2 MARARATU 2:23 - WUKE SUSI WATTI'U AL᷊AL᷊USASSA

²³ Wua'udde i Elisa inaite wuassu Yerikho watukku Betel. Su pattangngannu lal᷊anna pia ammul᷊annu al᷊aṛṛana'a sinumabbanga wuassu soa wuṛṛu mangangal᷊uandaga si tou. “Ei, lol᷊okka, lol᷊okka pangingkatta wua isindi!” aintul᷊in mangitou.

2 MARARATU 2:23 ပူးပေါင်းရင်းမြစ်များ

PANDARIADDI 21:9

Su sambau allo, i Ismael, ana'i Abraham wuṛṛu i Hagar wawine Mesir udde, tantal᷊anna mannalangnga ringanni Ishak, ana'i Sara.

2 MARARATU 2:11

Itarua u'amaatta lapiddu uahahatto. Inaṛombanganne sambau kereta pia putungnge apan wawollengannu awal᷊o pia putungnge nirumanta napaṛṛaen tarua ana see i Elia niapaasengkengu anginna al᷊isusu watukku surga.

2 MARARATU 2:2

wuṛṛu su tangngan dal᷊anna i Elia nabbisara si Elisa, “Atana'e isindi. Atana'e isindi. I ya'u nirolokku Mawu inai watukku Betel.” Arawe i Elisa sinumimbakka, “Ringannu arannu Mawu apan biakka wuṛṛu ringannu niawan Papa, i ya'u tawe manantangngi Papa.” Nariaddi itarua inaite su sambau nanassukku amatanna naddatingngu Betel.

2 MARARATU 2:22

Nanattakka orassa udde ua'e natilangke ere su wisaran Elisa.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

AYUB 19:18

I ya'u lallobbosannu al᷊aṛṛana'a su lal᷊anna; napawe i ya'u rumarisikka, i ya'u ilallagen mangitou.

AYUB 30:1

Arawe orassa indi i ya'u aal᷊uandahannu taumata maddario'anna. Dorone iamangngi mangitou aellehangku tumaniten addio'a iapal᷊u'adda domba'u suadio'a ringannu asu mandariaga.

DARALO 31:17

Antimanna I'o mandangngu allang-Ngu; sal᷊amatewe i ya'u ana waugu darangngu-Nu.

DARALO 31:18

Arie pabbala'a i ya'u maasomba asasili, oh Mawu, ana waugu i ya'u ma'ial᷊are Si'o. Wala'ewe taumata lal᷊eo pansilianna, wuṛṛu ringannu matammudda summossokka watukku runian taumata nate.

DARALO 35:15

Arawe sutempo i ya'u su asasusa, i mangitou lulluassa, wuṛṛu nakkulunna mando'appa si ya'u. I mangitou u'amatta ua'ento ipallobbosa si ya'u.

AMSAL 20:11

Wuassu inolaannu ana'a wotongnge asingkatanna apa pallal᷊agune mapia wuṛṛu matul᷊idda.

AMSAL 22:15

Suṛṛinonete al᷊aṛṛana'a ma'ola'a pallal᷊aghun longonna, arawe ua'e wotongnge mangaṛṛa'a si mangitou ringannu mamal᷊u pallal᷊agu.

AMSAL 22:6

Aṛṛa'ete sangkatou ana'a sambau lal᷊annu pabbiaṛṛanna apan ṛinone si tou, ne maddatingngu i tou matimmade i tou sarun mabbiakka aroddi.

MANNANASE 11:10

Limbuaṛṛete asasinggawanga wuṛṛu asasusa wuassu naungngu, ana waugu temponu saṛṛentumuwo mal᷊ihakke mal᷊iudda.

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

YESAYA 3:5

Manga taumata sarun mapapangallangnga. Dario'a tate maddaringikka timmadde wuṛṛu taumata wiasa tate mandeengngu taumata pia pangkanne.

