2 MARARATU 17:6 - WUKE SUSI WATTI'U AL᷊AL᷊USASSA

⁶ – apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

2 MARARATU 17:6 ပူးပေါင်းရင်းမြစ်များ

PANDARIADDI 10:2

Al᷊aṛṛana'i Yafet eteudde i Gomer, i Magog, i Madai, i Yawan, i Tubal, i Mesekh wuṛṛu i Tiras.

1 MARARATU 8:46

Amungkangngu uman-Nu marosa Si'o – mangke atonna tawe saran sangkatou apan tawe marosa – ana see ana waugu asasa'u-Nu i mangitou niwala-Nu iawaddon seetta, wuṛṛu niapidda naola'a taumata niatawanna watukku sambau wanua apan marau ara'e marani,

2 MARARATU 15:29

Sutempo i Pekah uaparenta, i Tiglat-Pileser ratun Asyur nangaṛo soan Iyon, Abel-Bet-Maakha, Yanoah, Kedes, Hazor, waageangu Gilead, Galilea wuṛṛu Naftali. Tumanange apan niasametta niaapidda lai watukku Asyur.

2 MARARATU 17:23

na'oman sara panginsueanne Mawu tate lai ma'ellega si mangitou, ewe'e i mangitou niramme wuassu leta'a apan nionggoli Tou si mangitou. Udde nariaddi uasul᷊ungu tatagu apan nionggolu Mawu si mangitou wuassu manga allang-Nge, manga nabi. Etearoddi taumatan Israel niapidda su pamamuangana su Asyur, wuṛṛu ete isudde i mangitou namanua naddatingu allo indi.

2 MARARATU 18:34

Suapate manga mongannu wanuan Hamat wuṛṛu Arpad? Suapate manga mongannu Sefarwaim, Hena, wuṛṛu Iwa? Piaddu nirumanta nanal᷊amatta Samaria?

2 MARARATU 19:12

Sutempo al᷊amona'u nakkimunsa'a soan Gozan, Haran, wuṛṛu Rezef, lapiddu namate taumatan Eden apan uatana'a su Telasar, tawe saran sangkatou wuassu manga monganni mangitou naasal᷊amatta si mangitou.

2 MARARATU 21:13

Yerusalem sarun Ta'u iṛṛuumanna ere lai Ya'u nakkuumannu Samaria wuṛṛu i Ahab ratun Israel see lai papapulunne. Yerusalem sarun Ta'u waresianna ere lama'a apan buatte niukkassa wuṛṛu nilaabba.

1 TAWARIKH 5:26

Ana waugu udde Ruata nangal᷊oren naungngi Pul ratun Asyur, ne i tou inaite namangalo wanua udde. I Pul iasaggo lai i Tiglat-Pileser. Ana see ṛuanganni Ruben, i Gad wuṛṛu i Manasye apan uatana'a su samba'a ra'in Yordan niapidda naola'a taumata niatawanna wuṛṛu niwuangnga su Halah, Habor, Hara wuṛṛu watukku sambau tampa maranin Sal᷊ukku Gozan. Poiaroddi i mangitou natana'a wuṛṛu namanua naddatingngu allo indi.

EZRA 6:2

Arawe woṛṛetta su ola'u hatto udde niasangkal᷊anna waline su Babel, ewe'e su soa Ahmeta su wageangngu leta'u Media. Parenta udde niwoṛṛetta su sambau suratta hahulunganna wuṛṛu tingikke arendi,

NEHEMIA 9:32

Oh Ruata, Ruatan kami apan matohassa! Ruata apan bahewalla wuṛṛu masiṛṛungnga! Ringannu satia I'o uaaggassa al᷊awo'u paaire; manga paaire-Nu I'o nanipussa wuṛṛu niapaaman-Nu. Ro'en tempon manga ratun Asyur mangngallangnga si yami na'oman sara orassa indi, manambo asasusa apan naṛṛia'a si yami. Manga ratun kami, imam, nabi wuṛṛu manga matatimmaddu wanua, wuṛṛu lai al᷊amona wuṛṛu tumana'a, buatte natataṛṛangnga sarangkanambone. Arie paabul᷊iane anambon asasusa udde! Arie timbul᷊ianan-Nu wuassu naung-Ngu!

YESAYA 10:9

Ta'u aṛṛoanna manga soan Kalno wuṛṛu Karkemis, Hamat wuṛṛu Arpad. Ta'u aṛṛoanna lai manga soan Samaria wuṛṛu Damsyik.

YESAYA 13:17

Mawu nabbisara, “i Ya'u nangal᷊oren walahannu Madai iapapangalo Babel. I mangitou tawe aonggol᷊annu sal᷊a'a ara'e wul᷊awanna.

