1 TIMOTIUS 6:4 - WUKE SUSI WATTI'U AL᷊AL᷊USASSA

⁴ ete i tou taumata mawunga wuṛṛu waggan apa-apa! Radange eteudde apulune uasasimbaka wuṛṛu uatatiakka su ola'u manga wisara na'oman sara sumappute naungnga lal᷊eo, patatal᷊ei, al᷊uandaga, wuṛṛu pasasunna apan lal᷊eo,

1 TIMOTIUS 6:4 ပူးပေါင်းရင်းမြစ်များ

AMSAL 13:7

Piaddu mattanno ere taumata ala, arawe tawe darotongnge; piaddu mattanno ere taumata asiangnga, wutte'e ala marasai.

AMSAL 25:14

Manga riandi apan tawe naola'a, naal᷊ihidda winabbawa wuṛṛu anginna apan tawe manossokku uranna.

AMSAL 26:12

Taumata woddo ta'e lai mappianne wuassu taumata apan massunna watanganne pande.

YESAYA 58:4

Tantal᷊anna mappuasa, i yamiu uatatiakka wuṛṛu uawawul᷊o wuṛṛu ma'inolaanna ringannu maṛṛagissa. Sunnanu ola'i yamiu mappuasa udde mangal᷊ore-U see maddaringikka manga aal᷊iomannu?

WATTI'U MANGA RASUL 15:2

I Paulus wuṛṛu i Barnabas mangke mannompola addapattu manga taumata udde. Panginsueanne tinantunna tadea'u i Paulus wuṛṛu i Barnabas wuṛṛu manga pira taumata waine wuassu Antiokhia inai watukku Yerusalem suadio'a ringannu manga rasul wuṛṛu manga piaṛṛangnge poiaroddi.

WATTI'U MANGA RASUL 18:15

Arawe indi sambau patatatiakka su ola'u manga wisara wuṛṛu manga aranna see manga titanu sassane! Nariaddi yamiu ṛinone manginsue hatto indi. I ya'u maddiri mamarikissa hatto ereudde!”

WATTI'U MANGA RASUL 8:9

Su soa udde pia sangkatou esakka aranne i Simon, apan mal᷊annute ma'aola'a taumatan Samaria iaaguke su ola'u apande bal᷊iimmata. I tou mabal᷊o si mangitou manungku i tou taumata paṛṛalane wuassu taumata nambo.

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

ROMA 13:13

I ite ṛinone ma'ola'a inolaanna apan aaddatanna ere su inanaramanne a'olaannu taumata su tempo allo; imbaṛṛangnga maddamea tumaniten manampal᷊iu, ara'e mabbu'anna. Imbaṛṛangnga sumandaga, ara'e pia pallal᷊agu tawe addane. Imbaṛṛangnga mabbawul᷊o, ara'e mangune.

ROMA 14:1

Taumata apan pangangimanne ta'e mattul᷊ungnga ṛinone sengkamanna ringannu mapia su wallattu manga tuṛṛangnga. Arie pattatiakka ringanni tou su ola'u pangangimanne.

ROMA 2:8

Arawe manga taumata apan tumba'u maṛṛingiddu ririne sassane wuṛṛu maddiri tumuṛṛutta Ruata, ewe'e tuttuṛṛutta al᷊al᷊eo, manga taumata udde lembon aasa'uannu Ruata.

1 KORINTUS 11:16

Aroddi amungkangngu piaddu maapulu matatiakka su ola'u hatto indi, tumba'u sambau ta'u iwal᷊o eteudde manungku mawae i ite ara'e manga jamaattu Ruata waine, sarangkanambone tumba'u pia sambau inanaramanna udde sulal᷊ummu jamaatta, waine wua isudde tawe wotongnge.

1 KORINTUS 11:18

Paarorone i ya'u naaringikka, manungku sulal᷊ummu ammul᷊anni yamiu pia manga ammul᷊anna apan uatatiakka. Wuṛṛu i ya'u maṛṛangngo manungku mannamboanna watti'a udde atonna.

1 KORINTUS 3:18

Imbaṛṛangnga piaddu sangkatou mamahia watanganne sassane. Amungkangngu pia taumata su wallatti yamiu mammendama watanganne pande tumuṛṛuttu aul᷊aannu runia indi, taumata udde mabbal᷊i woddo, tadea'u i tou atonna-tonna mabbal᷊i pande.

1 KORINTUS 3:3

ana waugu i yamiu ta'e mabbiakka tumuṛṛuttu pallal᷊agun taumata. Ana waugu amungkangngu i yamiu ta'e uasasihikka wuṛṛu uawawul᷊o sangkatou ringannu waine, wal᷊inewe udde mapaal᷊iatta'a manungku i yamiu ta'e pia pallal᷊agu manga taumata apan tawe maaillal᷊a Ruata?

2 KORINTUS 11:20

I yamiu mangke mammalan taumata mapataṛṛuallangngi yamiu, ara'e mangngapande manaranu wuṛṛu mangnganu auntunganna wuassi yamiu, ara'e mammendama ririne mattanggaṛṛanna wuassi yamiu wuṛṛu waṛṛani mamero si yamiu.

GALATIA 5:15

Arawe amungkangu i yamiu mangke uaaṛṛautta, paatemhamma, panginsueanne i yamiu maṛṛimunsa'a suaddio'a.

GALATIA 5:26

I ite tawe wotongnge mattingkawunga, wuṛṛu maddal᷊al᷊eo naungnga, wuṛṛu uaa'une sangkatou ringannu waine.

GALATIA 6:3

Amungkangu sangkatou massunna watanganne mappianna, wutte'e tawe, taumata udde nangawusu watanganne sassane.