YEREMIA 20:7

Mawu, I'o nassal᷊o'u ne i ya'u niasal᷊o'a. I'o mattohasanna wuassia'u wuṛṛu buatte namaddo'u. I ya'u aal᷊uandahannu manga taumata, haggeloanna wuassu marua'allo naddatingngu wawallo.

YEREMIA 20:8

Suapan i ya'u mabbisara, i ya'u ṛinone mangintul᷊i ma'ikka-ikkatta, “Araṛṛagissa! Asasilaka!” Mawu, i ya'u haggeloanna wuṛṛu lallobbosanna suapan tempo, ana waugu mammasingkattu tanata-Nu.

YEREMIA 7:18

Manga al᷊aṛṛana'a mangngammullu alung kanna, ingana'a esakka makkunuttu putungnga, wuṛṛu ingana'a wawine mangngompengngu taponna olaanna kukisse ionggolla su monganna apan isassaggo mangitou Ratun Surga. Wuṛṛu tadea'u ipandal᷊eo naung-Ku, i mangitou lai nangonggollu anggore su manga mawu waine.

HOSEA 10:15

Eteudde apan sarun mariaddi si yamiu, ei tumana'u Betel, ana waugu i yamiu buatte na'ola'a al᷊al᷊eo apan wahewalla. Sutempo matannallo sumabbangnga, tawe mal᷊annu napawe pangalo manattakke, ratunu sarun mate.”

HOSEA 10:5

Tumana'u soa Samaria sarun mata'utta; i mangitou wuṛṛu manga imam apan mangimbe sapi wul᷊awanna su Babel udde sarun masusa wuṛṛu lumuai ana waugu al᷊awo'u araṛṛansangngu paal᷊uanni mangitou udde nawul᷊ite.

HOSEA 4:15

Ei i yamiu taumatan Israel, i yamiu tawe satia si Ya'u! Arawe, i Ya'u mangantimma Yehuda tawe ma'ola'a pasasal᷊a apan uasul᷊ungnga! Imbaṛṛangnga mattaṛṛamawu su Gilgal ara'e su Betel. Imbaṛṛangnga massalu poiaroddi ringannu arannu Mawu apan biakka.

IMAMATTA 13:40

Amungkangngu sangkatou esakka nabbal᷊i lol᷊okka su wageangngu liudde wuṛṛu saruannu puane, lol᷊okka udde tawe ma'arantinna si tou.

AMOS 3:14

Su allo i Ya'u makkuumannu taumatan Israel ana waugu rosane, i Ya'u sarun maṛṛimunsa'a manga mezbah su Betel. Suapan mezbah sarun paddianna manga diṛṛine ma'oman sara maṛṛa'a su leta'a.

AMOS 4:4

Mawu Apan Atanggaṛṛanne nabbisara, “Ei umattu Israel! Roote watukku tampa patataṛṛamawuanna su Betel, wuṛṛu pa'ola'e rosa isudde! Roote watuku Gilgal, wuṛṛu pa'ola'e rosa walate apulun naungngu! Pangonggollen sasamba suapan marua allo, wuṛṛu pangapiddu sepere mapul᷊o wuassu al᷊awo'u hessin inasaharannu suapan tallu allo!

AMOS 5:5

Imbaṛṛangnga inai watukku Bersyeba mattaṛṛamawu. Arie maddea'a si Ya'u su Betel, ana waugu Betel sarun mawuli. Arie lai inai watukku Gilgal, ana waugu taumana'u soa udde sarun ṛuwoanna watukku pamamuanganna.”

AMOS 7:13

Imbaṛṛangnga mannase apia su Betel. Soa indi tumba'u hunan datu, wuṛṛu tampa patataṛṛamawuannu araratuanna.”

GALATIA 4:29

Su tempo udde ana'a apan niasungkanga tumuṛṛuttu apulun taumata, mammate ana'a apan niasungkanga ana waugu apulun Ghaṛṛahon Duata. Aroddi lai orassa indi.

IBRANI 11:36

Piaddu lai a'al᷊uandahanna, pappuul᷊anna, niṛṛapussu ṛate wuṛṛu tinaṛṛo su tuttupanna.