2 KORINTUS 2:3 - WUKE SUSI WATTI'U AL᷊AL᷊USASSA

³ Ana waugu udde i ya'u namoṛṛettu suratta udde si yamiu. I ya'u maddirite mattembo si yamiu, see mapaasusan kamiu, sumbal᷊i ete i yamiu malluassa si ya'u. Ana waugu i ya'u mangngimanna manungku amungkangngu i ya'u lulluassa, ne i yamiu sarangkanambone lulluassa lai.

2 KORINTUS 2:3 ပူးပေါင်းရင်းမြစ်များ

1 KORINTUS 4:21

Nariaddi pamilete apa ipaapulun kamiu! Apa i yamiu maapulu i ya'u rumanta mangaṛṛa'a ringannu maṛṛagissa ara'e i ya'u rumanta mangaṛṛa'a ringannu masi'ome wuṛṛu marangngu?

2 KORINTUS 1:15

Ana waugu ete pangangimanna udde i ya'u paarorone maapulu mattembo si yamiu tadea'u i yamiu maasomba al᷊amatta paarua anambone.

2 KORINTUS 1:23

Ruata maola'a tiala'u – ana waugu i Tou masingkatu lal᷊oṛṛo naungku – manungku i ya'u tawe nariaddi watukku Korintus, ana waugu i ya'u maddiri ma'ola'a naungngi yamiu masusa.

2 KORINTUS 12:11

Atonna i ya'u buatte nattanno ere taumata woddo – arawe ete i yamiu na'ola'a si ya'u aroddi. Ṛinone ete i yamiu maddalo si ya'u. Ana waugu salaiwe i ya'u tawe aregane saran kadio'a, i ya'u mangke ere “manga rasul” apan wahewalla udde!

2 KORINTUS 12:21

I ya'u mata'utta amungkangngu su tempo i ya'u rumanta Ruata sarun mapaawawo'u su saruanni yamiu wuṛṛu i ya'u sarun lumuai ana waugu manambo su wallatti yamiu dorone marosa, tawe mawal᷊u, wuṛṛu tawe mangillol᷊o ma'ola'a manga inolaanni mangitou apan sussandaga, nagal᷊imutanna wuṛṛu tawe su ṛinone.

2 KORINTUS 13:10

Ana waugu udde, i ya'u namoṛṛettu suratta indi su tempo i ya'u taambe uatana'a su pattangnganni yamiu. Ringannu aroddi, amungkangngu i ya'u rumantate, i ya'u tawe mamarenta ringannu maṛṛagissa su saruanni yamiu ringannu taṛṛino apan nionggolu Mawu si ya'u. Taṛṛino udde nionggola ipannohassa pangangimanni yamiu, wal᷊inewe ipandal᷊eo si yamiu.

2 KORINTUS 2:9

I ya'u namoṛṛettu suratta udde si yamiu ringannu pandumanne maannamma si yamiu, tanne i yamiu sidutu maapulu tumuṛṛutta manga tatantiro'u.

2 KORINTUS 7:12

Nariaddi, salaiwe i ya'u suete namoṛṛettu suratta udde, i ya'u namoṛṛetta, wal᷊ine ana waugu taumata nassal᷊a udde. Wal᷊ine lai ana waugu taumata apan uatataṛṛanga pasasal᷊a udde. I ya'u namoṛṛettu suratta udde tadea'u su saruannu Ruata i yamiu maatutukka sassane aroddi ahewalle naungngi ami si yamiu.

2 KORINTUS 7:16

I ya'u mal᷊uassa tassul᷊ungnge, ana waugu i yamiu aapangimananna su al᷊awo'u inolaanna.

2 KORINTUS 7:6

Arawe aadiangkamanna, Ruata sidutu mannohassa naungngu taumata apan nial᷊iwune, i Tou nalluassa si yami ringannu darantan Titus.

2 KORINTUS 7:8

Salaiwe sura'u naasusa naungngu, i ya'u tawe sumassilla namoṛṛettu suratta udde. Atonna su tempo i ya'u naasilo manungku suratta wuassia'u udde naasusa si yamiu – salaiwe asasusanu udde tumba'u tal᷊an kadio'a – i ya'u sussassilla lai.

2 KORINTUS 8:22

Suadio'a ringanni Titus wuṛṛu tuṛṛangnge udde, i yami lai nandolokku sangkatou tuṛṛangnge waine. I yami masokkate naannama si tou wuṛṛu inasingkatanna i tou sidutu maapulu mantul᷊ungnga. Wuṛṛu orassa indi, i tou maapulu mantul᷊ungngi yamiu, ana waugu i tou pia antimma wahewa si yamiu.

GALATIA 5:10

Salaiwe aroddi ya'u ta'e mangngimanna manungku ṛingiṛṛanni yamiu tawe nawal᷊u, ana waugu i ite suete naaukka ringanni Kristus. Wuṛṛu i ya'u mangngimanna manungku isai-sai apan mangngal᷊iwun ṛingiṛṛannu, sarun iṛṛuumannu Ruata.

2 TESALONIKA 3:4

Wuṛṛu i yami mangngimanna atonna su Mawu su ola'i yamiu, manungku i yamiu tantal᷊anna mammanara wuṛṛu siddutu mammanara apa apan iradolokki yami si yamiu.

FILEMON 1:21

I ya'u namoṛṛetu suratta indi ringannu mangngimanna manungku i'o sarun tumuṛṛutta darorongku. Ewe'e i ya'u lai masingkatta i'o sarun ma'ola'a nangillembo wua isudde.