YESAYA 17:4

Mawu nabbisara, “Sarun a'omanna tempone awawantugu Israel muddussa, wuṛṛu pa'a'alane mawul᷊i.

YESAYA 21:2

I ya'u naasomba sondappa su ola'u manga arariadianna apan ma'ata'utta; su ola'u pandal᷊al᷊eo wuṛṛu pamamate. Inaite, tantaran Elam, pangaloite! Ei tantaran Madai, liwunete! Ruata sarun manguddussu anambon asasusa apan nirumanta waugu Babel.

YESAYA 36:17

ma'oman sara i yamiu iingkatta su sambau wanua apan saṛṛene marani massulungngu wanuanu sassane. Poiaroddi pia baillu anggore apan mabbuan anggore hunan kamiu, wuṛṛu wawail᷊annu ganduma apan mangngonggollu taponna maola'a anni yamiu.

YESAYA 36:19

Suapate manga mongannu wanua Hamat wuṛṛu Arpad? Suapate manga mongannu Sefarwaim? Apa piaddu nanal᷊amatta Samaria?

YESAYA 37:18

I yami sarangkanambone masingkatta, Mawu, manungku manga ratun Asyur buatte namate manambo manga walahanna wuṛṛu nakkimunsa'a manga wanuan mangitou.

YESAYA 8:4

Waugu tantal᷊anna ana'a udde ta'e addio'a taambe maasaggo ‘Papa’ wuṛṛu ‘Mama’, anambon paa'alan Damsyik wuṛṛu anambon saranapa niṛṛampassu Samaria sarun ṛuwoanna ringannu ratun Asyur.”

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

DANIEL 5:28

nitahia, araratuanni Tuangku tahianna wuṛṛu ionggolla su taumatan Media wuṛṛu Persia.”

HOSEA 1:4

Mawu nabbisara si ya'u, “Saggoa'e arannu anangngu udde Yizreel ana waugu tate mal᷊annulai i Ya'u sarun makkuumannu ratun Israel ana waugu pamamate apan niola'i Yehu, al᷊amonane, su Yizreel i Ya'u sarun manguddussu pamamarentan papapulunni Yehu.

HOSEA 1:6

Wua'udde awingku nanungkangken ana'i yami aruanne, sangkatou ana'a wawine. Mawu nabbisara si ya'u, “Hosea, anangngu udde aranne saggoa'e ‘Apan Tawe Nirangnguanna’, ana waugu i Ya'u tate lai mandangngu walahannu Israel, wuṛṛu mangke tate mangampungnga si mangitou.

HOSEA 1:9

Mawu nabbisara si ya'u, “Arannu anangngu saggoa'e udde ‘Wal᷊ine Uma-U’, ana waugu taumatan Israel wal᷊ine uma-U, wuṛṛu i Ya'u wal᷊ine Ruatan mangitou.”

HOSEA 8:8

Naal᷊ihidda urinna apan napesangnga, aroddi lai Israel apan tate gunane, wuṛṛu naola'a walahanna wiasa ere manga walahanna waine.

HOSEA 9:3

I yamiu, ei walahannu Israel, tawe sidutu uatana'a su leta'a apan niongonggollu Mawu si yamiu. I yamiu ṛinone mabbelengnga su Mesir, wuṛṛu ṛinone umanna anna ipapapalli su Asyur.

IMAMATTA 26:38

I yamiu sarun mate sulal᷊ummu pamuanganna, pateannu manga wanuan seennu.

AMOS 5:27

Amungkangngu i Ya'u mandammen kamiu su sambau wanua apan marau su Damsyik. I Ya'u Mawu aranne Ruata Apan Lembontaṛṛino buatte nabbisara.”

AMOS 7:17

Mawu nabbisara manungku awingngu sarun mabbal᷊i wawine masandaga su manga lal᷊annu soa, wuṛṛu manga anangngu pateanna sulal᷊ummu pangalo. Letangngu sarun tahianna apan tawe maaillal᷊a Mawu. Tumana'u Israel sarun ṛuwoanna watukku pamamuanganna, marau wuassu wanuane sassane.”

TAHIUL᷊E 28:36

I yamiu wuṛṛu ratunu sarun iapiddu Mawu watukku wanua apan awagananni yamiu wuṛṛu awaganannu iupungngu al᷊amonanu. Isudde i yamiu sarun mattaṛṛamawu manga Mawu apan niola'a wuassu alu wuṛṛu watu.

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.

TAHIUL᷊E 30:18

I yamiu sarun pateanna, wuṛṛu uukku maautta su wanua apan tate mal᷊annu lai atanaanni yamiu. Paanaunge! Olangnge udde buatte ta'u niwal᷊o si yamiu allo indi.