FILIPI 1:15

Atonna pia sire pira wuassu wallatti mangitou apan mabbatti'i Kristus ana waugu naungnge lal᷊eo wuṛṛu maapulu mattatiakka, arawe waine mabbatti'i Kristus ana waugu pia pandumma apan mapia.

FILIPI 2:14

Manarate al᷊awo'u manara ringannu tawe sumungkuta ara'e matatiakka.

FILIPI 2:3

Arie ma'ola'a sambau inolaanna hunane su watangannu sassane, ara'e ipamarabunga. Arawe ṛinone i yamiu sangkatou-sangkatou ringannu masaṛṛionto'a ma'ellega taumata waine mappianne wuassu watangannu sassane.

KOLOSE 2:18

Imbaṛṛanganga i yamiu mapaawalan watangannu rugiannu taumata apan mangngawusu naungnge mawawo wuṛṛu massubba manga mala'ekatta. Taumata udde mawunga ringannu manga ṛingiṛṛannu runia wuṛṛu mamarabunga manga sondapi tou sassane,

2 TESALONIKA 2:4

Ringannu mawunga i tou sarun lumawangnga wuṛṛu mananggaku watangan-Ne su anambon inolaanna apan sassubbannu taumata, ara'e anambon paal᷊uanna apan sassunnannu taumata udde Ruata. Ewe'e lai i tou sarun uma'ianna sulal᷊ummu Wal᷊e Duata wuṛṛu mamasingkata manungku eteudde i tou Ruata.

1 TIMOTIUS 1:4

Wal᷊oa'a si mangitou tadea'u ariete lai maddaringikka manga wa'e wuṛṛu manga watti'u arariaddiannu walahanna apan tawe panginsueanne. Sarangkanambone udde tumba'u mandantan pabbawawul᷊o, wuṛṛu tawe mappaamattu pandumannu Ruata apan tumba'u wotongnge aillal᷊anna sulal᷊ummu pangangimanna si Tou.

1 TIMOTIUS 1:7

I mangitou maapulu maola'a manga hurun agama, wutte'e i mangitou sassane tawe maasunna manga wisara apan ipappaatti mangitou ara'e manga inolaanna apan iapaasingkati mangitou ringannu ahewallu naungnga.

1 TIMOTIUS 3:6

Sangkatou mallal᷊u'ada jamaatta tawe wotongnge taumata wakkute sinumutta Saṛṛani, ana waugu takka i tou mabbal᷊i mawunga see awontohanna ere Setanna dorone.

2 TIMOTIUS 2:14

Ṛinone i'o mapaanaungnga su manga taumata su ola'u sarangkanambone indi. Su saruannu Ruata, tantiroi i mangitou, tadea'u tawe mattatiakka su ola'u manga wisara wakku. Udde tawe gunane, ewe'e tumba'u mangngal᷊iwu manga taumata apan maddaringikka.

2 TIMOTIUS 2:23

Arie lumal᷊o'a su pattatiakku manga taumata woddo apan waggan apa-apa. I'o masingkatta manungku sarangkanambone udde tumba'u mapaal᷊apputu pattatiakka.

2 TIMOTIUS 3:4

I mangitou apulune mandal᷊eo taumata, mawunga wuṛṛu tawe maṛṛingidda mal᷊o'e. I mangitou apulune tuttuṛṛuta lal᷊umanna'u runia wuassu tumuṛṛutta al᷊aṛṛa'u Ruata.

TITUS 3:9

Pangindaute manga pattatiakka apan tawe gunane, manga watti'u al᷊amona, pattatiakka wuṛṛu pabbawawul᷊o su ola'u titan agama. Sarangkanambone udde tawe gunane wuṛṛu tawe gessine.

YAKOBUS 1:19

Panutukke indi paapia-pia, manga tuṛṛangnga apan arangnguanna! Suapan taumata ṛinone mal᷊ihakka maddaringikka, arawe mal᷊iwue mabbisara wuṛṛu mal᷊annu masa'u.

2 PETRUS 2:12

Arawe manga huru udde wal᷊ine hampa! I mangitou ere winatanga niasungkanga see sametanna wuṛṛu pateanna. I mangitou tawe maṛṛingidda, arawe tumba'u mammanara tuttuṛṛuta apulun naungnga, na'oman sara i mangitou mando'appa manga hatto apan tawe iasunna mangitou ringannu manga wisara aal᷊uandaga. Ana waugu udde wuassu manga pallal᷊agu mangitou sassane, i mangitou sarun mate ere manga winatangnga mal᷊aṛṛaga.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

YUDAS 1:10

Arawe ringannu manga aal᷊uandagga, manga taumata udde namangalo al᷊awo'u apa apan tawe asunnanni mangitou. I mangitou nasul᷊unga ere manga winatangnga apan tawe ṛingidde, apan maasingkattu inolaanne wuassu nianaramanne. Arawe ete inolaanna udde naal᷊al᷊eo si mangitou.

YUDAS 1:16

Manga taumata udde siddutu sussungkuta wuṛṛu mapaasal᷊an taumata waine. I mangitou mabbiakka tuttuṛṛutta manga apulun naungngi mangitou apan marosa. I mangitou taṛṛa watti'u watanganni mangitou sassane, wuṛṛu massal᷊o'u taumata ana see maasomba auntunganna.”

SONDAPPA 3:17

I yamiu mabbisara, ‘I yami ala wuṛṛu al᷊awo'a mangke pia; i yami tawe urangnge apa-apa.’ Arawe i yamiu wagga aroddi aasiangnge wuṛṛu aroddi maasusa ririnu! I yamiu asiangnga, tantol᷊e wuṛṛu wuta.