2 MARARATU 1:16 - WUKE SUSI WATTI'U AL᷊AL᷊USASSA

¹⁶ Ana see i Elia nabbisara ratu, “Mawu nabbisara, ‘I'o nandolokku taumata niaparoronga tatantiro si Baal-Zebub mongannu soan Ekron naal᷊ihidda su Israel tawe Ruata pa'iwal᷊oanna. Ana waugu udde i'o tawe mapia wuassu radda'a, i'o sarun mate!’ ”

2 MARARATU 1:16 ပူးပေါင်းရင်းမြစ်များ

1 MARARATU 22:28

Unni Mikha, “Amungkangngu i Tuangnga mabbelengnga ringannu sal᷊amatta, atappasanne Mawu tawe nabbisara si ya'u! Sarangkanambone apan uasemodda isindi maola'a matatiala.”

2 MARARATU 1:6

I mangitou sinumimbakka, “Sangkatou esakka nirumanta naisasomban kami, wuṛṛu nandolokki yami niapawelengnga wuṛṛu iapawal᷊o si Tuanga manungku Mawu nabbisara arendi si Tuanga, ‘Apa su Israel tawe Ruata, na'oman sara i'o nandolokka iaparoronga tatantiro wuassi Baal-Zebub, mongannu soan Ekron? I'o tawe mapia wuassu radda'a, i'o sarun mate!’ ”

2 MARARATU 20:1

Sutempo udde i Ratu Hizkia nirumadda'a pinsula apan mawakkata na'oman sara maraniten nate. I Nabi Yesaya ana'i Amos nattembo si tou wuṛṛu nabbisara, “Mawu nannanata tadea'u i Tuanga sarun manginsue al᷊awo'u manara, ana waugu i Tuanga tate mapia wuassu radda'a. Tate mal᷊annu lai i Tuanga sarun nate.”

2 MARARATU 5:21

Ana see i Gehazi nangenggente si Naaman. Napawe i Naaman naasilo pia taumata inawarendi, i tou sinumossokka wuassu kereta wuṛṛu naiwal᷊o, “Pia apa?”

2 MARARATU 8:10

I Elisa sinumimbakka, “Mawu namasingkatta si ya'u manungku i tou sarun mate. Arawe wal᷊oa'e si tou manungku i tou sarun mapia.”

2 MARARATU 8:8

i tou nabbisara si Hazael, sangkatou mammamanarane, “Apira'a aonggola su nabi udde, wuṛṛu padorongke tadea'u i tou maiwal᷊o Mawu, tanne i ya'u indi mapia ara'e tawe.”

DARALO 132:3

Wisarane, “I ya'u tawe mangillol᷊o su wal᷊e'u ara'e matiilla su tampan tatiil᷊angku,

AMSAL 11:19

Isai matammudda ma'ola'a mapia, sarun mabbiakka su lal᷊umanna'a; isai mattinsahadda ma'ola'a al᷊al᷊eo mattuddan papate.

YEHEZKIEL 14:4

Ana waugu udde, wal᷊oa'e si mangitou manungku i Ya'u, Mawu Apan Atanggaṛṛanne nannanata arendi, ‘Suapan taumatan Israel apan buatte nanantillu watanganne su paal᷊uanna wuṛṛu namala batanganne manawo sulal᷊ummu rosa, ana see rumanta maddorongnga tatantiro su sangkatou nabi, sarun Ta'u simbaṛṛanna sassane ringannu sasimbakke apan suṛṛinone su manga paal᷊uanne apan manambo udde!