2 MARARATU 17:7 - WUKE SUSI WATTI'U AL᷊AL᷊USASSA

⁷ Samaria narugi ana waugu taumatan Israel na'ola'a rosa su Mawu, Ruatan mangitou, apan buatte nanal᷊amatta si mangitou wuassu ratun Mesir, wuṛṛu nangapiddi mangitou sinumabbanga wuassu wanua udde. I mangitou massubba manga mawu waine

2 MARARATU 17:7 ပူးပေါင်းရင်းမြစ်များ

1 MARARATU 11:4

na'oman sara sutempo i tou timmaddette i mangitou nassalo'a tadea'u massuba manga mawu waine. I Daud, iamangngi Salomo, matammudda su Mawu, Ruatane, arawe i Salomo tawe nangaṛṛussa iamangnge.

1 MARARATU 15:3

I Abiam na'ola'a manga rosa ere iamangnge. I tou tawe ringannu ahewallu naungnga matammuda su Mawu Ruatane, uapapaṛṛalan Daud, iupungnge.

2 MARARATU 16:2

Sutempo udde uukki tou 20 su tonnane wuṛṛu i tou namarenta su Yerusalem 16 su tonnane al᷊annune. I tou tawe nangaṛṛussa pallal᷊agu apan mapia wuassi Ratu Daud, al᷊amonane, ewe'e inolaane tawe maal᷊uassa naungngu Mawu, Ruatane.

2 MARARATU 17:35

Mawu buatte na'ola'a pa'aire indi su walahannu Israel, “Imbaṛṛangnga mattaṛṛamawu su manga mawu waine; imbaṛangnga massubba si mangitou ara'e mangimbe si mangitou, ara'e mangonggolu sasamba si mangitou.

1 TAWARIKH 5:25

Taumatan Israel mal᷊awangnga Ruata apan sassubbannu al᷊amonan mangitou. I mangitou nanantangngu Ruata wuṛṛu mattaṛṛamawu manga mongannu walahanna apan nilimbuaṛṛannu Ruata wuassu wanua Kanaan.

2 TAWARIKH 36:5

Yoyakim uukke 25 su tonnane sutempo i tou naola'a ratun Yehuda, ne i tou namarenta su Yerusalem 11 su tonnane al᷊annune.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

DARALO 78:12

Su saruannu al᷊amonan mangitou, Ruata na'ola'a al᷊aṛṛindu'a su wanua Mesir, su leta'u Zoan.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

YESAYA 57:5

I yamiu massubba manga mongannu asasuwukka ringannu mamalan batangannu iaapiddu apulun dunia su al᷊ungngu manga alu mangal᷊eng kamiu. I yamiu nallabbingu manga anangngu su wawal᷊annu sal᷊ukka, nisalle'a su manga wallattu watu.

YEREMIA 10:5

Manga paal᷊uanna sassubbanna udde naal᷊ihidda saṛṛen taumata su waillu katimu. I mangitou tawe maawisara, wuṛṛu tawe maal᷊empangnga, wuṛṛu ṛinone a'bengketanna. Arie mata'utti mangitou, ana waugu i mangitou tawe ma'ola'a al᷊al᷊eo si yamiu; ma'ola'a apapia lai i mangitou tawe maaola'a.”

YEHEZKIEL 39:24

Ta'u iṛṛuumanna i mangitou uasul᷊ungngu ararantinna wuṛṛu al᷊al᷊eo mangitou, ana see Ta'u nitantangnga i mangitou.”

HOSEA 12:14

Mawu nandolokku sangkatou nabi iapaapiddu taumatan Israel su mabbangnga wuassu patataṛṛuallanga su Mesir, wuṛṛu tadea'u mallu'adda si mangitou.

HOSEA 4:12

I yamiu maddorongnga tatantiro wuassu alu sampaddi! Ta'inna sambua mammasingkatta si yamiu apa apan apulu singkatanni yamiu! I yamiu naal᷊ihidda sangkatou awingnga apan sussandaga; i yamiu nanantang-Ku wuṛṛu nanantillu watangannu su manga mawu waine.

HOSEA 4:13

Sumanga tampa pasasubbanna paal᷊uana su manga puiddu wuidda wuṛṛu wowone, i yamiu mangngonggollu sasamba, wuṛṛu mannambunnu manania su al᷊ungngu manga aaluanna wahahewalla wuṛṛu masindumunna ana waugu tampa udde mal᷊annabba. Arawe apa pangillul᷊eanne? Manga anangngu maṛṛuala nabbal᷊ite sumasandaga wuṛṛu manga mananambonu wawine maddea'a sawa waine!

TAHIUL᷊E 31:29

I ya'u masingkatta manungku napawe i ya'u natete, manga taumata udde sarun mabbal᷊i lal᷊eo wuṛṛu maddiriten al᷊aṛṛa'a apan buatte ta'u niaṛṛa'a si mangitou. Wuṛṛu i mangitou sarun aṛṛiaannu asasusa, ana waugu naasa'u Mawu ringannu na'ola'a sarangkanambone apan isassingaddi Tou.”

YOSUA 23:16

Napawe i yamiu lumawanna pa'aire apan buatte nirolokku Mawu Ruatanu tadea'u sidutu tattuṛutanna, wuṛṛu i yamiu inai mattaṛṛamawu su manga Mawu waine see lai massubba manga Mawu udde, ne Mawu sarun masa'u, wuṛṛu maṛṛuumanni yamiu. Su lal᷊ummu tempo apan mal᷊ihakka i yamiu sarangkanambone sarun mawul᷊i wuassu wanua apan mapia indi, apan nionggolu Mawu si yamiu.”

MAL᷊AṚṚUUNGNGA 6:10

Buatte Ta'u niwal᷊o si yamiu manungku ete i Ya'u Mawu Ruatanu, wuṛṛu i yamiu imbaṛangnga massubba manga mongannu walahannu Amori apan banuane atatanaanni yamiu orassa indi. Arawe i yamiu tawe tinumuṛutta parenta-U.’ ”