1 TIMOTIUS 5:11 - WUKE SUSI WATTI'U AL᷊AL᷊USASSA

¹¹ Arie pabboṛṛeta'a su wuke udde manga wawine wal᷊u apan ta'e dario'a. Ana waugu amungkangu apendammu apulu naungngi mangitou matohassa apia, i mangitou maapulu maawingnga apia, wuṛṛu manantangken Kristus.

1 TIMOTIUS 5:11 ပူးပေါင်းရင်းမြစ်များ

YESAYA 3:16

Mawu nabbisara, “Mawunga atonna manga wawinen Yerusalem! I mangitou mammanemma, apulune mangngangkeramma wuṛṛu u'amatta ringannu mawunga. Lempangnge a'olaanna, wuṛṛu mangke sussal᷊ensekka tingikku manga hal᷊angnga su leddane.

HOSEA 13:6

Arawe napawe i yamiu uatane'e su wanua apan mapia, wuṛṛu i yamiu nal᷊aidda see naapendamma mal᷊uassa, i yamiu nabbal᷊i mawunga see naabuli-U.

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

1 TIMOTIUS 4:3

I mangitou mangngaṛṛa'a taumata ana see tawe maawingnga wuṛṛu tawe umanna anna ipappalli. Sumbal᷊i anna udde niola'u Ruata iapaanna ringannu aadiangkamanna si Tou wuassu taumata apan suete nangimanna si Kristus wuṛṛu naailal᷊ate al᷊aṛṛa'a apan atonna wuassu Ruata.

1 TIMOTIUS 5:12

Ne i mangitou nassal᷊a ana waugu tawe tinumuṛṛuta paaire apan nionggolla si tou.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

1 TIMOTIUS 5:9

Tumba'u wawine wal᷊u apan naatuṛṛuta atoranna indi wotongnge iwoṛṛeta sulal᷊ummu arannu manga wawine wal᷊u; apan uukke tawe maurangnga wuassu annumu pul᷊o su tonnane, dorone tumba'u paassa naawingnga,

YAKOBUS 5:5

I yamiu suete nabbiakka su al᷊al᷊uassa, wuṛṛu naatemmate apapian dunia indi. Yamiu paṛṛimaunnapa ere tantal᷊anna mapaatawan wadangnga ipaṛṛaddo allo pamamototanna.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

SONDAPPA 18:3

Ana waugu al᷊awo'u walahanna suete na'inumma anggoru apulum pasasandage. Manga ratu su runia sussandaga ringanni tou, wuṛṛu manga mabbawal᷊u'a su runia nabbal᷊i ala ringannu apulune apan tawe ia'ul᷊inna udde.”

SONDAPPA 18:7

Onggol᷊a'a si tou papaṛṛanga wuṛṛu asasusa apan anambone uasul᷊ungngu awawantuga wuṛṛu pa'a'ala apan nionggole su wadange sassane. Ana waugu i tou sidutu mabbisara su watanganne, ‘I ya'u indi ratu apan mammarenta: I ya'u wal᷊ine wawine wal᷊u; i ya'u sarun tawe mamendama asasusa!’

SONDAPPA 18:9

Manga ratun runia apan suadio'a sulal᷊ummu inolaanne sussandaga wuṛṛu apulu naungngu wawine udde sarun lumuai wuṛṛu lumallun soa udde napawe i mangitou naasilo timbulla sussal᷊oi wuassu putungnga apan mannutungnga si tou.