2 MARARATU 2:4 - WUKE SUSI WATTI'U AL᷊AL᷊USASSA

⁴ Wua'udde i Elia nabbisara si Elisa, “Atana'e isindi, ya'u nirolokku Mawu inai watukku Yerikho.” Arawe i Elisa sinumimbakka, “Ringannu arannu Mawu apan biakka wuṛṛu ringannu niawan Papa, i ya'u tawe manantangngi Papa.” Nariaddi itarua nanassukku amatanna watukku Yerikho.

2 MARARATU 2:4 ပူးပေါင်းရင်းမြစ်များ

1 MARARATU 16:34

Sulal᷊ummu i Ahab uaparenta, i Hiel taumatan Betel napararisikku soa Yerikho apia. Arawe ere buatte niwisaran Mawu paarorane si Yosua ana'i Nun, i Hiel niawul᷊iannu darua anangnge: i Abiram iapa pahul᷊une nate sutempo i Hiel nangaddon rapappakku soa, wuṛṛu i Segub iapa ṛembonne nate sutempo i Hiel nangelen manga ngara pasallanganna su soa udde.

2 MARARATU 2:2

wuṛṛu su tangngan dal᷊anna i Elia nabbisara si Elisa, “Atana'e isindi. Atana'e isindi. I ya'u nirolokku Mawu inai watukku Betel.” Arawe i Elisa sinumimbakka, “Ringannu arannu Mawu apan biakka wuṛṛu ringannu niawan Papa, i ya'u tawe manantangngi Papa.” Nariaddi itarua inaite su sambau nanassukku amatanna naddatingngu Betel.

2 MARARATU 4:30

Wawine udde nabbisara, “Papa Elisa! Ringannu arannu Mawu apan wiakka wuṛṛu ringannu niawan Papa, i ya'u, tawe manantangi Papa!” Ana waugu udde i Elisa inaite suadio'a ringannu wawine udde watukku wal᷊ene.

LUKAS 19:1

Napawe Mawu Yesus na'omate su Yerikho, i Tou nanassukku amatanne sinumabbi soa udde.

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

WATTI'U MANGA RASUL 2:42

Ringannu maṛṛimada i mangitou sidutu mangngurumma al᷊aṛṛa'a wuassu manga rasul wuṛṛu sidutu uaammulla suadio'a. I mangitou u'anna su sambau wuṛṛu u'al᷊iomanna su sampunna.

YOSUA 6:1

Su soan Yerikho manga ngara pasellanganna rariagante ringannu matohassa wuṛṛu niṛṛuudda masaga-sagada tadea'u taumatan Israel tawe maasutta. Tawe saran sangkatou apan iwala sumutta ara'e sumabbanga su soa udde.

YOSUA 6:26

Su tempo udde i Yosua napaasabangu sasingadda indi, “Suapan isai apan pia apulu mapararisikku apia soan Yerikho indi, sarun aṛṛinoannu wawontogu Mawu. Isai apan mangaddon rapappake sarun awul᷊iannu ana'a pahul᷊une wuṛṛu isai apan mangele manga ngarane sarun awul᷊iannu ana'a ṛembonne.”

RUT 1:16

Arawe i Rut sinumimbakka, “Mama, ariete i Mama mandolo'u iapa'apul᷊e wuṛṛu manatangngi Mama! I ya'u maapulu tumantalongnga si Mama. Watukku apa i Mama inai, isudde lai ya'u inai. Suapan tampa i Mama matana'a, isudde lai ya'u maapulu matana'a. Walahanni Mama, udde lai walahangku. Ruata apan sassubbanni Mama, udde lai sarun subbangku.

1 SAMUEL 1:26

I Hana nabbisara si Eli, “Madorongnga ampungnga, Papa. I Papa ta'e ma'anaungnga si ya'u? I ya'u indi wawine apan su paassa niasiloanni Papa uarisikka isindi, tantal᷊anna u'al᷊iomanna su Mawu.