2 MARARATU 2:3 - WUKE SUSI WATTI'U AL᷊AL᷊USASSA

³ Sangkammul᷊anna nabi apan uatana'a isudde inaite naisasomban Elisa wuṛṛu naiwal᷊o, “Masingkatewe i'o manungku su allo indi i'o sarun itantangu tuangu ana waugu i tou sarun iapaasengkengu Mawu?” “Ore, i ya'u masingkatta,” sasimbakki Elisa. “Arawe uddita'e, ariete i ite maggahatton udde.”

2 MARARATU 2:3 ပူးပေါင်းရင်းမြစ်များ

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

1 MARARATU 20:35

Wuassu parentan Mawu, sangkatou nabi waussu wallattu ammul᷊annu nabi nandolokku ringanne mamuulla si tou. Arawe ringanne udde maddiri.

2 MARARATU 2:15

Siri liman pul᷊o nabi su Yerikho naasilo si tou ana see nabbisara, “Taṛṛinon Elia naal᷊inte si Elisa!” I mangitou nirumanta ringanni Elisa ana see niumal᷊intudda su saruanne

2 MARARATU 2:5

Sangkammul᷊anna nabi apan uatana'a isudde inaite naisasomban Elisa wuṛṛu naiwal᷊o, “Masingkatawe i'o manungku su allo indi i Tuangngu sarun iapaasengkengu Mawu wuṛṛu manantangngu?” “Ore, i ya'u masingkatta,” sasimbakki Elisa. “Arawe uddita'e, ariete i ite maggahatton udde.”

2 MARARATU 2:7

wuṛṛu liman pul᷊o su atoune nabi uatantalongnga sitarua. Ana see i Elia wuṛṛu Elisa natta'ala su wiwikku sal᷊ukka, wuṛṛu siri liman pul᷊o nabi udde uarisikka tawe marau wua isudde.

2 MARARATU 4:1

Su allo sambau wawine inawal᷊uannu sangkatou nabi inaite ringanni Elisa wuṛṛu naiwal᷊o, “Papa, awingku natete! Wuṛṛu i Papa masingkatta manungku i tou lai taumata apan matuṛutta Ruata, arawe i tou pia awallassa su sangkatou taumata. Orassa indi taumata udde nirumanta manganu ana'u darua, wuṛṛu itarua olaanna allanga, maola'a wawaekku awallassu awingku apan natete udde.”

2 MARARATU 4:38

Su sambau tempo nariadite ṛutumma su ahewallu wanua. Ne i Elisa nabelengke watukku Gilgal. Sutempo i tou tantal᷊anna mannantiro sambageanganna nabi, i tou nandolokku mangangimbene niapaal᷊appa urinna wahewalla wuṛṛu nallaha anni mangitou.

2 MARARATU 5:22

I Gehazi sinumimbakka, “Ampunge Tuanga, i ya'u nirolokka niapawal᷊o si Tuanga manungku pia ruan katou nabi dario'a apan nirumanta wuassu panenteannu Efraim. I ya'u sumal᷊ande si Tuanga, tadea'u i Tuanga mangonggolu 3.000 roitta sal᷊a'a wuṛṛu ruan parassa laubba mangkapia ionggola su nabi darua udde.”

2 MARARATU 6:1

Su allo sambau manga nabi apan nitantiroanni Elisa, nassal᷊uane si tou. I mangitou nabbisara, “Tampa atatanaanni ite tumaniten maṛiputta!

2 MARARATU 9:1

Sutempo udde i Nabi Elisa namago sangkatou suwallatu manga nabi apan nitantiroanne wuṛṛu nabbisara, “Pandiahite, i ite inaite watukku Ramot su Gilead, wuṛṛu apira'e wotolla apan lal᷊oṛoannu lanan zaitun indi.

YESAYA 8:18

Indite i ya'u wuṛṛu al᷊aṛṛana'u apan nionggollu Mawu si ya'u. Mawu Apan Lembontaṛṛino apan uaparenta su Sion, nandolokki yami maola'a tiala su umattu Israel.

AMOS 7:14

Amos sinumimbakka, “I ya'u wal᷊ine nabi ana waugu manara'u. I ya'u indi mamamaduli winatangnga wuṛṛu manani'o wuan ara.

WATTI'U MANGA RASUL 22:3

“I ya'u taumatan Yahudi,” unni Paulus, “i ya'u niasungkangnga su Tarsus su leta'u Kilikia arawe i ya'u niwuwunna isindi su Yerusalem, wuṛṛu niaṛṛaanna ringannu ma'uduppa wuassu huru wahewa Gamaliel sulal᷊ummu Tita apan nionggolli Musa su iupungngu al᷊amonang kite. Ere lai manga tuṛṛangnga sarangkanambone isindi, allo indi, ya'u lai maṛṛimadda su manaran Ruata.

TAHIUL᷊E 33:3

Atonna, Mawu marangngu walahan-Ne I Tou mallu'adda anambon taumata apan naola'a pussa'a-Ne. Wette i ite umal᷊intudda su saruannu ledda-Ne wuṛṛu tumuṛṛutta manga parenta-Ne.

1 SAMUEL 10:5

Wua'udde i'o ṛinone inai watukku wuiddu Ruata su Gibea, tampa paddasanannu taumatan Filistin. Su ngara suttanna su soa, i'o sarun massomban sangkammul᷊annu nabi apan sinumossokke wuassu wuidda pangangonggol᷊annu sasamba. I mangitou massal᷊aingnga wuṛṛu mangngintul᷊i, mannalangnga gambus, rebana, wansi wuṛṛu kecapi.

1 SAMUEL 19:20

Ana waugu udde i Saul nandolokku manga pira daroloṛṛanne inai iapasametta si Daud. Arawe i mangitou naasangkalla ammul᷊annu nabi apan tantal᷊anna massal᷊aingnga wuṛṛu mangngintul᷊i su sambau, ipappiaṛṛa'i Samuel. Ana see manga daroloṛṛanni Saul udde niintaṛṛoannu Ghaṛṛahon Duata na'oman sara i mangitou lai massal᷊aingnga wuṛṛu mangngintul᷊i suadio'a.