2 KORINTUS 4:2 - WUKE SUSI WATTI'U AL᷊AL᷊USASSA

² I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

2 KORINTUS 4:2 ပူးပေါင်းရင်းမြစ်များ

1 MARARATU 18:34

i tou nabbisara, “Paassa lai,” ana see i mangitou na'ola'a. “Paassa lai,” unni i Elia, wuṛṛu i mangitou na'ola'a apia.

ROMA 1:16

I ya'u mangngimanna atonna Watti'u Al᷊al᷊uassa udde, ana waugu Watti'a udde atatohassu Ruata ipanal᷊amatta anambon taumata apan mangngimanna; paarorone taumatan Yahudi, wuṛṛu walahanna waine lai.

ROMA 6:21

Su tempo udde auntunganna apa apan nisengkammi yamiu wuassu manga inolaanna apan orassa indi maasili si yamiu amungkangngu olaanna? Manga inolaanna udde tumba'u mangapidda su papate!

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

2 KORINTUS 11:6

Asinungka i ya'u tawe tumani masingkata mabbisara, arawe su ola'u asingkata, i ya'u wal᷊ine taumata woddo. Udde buatte niapaal᷊iatta'a si yamiu su al᷊awo'u inolaanna.

2 KORINTUS 2:17

I yami tawe naal᷊ihida ere taumata nambo apan ma'ola'a Watti'u Ruata ere saranapa wal᷊u'anna. Manga pandumanni yami udde waresi, ana waugu i yami nirolokku Ruata. Wuṛṛu Ruata sassane ua'ellega manungku i yami mammasingkatu watti'a udde naola'a allangngi Kristus.

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

2 KORINTUS 6:8

I yami aaddatanna, arawe haggal᷊usaanna lai, raddaloanna, wuṛṛu aal᷊uandahanna lai. Salaiwe i yami mabbiakka matul᷊idda, i yami aansilanna taṛṛa awusu.

2 KORINTUS 7:14

I ya'u atonna suete namarabungan kamiu si tou. Aadiangkamanna, i yamiu tawe namansili si ya'u. Anambon apa apan suete niwal᷊on kami si yamiu udde atonna. Aroddi lai apa apan ipamarabungan kami su ola'i yamiu si Titus udde niatialanna atonna.

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

EFESUS 5:12

Ana waugu inolaanni mangitou a'olaanna ringannu ma'immbuni udde ipagahatto lai maasilite.)