaria udde; ne i mangitou nanengkampe Ghaṛṛahon Ruata.

1 KORINTUS 12:31

Ana waugu udde, ṛinone i yamiu mammanara atonna-tonna ana see maasomba al᷊amatta apan lembon apianne. Arawe manansunna indi ya'u mangaṛṛa'a si yamiu lal᷊anna apan apianne.

TAHIUL᷊E 21:17

I tou ṛinone mangonggolu wageangnga paarua anambone wuassu pa'a'alane su ana'a esakka pahul᷊une, salaiwe ana'a udde wal᷊ine ana'a wuassu awingnga arangnguanne. Pussaan ana'a pahul᷊u ṛinone a'uannu iamangnge, wuṛṛu su ana'a udde ṛinone onggol᷊annu leta'a apan maola'a pussaane tumuṛṛuttu tita.”

TAHIUL᷊E 34:9

Mawu nangonggola si Yosua ana'i Nun ringannu apapande ana waugu i tou buatte nita'en Musa pinallol᷊ossa si tou. Walahannu Israel mararingikka si Yosua wuṛṛu mappaamattu manga parentane apan nionggolu Mawu si mangitou apan niapawal᷊o si Musa.

1 TIMOTIUS 5:17

Piaṛṛa'u jamaatta apan ma'ola'a manarane ringannu mapia, ṛinone onggol᷊annu aaddata paarua anambone, nangillembo wuassi mangitou apan maṛṛimadda mannase wuṛṛu mangaṛṛa'a.