2 MARARATU 1:9 - WUKE SUSI WATTI'U AL᷊AL᷊USASSA

⁹ Ana see i tou nandolokku sangkatou tembonannu tantara wuṛṛu siri liman pul᷊o tantarane inai iapasametta si Elia. Tembonannu tantara udde inaite ana see naaratingnga si Elia tantal᷊anna ua'ianna su sambau wuidda. “Ei, allangu Ruata,” wisaran tembonannu tantara udde, “ratu nandolokka i'o iapasossokka!”

2 MARARATU 1:9 ပူးပေါင်းရင်းမြစ်များ

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”

1 MARARATU 18:10

Ringannu arannu Mawu apan biakka, Ruata apan sassubbannu Iamangnga, i ya'u mamasingkatta manungku ratu buatte nandolo'u maddea'a si Iamangnga su alawo'u tampa. Amungkangngu su sambau wanua tembonanne mabbisara manungku Iamangnga tawe poiaroddi, i Ahab maddorongnga tadea'u tembonannu wanua udde massalu manungku Iamangnga atonna tawe niasangkal᷊anna isudde.

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

1 MARARATU 18:42

Ana see i Ahab inaite niumanna, wuṛṛu i Elia sinumaate su Wowon Karmel. Poiaroddi i tou niumal᷊intudda ringannu hatine su leta'a su wallattu wuune ruan ba'a.

1 MARARATU 19:2

Ne i Izebel nangirimmu watti'a indi si Elia, “Antimanna manga monganna makkuumanna, ewe'e lai mamate si ya'u, amungkangngu tiṛṛabbi ere lai orassa indi ya'u tawe mapa'inolaanna si'o ere lai i'o na'inolaanna manga nabin Baal udde.”

1 MARARATU 22:8

I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

2 MARARATU 2:25

I Elisa nanassukke amatanne watukku Wowon Karmel, wua'udde nabelengke watukku Samaria.

2 MARARATU 4:25

Ne inaite wawine udde watukku Wowon Karmel su tampan Elisa uatana'a. Ro'en ta'e marau i Elisa naasilote wawine udde nirumanta. I Elisa nabbisara si Gehazi, “Pa'ellego, inanga Wuassu Sunem uddete nirumanta!

YEREMIA 35:4

I ya'u nangapiddi mangitou watukku Wal᷊e Mawu sulal᷊ummu wabbo'a manga mal᷊aṛṛenggeni Nabi Hanan ana'i Yigdalya. Wabbo'a udde addone al᷊iurosone wuassu wabbo'a Imam Maaseya ana'i Salum, maranin wabbo'a manga mammamanara waine. Maaseya uddewe pegawe apan atanggaṛṛanne apan uariaga manga ngara su Wal᷊en Mawu.

AMOS 7:12

Ana see Amazia nabbisara si Amos, “Ei nabi, apul᷊ete su Yehuda! Pannasete poiaroddi. Wal᷊a'e i mangitou mangonggollu anna si'o!

MATIUS 14:3

Ana waugu dorone i Herodes nandolokka napasametti Yohanes wuṛṛu naṛṛapussa si tou see niapasutta sulal᷊ummu tuttupanna. I Herodes na'ola'a aroddi ana waugu i Herodias awingngi tuṛṛangngi tou sidutu, eteudde i Filipus.

MATIUS 26:68

wuṛṛu nabbisara, “Si'ata'a wuṛṛu pasingkata'a si yami, ei Ratum Punnu Sal᷊amatta! Isai namero Si'o?”

MATIUS 27:29

I mangitou na'ola'a sambau araposa mararatu wuassu manga rannang kalu ṛoaanna wuṛṛu niluṛṛe su pua Mawu Yesus. Wua'udde i mangitou nangagillu ta'inna su lima aikkatan-Ne, see inumal᷊intuda su saruan-Ne wuṛṛu mangngal᷊uandaga si Tou. “Tabea ratun taumatan Yahudi!” unni mangitou.

MARKUS 15:29

Manga taumata apan sussabbi isudde mangke uapapa'ilingnga wuṛṛu manggal᷊usa'a Mawu Yesus. I mangitou nabbisara, “Ei, I'o apan manggohakku Wal᷊en Ruata wuṛṛu mapaarisikka sulal᷊ummu tallu allo.

MARKUS 15:32

Amungkangngu i Tou ratun Israel, Ratum Punnu Sal᷊amatta, mappianne i Tou orassa indi lumintukka wuassu arussa udde, tadea'u i yami maasilo wuṛṛu mangngimanna si Tou!” Manga taumata apan niarussa lai su sambau ringannu Mawu Yesus manggal᷊usa'a Mawu Yesus.

LUKAS 9:54

Ne su tempo manga mallal᷊aṛṛenggennu Mawu Yesus, eteudde i Yakobus wuṛṛu i Yohanes naasingkatta olangnge udde, i mangitou nabbisara, “Mawu, apa Mawu ma'apulu, i yami madorongnga putungnga sumossokka wuassu langitta ipamate manga taumata indi?”

IBRANI 11:36

Piaddu lai a'al᷊uandahanna, pappuul᷊anna, niṛṛapussu ṛate wuṛṛu tinaṛṛo su tuttupanna.

1 SAMUEL 19:21

Napawe watti'a udde na'omate si Saul, i tou nandolokku manga daroloṛṛanna waine wuṛṛu i mangitou udde lai massal᷊aingke wuṛṛu mangngintul᷊i suadio'a. Su atallune i Saul nandolokku manga daroloṛṛanna, ne aroddi lai apan nariaddi si mangitou.