1 TIMOTIUS 5:10 - WUKE SUSI WATTI'U AL᷊AL᷊USASSA

¹⁰ tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

1 TIMOTIUS 5:10 ပူးပေါင်းရင်းမြစ်များ

PANDARIADDI 18:4

Wala'ewe i ya'u manganu ua'e ipangukkassa ledda manga Tuangnga. Ringannu addata wette manga Mawu pangillol᷊ote su al᷊ungngu alu indi.

PANDARIADDI 19:2

wuṛṛu nabbisara, “Manga Tuangnga, wette otonga'e asuene su wal᷊e'u. Manga Tuangnga wotongnge mangukkassa ledda wuṛṛu manaṛṛabbi su wal᷊e'u. Tiṛṛabbi wuṛṛu wotongnge, manga Tuangnga matimpu'o maruaallu atonna ana see manassukku amatanna.” Arawe itarua sinumimbakka, “Tarimakase, wala'e iambua manaṛṛabbi su leta'u mal᷊alangngu soa.”

PANDARIADDI 24:32

Ana see allangnga udde tinumantalongke wuṛṛu sinumuttate sulal᷊ummu wal᷊en. I Laban nanossokku lurannu manga unta, wuṛṛu nangonggollu laṛṛami niapaanna su manga winatangnga udde. Wua'udde i tou nangapiddu ua'e aukkassa leddan allangngi Abraham wuṛṛu manga taumatane.

PANDARIADDI 43:24

ana see i tou nanguntuddi mangitou su wal᷊en. I tou nangonggolu ua'e aukkassa ledda, wuṛṛu lai annu keledain mangitou.

DARALO 119:4

I'o nangonggolu tita-Nu si yami, oh Mawu, tadea'u i yami mappaamattu udde ringannu matuṛutta.

YESAYA 1:17

pangurumpe ma'ola'a apapia. Pararisiṛṛa'e atatul᷊idda wuṛṛu illol᷊oa'e pangangallangnga; onggol᷊a'e su asisin timpal᷊ussa hakki mangitou samba'a ite hatton manga wawine wal᷊u.”

IMAMATTA 25:35

Amungkangngu taumata sambalahannu apan uatana'a su wallati yamiu nabbal᷊i susa wuṛṛu tawe maawiakka watanganne, i yamiu ṛinone massumbala si tou ere sangkatou taumata raho ara'e rumaranta, tadea'u i tou sidutu mabiakka su wallati yamiu.

MATIUS 25:17

Aroddi lai mangangimbe apan nanengkamma rua ṛiwu roitta wul᷊awanna udde, naasomba auntunganne lai rua ṛiwu.

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

LUKAS 7:38

I tou dirumarisikka su liuddu Mawu Yesus maranin leddane wuṛṛu nilumuai lapiddu naṛṛolo ledda Mawu Yesus ringannu allo matane. Wua'udde ledda Mawu Yesus pineddan utangnge see niari'i tou wuṛṛu niwokkannu lana mawangngi.

LUKAS 7:44

See Mawu Yesus na'ellega wawine udde wuṛṛu nabbisara si Simon, “I'o naasilo wawine indi? I Ya'u nirumanta su wal᷊enu, arawe i'o tawe nanaddia ua'e ipangukkassa ledda-U; arawe wawine indi suete nangukkassa ledda-U ringannu allo matane, wuṛṛu nipeddan utangnge.

WATTI'U MANGA RASUL 10:22

I mangitou sinumimbakka, “Apitenna Kornelius nandolokki yami isindi. I tou sangkatou taumata mapia wuṛṛu matta'uttu Ruata, wuṛṛu lembon aaddatannu anambon taumatan Yahudi. Sangkatou mala'ekattu Ruata nandolokki tou madorongnga i Tuangnga rumanta su wal᷊ene, ana waugu maola'a ere sambau sasimbakku aal᷊iomanne, i tou nirolokka madaringikka apa apan iapaasingkatti Tuangnga si tou.”

WATTI'U MANGA RASUL 22:12

Isudde pia sangkatou aranne i Ananias. I tou sangkatou apan susi wuṛṛu matuṛṛutta mappaamattu Titan Musa. Anambon taumatan Yahudi apan uatana'a su Damsyik mangngaddatta si tou.

WATTI'U MANGA RASUL 6:3

Nariaddi, mappianne manga tuṛṛangnga mamile wuassu wallatti yamiu sire pitu apan pallal᷊agune mapia wuṛṛu pia taṛṛinon Ghaṛṛaho Ruata see lai pande, apan botongnge iapamanarang kami mangatokku hatto indi;

WATTI'U MANGA RASUL 9:36

Su Yope pia sangkatou wawine aranne i Tabita. I tou sangkatou apan mangngimanna Mawu Yesus. (Aranne sulal᷊ummu wisaran Yunani eteudde i Dorkas atappasanne rusa.) Inolaanni tou sidutu mapia wuṛṛu mantul᷊ungngu taumata asiangnga.

