2 KORINTUS 11:3 - WUKE SUSI WATTI'U AL᷊AL᷊USASSA

³ Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

2 KORINTUS 11:3 ပူးပေါင်းရင်းမြစ်များ

KOLOSE 2:8

Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

GALATIA 1:6

I ya'u tinumiangnga su ola'u manga tuṛṛangnga! I yamiu niwagoannu Ruata ana waugu darangngun Kristus, arawe orassa indi yamiu aroddi al᷊ihakke tinumal᷊iudda Ruata wuṛṛu mangngimanna “watti'u al᷊al᷊uassa” apan uapapaṛṛalan Watti'u Al᷊al᷊uassa wuassu Ruata.

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

KOLOSE 2:4

I ya'u namasingkatu indi tadea'u i yamiu tawe awahianni sai-sai apan pande mamal᷊onotta si yamiu.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

1 TIMOTIUS 2:14

Wuṛṛu wal᷊ine Adam, ewe'e ete wawine apan niawono'anna, na'oman sara nilumawangnga parentan Duata.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.

PANDARIADDI 3:13

Ruata naiwal᷊o wawine udde, “Anio i'o na'ola'a udde?” Sasimbakke, “I ya'u niwahiannu atoanna, na'oman sara i ya'u niumanna wua'udde.”

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

GALATIA 3:1

Manga tuṛṛangnga taumatan Galatia! I yamiu woddo atonna. Tanne i yamiu niaṛṛinoanten wawono'i sai? Papaten Kristus su alu arussa suete ta'u tinal᷊a'a ringannu masema-semakka si yamiu!

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

PANDARIADDI 3:4

Atoanna udde sinumimbakka, “Udde nassal᷊a; iraddua tawe mate.

1 YOHANES 2:18

Al᷊aṛṛana'u panginsueannu tempo maranite! Suete niapaasingkata si yamiu paarorone, manungku Seetti Kristus sarun rumanta; wuṛṛu orassa indi nirumantate anambon taumata apan masseetti Kristus. Udde tatialane manungku panginsueannu runia maranite.

2 PETRUS 3:17

Arawe i yamiu manga tuṛṛangku apan arangnguanna, maasingkatte olangnge udde. Ana waugu udde, paatehamma, arie i yamiu iawol᷊engnga sulal᷊ummu ararandumu manga taumata lal᷊eo, ma'oman sara i yamiu manawo wuassu tampa dararisiṛṛanu apan matohassa.

GALATIA 4:11

I ya'u sussinggawangnga, aṛṛengenne asasaha'u indi si yamiu tawe gunane.

2 KORINTUS 2:17

I yami tawe naal᷊ihida ere taumata nambo apan ma'ola'a Watti'u Ruata ere saranapa wal᷊u'anna. Manga pandumanni yami udde waresi, ana waugu i yami nirolokku Ruata. Wuṛṛu Ruata sassane ua'ellega manungku i yami mammasingkatu watti'a udde naola'a allangngi Kristus.

2 PETRUS 3:3

Paarorone, i yamiu ṛinone masingkatta manungku su allo-allo pangudusanne, sarun rumanta manga taumata apan pabbawiakke paparentannu apulu naungngi mangitou sassane. I mangitou sarun mangal᷊uandaga si yamiu,

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

1 TESALONIKA 3:5

Ana waugu udde i ya'u nandolokki Timotius, ana waugu i ya'u maapulu atonna maasingkata ereapa araṛṛimaddi yamiu mangngimanna si Kristus. I ya'u sussinggawangnga ana waugu Setanna wotongnge mamono'a si yamiu ma'oman sara anambon asasahaddi yami maola'a tate gunane.

