1 TIMOTIUS 6:5 - WUKE SUSI WATTI'U AL᷊AL᷊USASSA

⁵ wuṛṛu pasase'etta apan tawe masue. Lal᷊annu ṛingiddu manga taumata udde nial᷊iwunete wuṛṛu nassal᷊ate. I mangitou massunna manungku wotongnge maala wuassu agama.

1 TIMOTIUS 6:5 ပူးပေါင်းရင်းမြစ်များ

YESAYA 56:11

I mangitou naal᷊ihidda asu a'ombanganna apan tawe mal᷊aidda. Manga piaṛṛa'a udde tawe maasunna. Sangkatou-sangkatou ma'ola'a walate apulu naungnge wuṛṛu maddea'a auntunganne sassane.

YEREMIA 6:13

I mangitou sarangkanambone, timmadde dario'a, maddea'a auntunganna ringannu lal᷊anna apan tawe suṛṛinone. Ewe'e lai nabi wuṛṛu imam mammahia taumata.

YEREMIA 8:10

Ana waugu udde i Ya'u sarun mangonggollu wailla su manga mawun leta'a waine, wuṛṛu awingngi mangitou su taumata waine. I mangitou sarangkanambone, wahewalla addio'a, maddea'a auntungnganna ringannu lal᷊anne mammahia. Ewe'e lai manga nabi wuṛṛu imam mangngawusu taumata.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

MATIUS 12:33

“Tadea'u maasomba wua apan mapia, alune ṛinone masuwukka. Amungkangngu alune maṛṛisitta, wuane lai lal᷊eo. Masuwukka ara'e maṛṛisitta alu udde asingkatanna wuassu wuane.

MATIUS 21:13

See i Tou nabbisara manga taumata isudde, “Sulal᷊ummu Wuke Susi uawoṛṛetta manungku Ruata nabbisara, ‘Wal᷊e'u sarun isaggo wal᷊e tampa a'al᷊iomananna.’ Arawe niola'i yamiu wal᷊e udde sal᷊akku taumata lal᷊eo!”

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

1 KORINTUS 11:16

Aroddi amungkangngu piaddu maapulu matatiakka su ola'u hatto indi, tumba'u sambau ta'u iwal᷊o eteudde manungku mawae i ite ara'e manga jamaattu Ruata waine, sarangkanambone tumba'u pia sambau inanaramanna udde sulal᷊ummu jamaatta, waine wua isudde tawe wotongnge.

2 TESALONIKA 3:6

Manga tuṛṛangnga, wuassu taṛṛinon Mawu Yesus Kristus, i yami nandolokka tadea'u i yamiu mangindau manga tuṛṛanga, apan mabbiakka wolo'a, wuṛṛu maddiri tumuṛṛutta manga al᷊aṛṛa'a apan niapaasingkati yami si mangitou.

1 TIMOTIUS 1:6

Pia sambageanganna taumata apan maddirite mabbiakka ereudde lai, wuṛṛu inumal᷊iwute sulal᷊ummu pattatiakka apan tawe gunane.

1 TIMOTIUS 3:3

arie taumata taṛṛa wu'anna, ara'e taṛṛa wawul᷊o. Ewe'e i tou ṛinone sangkatou masaṛṛionto'a, wuṛṛu mal᷊utu su paddarame. Tawe wotongnge i tou wal᷊iun roitta.

1 TIMOTIUS 3:8

Ṛinone masasumbala jamaatta lai taumata mapia wuṛṛu matul᷊ida; tawe wal᷊iun doitta tawe tumaniten manambo ma'inumma anggore.

1 TIMOTIUS 4:7

Paaraua'a manga watti'a wawahia apan tawe gunane. Ṛinone wadangngu inaramma su pabbiaṛṛanna mattaṛṛamawu.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

1 TIMOTIUS 6:6

Atonna agama mangngonggolu auntunganna apan wahewalla, amungkangu taumata mal᷊uassa ringannu sarannapa apan tatahuananne.

2 TIMOTIUS 3:5

Salaiwe su ola'u waddangnga, i mangitou matuṛṛutta mappaamattu titan agama, arawe maddiri manengkamma lal᷊oṛṛon watiti'u agama udde sassane. Paarau manga taumata ereudde.

2 TIMOTIUS 3:8

Su ereapa Yanes wuṛṛu Yambres nilumawangnga si Musa rorone, aroddi lai manga taumata udde nilumawangnga al᷊aṛṛa'a wuassu Ruata. Ṛingidi mangitou nahohakke, wuṛṛu pangangimanni mangitou nisiladde.

TITUS 1:11

Manga taumata ereudde ṛinone sappingana moṛṛonge, ana waugu i mangitou mannongkakku anambon amonanna ringannu manga al᷊aṛṛa'a apan lal᷊eo. I mangitou ma'ola'a udde tumba'u ana waugu maapulu maddea'a auntunganna apan tawe su ṛinone!

2 PETRUS 2:15

Ana waugu i mangitou maddiri umamatta su lal᷊anna matul᷊ida, ne i mangitou nial᷊iwune. I mangitou niumamatta su lal᷊anni Bileam ana'i Beor dorone. Bileam indi mangke maapulu maasomba roitta wuassu inolaanne apan lal᷊eo.

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

SONDAPPA 18:13

pising kalu matemangnga, manga rampa, setanggi, mur, wuṛṛu amania; anggore wuṛṛu lana, taponna wuṛṛu gandumma; sapi wuṛṛu domba, awal᷊o wuṛṛu kereta, manga allangnga, see lai niawan taumata.

SONDAPPA 18:3

Ana waugu al᷊awo'u walahanna suete na'inumma anggoru apulum pasasandage. Manga ratu su runia sussandaga ringanni tou, wuṛṛu manga mabbawal᷊u'a su runia nabbal᷊i ala ringannu apulune apan tawe ia'ul᷊inna udde.”