2 MARARATU 10:16 - WUKE SUSI WATTI'U AL᷊AL᷊USASSA

¹⁶ lapiddu nabbisara, “Wette tantalongke wuṛṛu pa'ellege sassane ereapa aṛṛimadde i ya'u massubba Mawu.” Ana see itarua suadio'a sinuma'e kereta watukku Samaria.

2 MARARATU 10:16 ပူးပေါင်းရင်းမြစ်များ

1 MARARATU 19:10

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara tumba'u ana waugu I'o sassane. Arawe umattu Israel nilumawangnga paairen mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane nallambe, wuṛṛu orasa indi i mangitou maddea'a mamate si ya'u lai!”

1 MARARATU 19:14

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara ate su huna-Nu sassane. Arawe umattu Israel nilumawangnga pa'aire mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane apan nallambe, wuṛṛu orassa indi i mangitou maddea'a mamate si ya'u!”

1 MARARATU 19:17

Isai-sai apan tawe nipate Hazael, sarun pateanni Yehu, wuṛṛu i mangitou apan naatal᷊angnga wuassi Yehu sarun pateanni Elisa.

2 MARARATU 10:17

Napawe na'omate poiaroddi i Yehu namate anambon tuṛṛangi Ahab, tawe saran sangkatou apan nitantanga. Olange udde nariaddi nassul᷊ungu wisaran Mawu si Elia.

AMSAL 27:2

Imbaṛṛangnga maddalo watangannu sassane; tanasa'e taumata waine apan ma'ola'a olangnge udde, ewe'e lai iapa awaganannu.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

REENGANNA 23:4

wuṛṛu isudde Ruata nirumanta ringanni tou. Unni Bileam su Ruata, “I ya'u buatte napararisikku pitu mezbah wuṛṛu nangonggolu sambau sapi esakka wuṛṛu sambau domba esakka su wowon manga mezbah udde.”

MATIUS 6:2

Nariaddi, amungkangngu i yamiu mangagillu aonggolla su taumata asiangnga, arie mangke itattunggalla darangngu udde, ere a'olaannu taumata lilangkamal᷊e'a. I mangitou maapulu ma'ola'a udde sulal᷊ummu wal᷊em pattataṛṛamawuanna, su lal᷊anna, tadea'u raloannu taumata. Naungete, i mangitou suete nanengkamma lal᷊antakke.

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

ROMA 10:2

I ya'u waṛṛani mabbisara manungku i mangitou mal᷊utu atonna mattaṛṛamawu Ruata. Arawe apulun mangitou udde tawe pinangiananne wuassu asingkattu Ruata.