1 TIMOTIUS 6:1 - WUKE SUSI WATTI'U AL᷊AL᷊USASSA

¹ Manga taumatan Saṛṛani apan naola'a allangnga, ṛinone massunna manungku mawu mangitou ṛinone addatanna, tadea'u taumata tawe wotongnge mandal᷊eo arannu Ruata ara'e al᷊aṛṛa'i ite.

1 TIMOTIUS 6:1 ပူးပေါင်းရင်းမြစ်များ

PANDARIADDI 16:9

Mala'ekatta udde nabbisara, “Pabelengke ringanni tou wuṛṛu pangimbete si tou.”

PANDARIADDI 24:12

Ana see allangnga udde niumal᷊iomanna, “Mawu, Ruata mawu'u Abraham, tul᷊ungaawe, tadea'u i ya'u maaola'a manara'u su allo indi; akkanaawe mawu'u Abraham.

PANDARIADDI 24:2

Su allo sambau i Abraham nabbisarate allangnge atimmaranne, apan ual᷊u'adda alawo'u darotongnge, “Addoa'e limanu su wallatu palangku.

PANDARIADDI 24:27

Wisarane, “Paddalote Mawu, Ruata mawu'u Abraham. Mawu sidutu matul᷊idda wuṛṛu mapia su mawu'u Abraham. I tou nangehetta si ya'u watukku manga tuṛṛangnge.”

2 SAMUEL 12:14

Arawe ana waugu i Tuangnga buatte nangal᷊uandaga Mawu ringannu inolaannu udde, ana'i Tuangnga esakka apan wakkute niasungkanga udde sarun nate.”

2 MARARATU 5:13

Arawe manga allange nangundanin Naaman wuṛṛu nabbisara, “i Tuanga, unnu wisara i Tuanga irolokka iapaola'a sambau manara apan masahadda, i Tuanga sarun mammanara. Apa lai indi tumba'u nandolokki Tuanga mandeno tadea'u mapiate radda'a!”

NEHEMIA 9:5

Patataṛṛamawu su allo udde nitattakku manga taumatan Lewi manansunna indi; Yesua, Kadmiel, Bani, Hasabneya, Serebya, Hodia, Sebanya, wuṛṛu Petahya. I mangitou nabbisara, “Darisikke wuṛṛu paddalote Mawu Ruatan kite! Onggol᷊eten daralo si Tou saran mal᷊annu-l᷊annu! Dalo su aran-Ne apan napenen awawantuga, aranna apan wahewalla, nagillembo wuassu al᷊awo'u daralo!”

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YESAYA 52:5

Orassa indi apate manara-U isindi? Taumatan Babel nanawanna si yamiu ringannu walate apulune. I mangitou apan mangngallangnga si yamiu mammunga wuṛṛu sidutu mallobbossa si Ya'u.

YESAYA 58:6

Eteindi puasa apan ipa'apulu-U: Pallosa'e mantungngu pangangallanga wuṛṛu winabbawa mallinga, wuṛṛu pallosa'e manga taumata niallangnga.

YEHEZKIEL 36:20

Watukkuapa i mangitou inai, i mangitou sidutu mandal᷊eo arang-Ku apan na'ukkassa. Ana waugu manga taumata mabbisara arendi, ‘Walahanna indi uddewe umattu Ruata, arawe i mangitou ṛinone manantangngu leta'a apan nionggollu Ruata si mangitou.’

YEHEZKIEL 36:23

I Ya'u sarun mapal᷊iatta'u awawantugu arang-Ku apan bahewalla udde, aranna apan buatte nilal᷊eong kamiu suwallattu manga walahanna, ne i yamiu masingkatte manungku i Ya'u Mawu. I Ya'u Mawu Apan Atanggaṛṛanne buatte nabbisara. I Ya'u sarun mappaatti yamiu tadea'u iapa'ellega su manga walahanna manungku i Ya'u indi na'ukkassa, Mawu Apan Lembonna'ukkassa.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

MATIUS 11:30

Ana waugu manga parenta-U ma'al᷊uassa, wuṛṛu winabbawa apan Ta'u iapapasanna si'o, maṛṛanna.”