EFESUS 6:24

Sal᷊andeanna Ruata sarun mangal᷊amatta si yamiu sarangkanambone apan mandangngu Mawun kite Yesus Kristus ringannu darangngu apan tawe masue. Tabea wuassi yami, Paulus

GALATIA 2:4

salaiwe pia manga taumata mammata'u olangnge udde. I mangitou udde manga taumata apan sinumutta awagananna sulal᷊ummu ammul᷊anni ite wuṛṛu mattingkaola'a ere tuṛṛangnga. I mangitou sinumutta ringannu mal᷊anna-l᷊annaba mannaṛṛassida al᷊al᷊uassa apa niola'i ite ana waugu i ite uaaukke ringanni Kristus. I mangitou maapulu mapaawelengngi ite su olangnge paarorone ere sangkatou allangnga,

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

TITUS 1:10

Ana waugu manambo taumata apan maapulu mabbawul᷊o, lembonete manga taumata apan dorone agamane Yahudi; i mangitou mangngawusu taumata waine ringannu aawusu mangitou.

1 TIMOTIUS 1:3

I ya'u maapulu tadea'u i'o sidutu uatana'a su Efesus ere lai suete ta'u niwal᷊o si'o su tempo i ya'u inai watukku Makedonia. Ana waugu su Efesus pia sire pira taumata apan mannal᷊iawukku al᷊aṛṛa'a nassal᷊a, wuṛṛu i'o ṛinone maningaddi mangitou.

KOLOSE 2:18

Imbaṛṛanganga i yamiu mapaawalan watangannu rugiannu taumata apan mangngawusu naungnge mawawo wuṛṛu massubba manga mala'ekatta. Taumata udde mawunga ringannu manga ṛingiṛṛannu runia wuṛṛu mamarabunga manga sondapi tou sassane,

2 KORINTUS 11:29

Amungkangngu piaddu lome, i ya'u lai mammendama lome su sambau. Amungkangngu piaddu nanawo su rosa, naungku lai massusa.

ROMA 12:8

Taumata apan pia asingkatta mangngonggolu sasasa su taumata waine, ṛinone atonna-tonna mangonggolu sasasa su taumata waine, taumata apan pia al᷊amatta mantul᷊ungngu taumata waine ringannu darotongnge, ṛinone ma'ola'a udde ringannu naungnga mawawo wuṛṛu mal᷊uassa. Taumata apan pia asingkatta mammiaṛṛa'a, ṛinone atonna-tonna mammiaṛṛa'a. Taumata apan pia al᷊amatta mamasilon darangngune su taumata waine, ṛinone ma'ola'a ringannu naungnga mal᷊uassa.

SONDAPPA 20:2

See i tou nanametta naga udde, atoanna timmade, – eteudde Setanna ara'e Ghaṛṛaho Lal᷊eo udde – wuṛṛu niṛṛapussa saṛṛiwu su tonanne al᷊annune.

DARALO 119:53

I ya'u tumaniten massa'u su taumata lal᷊eo, ana waugu i mangitou nanantangu tita-Nu.

PANDARIADDI 3:1

Atoanna eteudde sambau winatangnga apan apandeanne wuassu al᷊awo'u winatangnga apan niola'u Ruata. Atoanna udde naiwal᷊o wawine udde, “Apa Ruata atonna-tonna naningaddi raddua umanna manga wuan kaaluanna sulal᷊ummu wailla indi?”

PANDARIADDI 3:20

I Adam nanagon awingnge i Hawa ana waugu wawine udde naola'a inangngu anambon taumata.

2 KORINTUS 11:20

I yamiu mangke mammalan taumata mapataṛṛuallangngi yamiu, ara'e mangngapande manaranu wuṛṛu mangnganu auntunganna wuassi yamiu, ara'e mammendama ririne mattanggaṛṛanna wuassi yamiu wuṛṛu waṛṛani mamero si yamiu.

EFESUS 4:22

Ana waugu udde tantanga'e pallal᷊agun taumata tabbe ringannu ola'u pabbiaṛṛana tabbe apan tantal᷊anna ihagohakku manga apulun runia apan mangngal᷊iwu.

SONDAPPA 12:15

Ne naga udde napaasabbangu ua'e wuassu moṛṛonge apan manambo atonna watukku wawine udde, tadea'u mapa'elekki tou.