WATTI'U MANGA RASUL 9:39

I Petrus lapiddu dirumarisikka wuṛṛu tinumantalongnga si mangitou. Na'oma poiaroddi, i tou niapidda su wabbo'a ṛengkenne rosone. Anambon bawine wal᷊u isudde naṛṛimpulunna si Petrus lapiddu lulluai wuṛṛu manta'e si tou manga laubba wuṛṛu manga jubah apan nitabbi'i Dorkas si mangitou su tempo i tou ta'e wiakka.

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

1 TIMOTIUS 2:10

Arawe ṛinone wawine mallogaka watanganne ringannu manga pallal᷊agu apan mapia su ereapa udde ṛinone olaannu wawine apan massubba Ruata.

1 TIMOTIUS 3:2

Sangkatou mallal᷊u'adda jamaatta ṛinone taumata tawe sal᷊ane, tumba'u sangkatou awingnge, masabare, pande, wuṛṛu maaduna; i tou maapulu manol᷊oho raho su wal᷊ene, wuṛṛu wotongnge mangaṛṛa'a taumata;

1 TIMOTIUS 3:7

Ṛinone i tou taumata apan pia aranne mapia sulal᷊ummu soa; ana waugu amungkangu tawe aroddi, ne i tou sarun al᷊uandahannu taumata, na'oman sara manawo su liman Setanna.

1 TIMOTIUS 5:16

Arawe amungkangu sangkatou wawinen Saṛṛani pia sangkatou lal᷊oṛṛon bal᷊ene inawal᷊uanna, i tou ṛinone massumbala manga wawine wal᷊u udde; arie pabbala'a jamaatta mappadul᷊i si mangitou. Ringannu aroddi jamaatta wotongnge massumbala manga wawine wal᷊u apan atonna-tonna tawe tuṛṛange.

1 TIMOTIUS 5:25

Aroddi lai manga inolaanna mapia lapiddu asiloanna. Wuṛṛu apan masahadda asiloanna, tawe sidutu mangke uawuni.

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

2 TIMOTIUS 1:5

I ya'u maanaungnga pangangimannu apan atonna-tonna si Kristus, ere lai pangangimanni iupungngu Lois wuṛṛu inangngu Eunike. Wuṛṛu i ya'u mangantimma i'o lai pia pangangimanna ereudde.

2 TIMOTIUS 2:21

Taumata apan mammaresi watanganne wuassu anambon al᷊al᷊eo, taumata udde sarun ipaatta su pandumma apan apianne. I tou maola'a pussa'a apianne wuṛṛu mahuna su mawune. I tou sasaddianna ipaatta su al᷊awo'u manara apan mapia.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

2 TIMOTIUS 3:17

Ringannu Wuke Susi udde taumata apan mangngimbe Ruata wotongnge peddetannu asasuungnga su al᷊awo'u manara apan mapia.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

TITUS 2:7

Su al᷊awo'u inolaanna ṛinone i'o maola'a tul᷊adan pallal᷊agu apan mapia. Amungkangu i'o mangaṛṛa'a, ṛinone i'o tawe mamahia wuṛṛu atonna-tonna.

TITUS 3:1

Paanaunga'a su manga lal᷊oṛṛon jamaatta tadea'u i mangitou matuṛṛuta manga piaṛṛange wuṛṛu tembonannu araratuanna, see matuṛṛuta wuṛṛu maapulu ma'ola'a manga inolaanna apan mapia.

TITUS 3:14

Manga taumatan kite ṛinone mangurumma al᷊aṛṛa'a, ma'ola'a inolaanna apan mapia tadea'u wotongnge mapaasuungngu sarannapa apan ipaapulune; arie ma'oman sara i mangitou mabbiakka tawe gunane.

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

IBRANI 10:24

Wuṛṛu ṛinone i ite ua'aellega sandingananna, tadea'u i ite wotongnge uasasasa mandangngu sansul᷊ungnga wuṛṛu ma'ola'a manga inolaanna apan mapia.

IBRANI 13:2

Arie humago'a mapaatana'a su wal᷊enu manga taumata apan ta'e awagananni yamiu. Ana waugu ringannu ma'ola'a aroddi, piate taumata, ringannu tawe niatutukka suete napaatana'u mala'ekatta su wal᷊ene.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

1 PETRUS 4:9

Ṛinone i yamiu uasasal᷊oho sangkatou ringannu waine sulal᷊ummu wal᷊enu sambau-sambau, ringannu tawe sumamboṛṛe.

3 YOHANES 1:12

Anambon taumata maddalo si Demetrius. Ewe'e Ruata lai maddalo si tou. I yamiu lai maddalo si tou wuṛṛu tuṛṛangnga masingkatta manungku apa apan iwabbatti'i yami udde apangimananna.