MATIUS 11:9

Nariaddi anio i yamiu inai su wadda'a? Inai ma'ellega sangkatou nabi? Atonna i tou nangillembo wuassu sangkatou nabi.

LUKAS 17:1

Mawu Yesus nabbisara manga mallal᷊aṛṛenggen-Ne, “Manga inolaanna apan ma'arosa taumata udde ṛinone pia. Arawe nasilakate taumata apan naola'a punnene!

WATTI'U MANGA RASUL 10:22

I mangitou sinumimbakka, “Apitenna Kornelius nandolokki yami isindi. I tou sangkatou taumata mapia wuṛṛu matta'uttu Ruata, wuṛṛu lembon aaddatannu anambon taumatan Yahudi. Sangkatou mala'ekattu Ruata nandolokki tou madorongnga i Tuangnga rumanta su wal᷊ene, ana waugu maola'a ere sambau sasimbakku aal᷊iomanne, i tou nirolokka madaringikka apa apan iapaasingkatti Tuangnga si tou.”

WATTI'U MANGA RASUL 10:7

Napawe mala'ekatta apan uahahatton Kornelius udde inaite, i Kornelius namago ruang katou mangangimbe sulal᷊ummu wal᷊ene wuṛṛu sangkatou tantara mandariagane apan ma'imanna.

WATTI'U MANGA RASUL 15:10

E, anio i yamiu lullawangnga Ruata orassa indi ringannu nangonggolu winabbawa apan mawakkata su mallal᷊aṛṛenggenna indi, sumbal᷊i iupungngu al᷊amonang kite wuṛṛu i ite sassane lai tawe maatuṛṛutta manara udde?

ROMA 2:24

Sulal᷊ummu Wuke Susi uawoṛṛetta arendi, “Ana waugu i yamiu, manga taumatan Yahudi, arannu Ruata nial᷊uandahanna su wallattu walahanna waine.”

1 KORINTUS 10:32

Pabbiakke aroddi olangnge ma'oman sara tuṛṛangnga tawe ma'ola'a taumata waine ma'ola'a rosa; apa i mangitou taumatan Yahudi ara'e taumata wal᷊ine Yahudi, ara'e lai jamaattu Ruata.

GALATIA 5:1

I ite orassa indi nal᷊iute, ana waugu Kristus buatte namallosi ite! Ana waugu udde paa'agassa apapallosa udde, wuṛṛu ariete pattingka allangnga apia.

TAHIUL᷊E 28:48

Ana waugu udde i yamiu ṛinone mattaṛṛamawu manga seennu apan nirolokku Mawu iaparoappa si yamiu. I yamiu sarun amal᷊unusanna, marou wuṛṛu matantol᷊e wuṛṛu sidutu awussa sulal᷊ummu al᷊awo'u inolaanna. Mawu sarun makkuumanni yamiu ringannu maṛṛagissa ma'oman sara i yamiu mate.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

TITUS 2:5

maola'a pande, mabbiakka susi wuṛṛu maola'a inangnga su lal᷊oṛṛon bal᷊e apan mapia wuṛṛu masallunga awingnge. Ringannu aroddi tawe saran sangkatou apan wotongnge mapaasal᷊an watti'u Ruata.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

1 PETRUS 3:16

Arawe olaawe udde ringannu masaṛṛionto'a wuṛṛu aaddata. Wuṛṛu ṛinone lal᷊ummu naungngu waresi, tadea'u amungkangu i yamiu al᷊uandahanna ana waugu i yamiu mabbiakka ringannu mapia ere tumatantalongngi Kristus, ne taumata apan mangngal᷊uandaga udde sarun masili sassane.