2 MARARATU 11:4 - WUKE SUSI WATTI'U AL᷊AL᷊USASSA

⁴ Su tonna appitune manga mandariaga ratu wawine wuṛṛu manga mandariaga wal᷊en araratuanna niwagoanni Imam Yoyada iapasasomban tou su Wal᷊en Mawu. Poiaroddi i tou nandolokki mangitou niapasalu tadea'u mapaamattu ṛiinne. I tou namasilon Yoas parinsin Datu Ahazia, si mangitou,

2 MARARATU 11:4 ပူးပေါင်းရင်းမြစ်များ

PANDARIADDI 50:25

Ana see i Yusuf nandolokku anambon ana'u tuṛṛangnge massalu, wisarane, “Pa'irete si ya'u, manungku napawe Ruata mamiaaṛṛa'i yamiu watukku wanua udde, i yamiu lai sarun mangapiddu winal᷊unangku.”

2 SAMUEL 20:23

Eteindi manga mamanara atanggaṛṛanne apan nipilen Daud; Tembonannu anambon tantara: i Yoab. Piaṛṛa'u tantara mandariaga si Daud: i Benaya ana'i Yoyada.

2 SAMUEL 8:18

Tembonannu mandariaga ratu; i Benaya ana'i Yoyada; Manga imam su wal᷊en araratuanna: manga esakka ana'i Daud.

1 MARARATU 14:27

Ne naola'a hahantine Ratu Rehabeam na'ola'a manga allungnga wuassu witu'a, wuṛṛu nitantilla su manga tembonannu tantarane apan uariaga passalangannu wal᷊en araratuanna.

1 MARARATU 18:10

Ringannu arannu Mawu apan biakka, Ruata apan sassubbannu Iamangnga, i ya'u mamasingkatta manungku ratu buatte nandolo'u maddea'a si Iamangnga su alawo'u tampa. Amungkangngu su sambau wanua tembonanne mabbisara manungku Iamangnga tawe poiaroddi, i Ahab maddorongnga tadea'u tembonannu wanua udde massalu manungku Iamangnga atonna tawe niasangkal᷊anna isudde.

2 MARARATU 11:17

I Imam Yoyada nandolokki Ratu Yoas wuṛṛu tumanangnge niapaola'a pa'aire su Mawu manungku i mangitou maola'a al᷊aṛṛana'u Mawu. I tou lai nandolokku ratu niapoala'a pa'aire ringannu tumanangnge.

2 MARARATU 11:19

ana see i tou suadio'a ringannu manga perwira arae, manga mandariaga ratu, wuṛṛu manga mandariaga wal᷊en araratuanna see lai tumana'u soa sarangkanambone namantuga amatanni Ratu Yoas wuassu Wal᷊en Mawu naddatingngu wal᷊en araratuanna. I Yoas sinumutta wuassu Sasutannu Mandariaga, ana see niuma'iante su adderan araratuanna.

2 MARARATU 11:3

Annumu tonna al᷊annune i Yoseba uapadul᷊i ana'a udde sulal᷊ummu Wal᷊en Mawu su tempo i Atalya uaparenta naola'a ratu wawine.

2 MARARATU 11:9

Manga tembonannu tantara udde uararingikka parentan Yoyada wuṛṛu nangapidda ringanni tou tantaran mangitou apan ṛinone mammanara wuṛṛu mamallossu manara su allon Sabat udde.

2 MARARATU 12:7

Ana waugu udde i Yoas namago si Imam Yoyada wuṛṛu manga imam baine, wuṛṛu nabbisara, “Anio i yamiu taambe lai nangapia Wal᷊en Mawu? Manattakka orassa indi yamiu taambe iwala manahipunna roitta apan niasengkami yamiu. Sarangkanambone ṛinone itantilli yamiu ipangapia Wal᷊en Mawu.”

1 TAWARIKH 9:13

Manga imam apan naola'a uapua alahanna sarangkanambone 1.760 su atoune. I mangitou pande mammanara al᷊awo'u manara su Wal᷊en Mawu.

2 TAWARIKH 15:12

I mangitou naddiandi su Mawu manungku ringannu ahewallu naungnga wuṛṛu niawa, i mangitou sarun mabbiakka tuttuṛṛutta apulun Mawu Ruatan al᷊amonan mangitou.

2 TAWARIKH 29:10

Orassa indi i ya'u maapulu ma'ola'a paaire ringannu Mawu Ruatan Israel, tadea'u i Tou tate masa'u lai si ite.

NEHEMIA 10:29

I yami sarangkanambone naammulla ringannu manga piaṛṛa'i yami wuṛṛu nassalu tadea'u sidutu mabiakka tuttuṛṛutta titan Duata apan buatte nionggollu Mawu si Musa, allang-Nge. Antimanna Ruata mamontogga si yami amungkangngu i yami tawe nanipussu paaire indi. I yami nassalu sarun mapaamattu al᷊awo'u parenta, tita wuṛṛu atorannu Mawu, Ruatan kami.

NEHEMIA 5:12

Manga piaṛṛa'a udde sinumibakka, “Tatantiro udde sarun iamatti yami. I yamiu sarun mangule sarangkanambone wuṛṛu tawe maddorongnga wawaekke saran addio'a wuassi mangitou.” Ana see i ya'u namaggo manga imam wuṛṛu ta'u nirolokka manga piaṛṛa'a tanginna massalu su saruannu manga imam udde, manungku apa apan buatte niwisaran mangitou udde, atonna-tonna sarun iapaamatti mangitou.

NEHEMIA 9:38

Pinangianannu al᷊awo'u arariaddianna udde, i yami tumana'u Israel na'ola'a paaire apan matohassa wuṛṛu uawoṛṛetta, ringannu nicappanna manga piaṛṛa'i yami, manga taumatan Lewi wuṛṛu sangkatou imammi yami.

WATTI'U MANGA RASUL 5:24

Napawe piaṛṛa'u mandariaga Wal᷊e Mawu wuṛṛu manga imam tembonanne naaringikka alae udde, i mangitou tinumiangnga su ola'u manga rasul wuṛṛu matta'uttu apa apan sarun mariaddi.

WATTI'U MANGA RASUL 5:26

Ne piaṛṛa'u mandariaga Wal᷊e Mawu udde su sambau ringannu mandariagane inaite nangal᷊appa manga rasul udde apia. Arawe i mangitou tawe nangal᷊appu araṛṛagissa ana waugu i mangitou matta'uttu taumata nambo; aṛṛengenne taumata nambo udde mamaretam batu si mangitou.

YOSUA 24:25

Ne su allo udde su Sikhem i Yosua na'ola'a paddariandi ringannu taumatan Israel; wuṛṛu isudde i tou nangonggolu manga tita si mangitou wuṛṛu manga atoranna apan ṛinone olaanni mangitou.

1 SAMUEL 18:3

Ana waugu udde i Yonatan nassalu sarun maggawe Daud saran mal᷊annu-l᷊annu.

1 SAMUEL 23:18

Wua'udde i Daud wuṛṛu Yonatan nakkiinte riandin paggahahawe su saruannu Mawu. Wua'udde i Yonatan napul᷊ete su wal᷊ene, arawe i Daud ta'e uatana'a su Hores.