1 TIMOTIUS 5:8 - WUKE SUSI WATTI'U AL᷊AL᷊USASSA

⁸ Arawe amungkangu pia taumata apan tawe mamaddul᷊i manga tuṛṛange, nangillembo ete lal᷊oṛṛon bal᷊ene sassane, taumata udde nassinaaddu pangangimanne; i tou maddal᷊eoanne wuassu taumata apan tawe mangngimanna.

1 TIMOTIUS 5:8 ပူးပေါင်းရင်းမြစ်များ

PANDARIADDI 30:30

Tantal᷊anna i ya'u taambe nirumanta, dorotongngi Papa tawe tumannite manambo, arawe orassa indi Papa nabbal᷊ite ala. Mawu buatte nangal᷊amatta si Papa ana waugu i ya'u. Orassa indi temponete i ya'u mammanara su amonangku sassane.”

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

MATIUS 18:17

Amungkangngu i tou tawe naddaringikka tatantiro manga taumata udde, wal᷊oa'a hatto udde su tangngan Jamaatta. Wuṛṛu panginsueanne, amungkangngu i tou madiri maddaringikka tatantiron Jamaatta, ellehete i tou ere sangkatou maddarorongnga wose wuṛṛu ere sangkatou apan tawe maaillal᷊a Ruata.”

MATIUS 7:11

Salaiwe i yamiu lal᷊eo, i yamiu masingkatta lai mangagillu apa apan mapia su manga al᷊aṛṛanangngu. Nangillembo Iamangngu su surga! I Tou lembone lai sarun mangagillu apa apan mapia su taumata apan maddorongnga si Tou.

YOHANES 15:22

Unnu wisara i Ya'u tawe nirumanta, wuṛṛu tawe namasingkattu sarangkanambone udde si mangitou, i mangitou tawe dosane. Arawe orassa indi i mangitou tawe mapassinaaddu rosa mangitou.

1 KORINTUS 6:6

Arawe anio sangkatou taumatan Saṛṛani inai ringannu taumata wal᷊ine Saṛṛani mangalaen pabbawawul᷊one ringannu tuṛṛangnge Saṛṛani lai!

2 KORINTUS 12:14

Orassa indi paatallute i ya'u nasaddiate inai mattembo si yamiu. Wuṛṛu i ya'u maddiri mapaasusan kamiu, ana waugu apulu'u wal᷊inewe apa apan tatahuananni yamiu, ewe'e ririnu. Ana waugu wal᷊ine al᷊aṛṛana'a apan maddea'a wiakka iapaanna su hagurangnge, ewe'e ete hagurangnga udde mappadul᷊i al᷊aṛṛanangnge.

2 KORINTUS 6:15

Tawe mariaddi Kristus maammulu Setanna. Apa sul᷊ungnge taumatan Saṛṛani wuṛṛu taumata wal᷊ine Saṛṛani?

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

2 TIMOTIUS 2:12

Amungkangu i ite sidutu matammuda, i ite sarun mamarenta lai suadio'a ringanni Tou. Amungkangu i ite massinaadi Tou, I Tou lai sarun massinaadi ite.

2 TIMOTIUS 3:5

Salaiwe su ola'u waddangnga, i mangitou matuṛṛutta mappaamattu titan agama, arawe maddiri manengkamma lal᷊oṛṛon watiti'u agama udde sassane. Paarau manga taumata ereudde.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

2 PETRUS 2:1

Su tempo apan nal᷊iu su wallatu walahannu Ruata suete nirumanta manga nabi awusu. Aroddi lai su wallatti yamiu sarun rumanta lai manga huru awusu. I mangitou sarun mangaṛṛa'u manga al᷊aṛṛa'a nassal᷊a, apan maapate taumata. Wuṛṛu i mangitou sarun maddandilu Tembonanne apan suete namallosi mangitou. Ringannu aroddi mangitou nandantan papate su watanganni mangitou sassane, apan sarun maṛṛia'a si mangitou ringannu mal᷊ihakka.

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

SONDAPPA 2:13

I Ya'u masingkata suapa i yamiu uatana'a, eteudde su araratuannu Setanna. I yamiu matuṛṛuta si Ya'u. Ewe'e su tempo i Antipas, matatiala-U apan matuṛṛuta udde, nipate su saruannu su tampan Setanna, i yamiu tawe naddandila manungku i yamiu mangngimanna si Ya'u.

SONDAPPA 3:8

I Ya'u masingkatu apa a'olaanni yamiu. I Ya'u masingkata manungku i yamiu tawe tumaniten matohassa; i yamiu suete tinumuṛṛuta al᷊aṛṛa-U wuṛṛu matuṛṛuta si Ya'u. Si yamiu suete Ta'u niwu'a sambau ngara, apan tawe iaṛṛu'udi sai-sai lai.