2 MARARATU 14:9 - WUKE SUSI WATTI'U AL᷊AL᷊USASSA

⁹ Arawe i Ratu Yoas nangirimmu sasimbakke indi, “Susambau tempo nannal᷊o ṛoaanna wuassu Panenteannu Libanon nangirimmu watti'a indi su alu cemara, “Ei alu cemara, onggol᷊a'e anangngu maṛṛuala su ana'u tadea'u maola'a awinge.” Arawe wua'udde sinumabbite isudde sambau winatangu ahuranganna wuṛṛu nakkinda nannal᷊o ṛoaanna udde.

2 MARARATU 14:9 ပူးပေါင်းရင်းမြစ်များ

1 MARARATU 4:33

I tou wotongnge mabbisara su ola'u manga aaluanna wuṛṛu manga sasuanna – wuassu alu cemaran Libanon maddatingngu nannal᷊on hisop apan tinumuwo su manga darandungnga watu. I tou mabbisara lai su ola'u manga winatangnga, ere manu'u winalanganna, winatangnga tuttondon tianne wuṛṛu inassa.

2 TAWARIKH 25:18

Arawe i Ratu Yoas nangirimmu sasimbakke indi, “Su sambau tempo anggaṛṛumunanna pia ṛoangnge su Wowon Libanon nangirimmu darorongnga indi su alu cemara, ‘Ei, alu cemara, onggol᷊a'ewe anangngu maṛṛuala maola'a awingngu ana'u.’ Arawe wua'udde sinumabbite sambau winatangngu ahuranganna apan nakkinda anggaṛṛumunanne apan pia ṛoangnge udde.

2 TAWARIKH 33:11

Ana waugu udde Mawu naparantan manga tembonannu tantaran Asyur niapapangalo Yehuda. Manasye sinamettu aaitta, ana see nimantungnga wuṛṛu niapidda watukku Babel.

AYUB 31:18

Ro'en ta'e maradio'a i mangitou papadul᷊ianangku; su al᷊o'engngu pabbiaṛṛangku i ya'u ua'ehetta si mangitou.

SASABANGNGA 3:2

Isudde mala'ekattu Mawu naipasilon batanganne si tou sulal᷊ummu ṛenggammu putungnga apan sinumabbangnga wuassu pattangngannu ahuranganna. I Musa naasilo ahuranganna udde luṛṛenggamma, arawe tawe matutungnga.

AMSAL 26:9

Naal᷊ihidda taumata wu'anna mapasabbangngu tune wuassu limane, aroddi lai taumata woddo apan mabbisaran tatatinro.

ANTARI MAWANTUGA 2:2

Naal᷊ihidda bunga hal᷊ohomma su tangngan ṛoa'a aroddi lai arangnguangku su tangngan manga sinangianna.

YESAYA 34:13

Manga wal᷊en pasasubbanna wuṛṛu manga soane pia tatandangnge sarun tuwoannu aputta ṛoaanna, wuṛṛu wawanuanten asun ahuranganna wuṛṛu manu'a unta.

YEHEZKIEL 20:49

Arawe i ya'u Yehezkiel namasingkattu abaratangku wuṛṛu nabbisara, “Mawu Apan Atanggaṛṛanne, i ya'u arie paddoloṛṛa'a mabbal᷊on udde! Awada'alla sussal᷊iomanna ana waugu i ya'u mappulu mabbisara ringannu sasumandingnga na'oman sara masahadda passunnanne.”

HOSEA 9:6

Amungkangngu asasilaka na'omate, wuṛṛu i yamiu niapidda su wanua waine, ne apan matantangnga suwallatti yamiu sarun iammullu manga taumatan Mesir tadea'u pateanna wuṛṛu ilabbingnga su Memfis! Nannal᷊o wuṛṛu rongnga sarun tumuwo manaappa manga tampa lanna'u wal᷊enu wuṛṛu manga saranapanu wuassu sal᷊a'a apan maarega.

1 KORINTUS 12:15

Amungkangu ledda mabbisara, “I ya'u wal᷊ine lima, ana waugu udde i ya'u wal᷊ine wageangngu wadangnga,” udde tawe atapasanne manungku ledda udde wal᷊ine wageangngu wadangnga.

1 SAMUEL 13:6

Wua'udde i mangitou namangalote ringannu tawe ampungnge su taumatan Israel, na'oman sara taumatan Israel matta'utte. Addaalle lai taumatan Israel uaimbuni sulal᷊ummu loṛṛangnga wuṛṛu liangngu wowone ara'e pasisalle'a su manga watu, ara'e sulal᷊ummu paṛṛihi wuṛṛu loṛṛangnga su leta'a,