1 TIMOTIUS 5:1 - WUKE SUSI WATTI'U AL᷊AL᷊USASSA

¹ Arie i'o tumaniten maṛṛagissa mamul᷊o taumata mattimmaranna wuassi'o arawe ahei i tou maddaringikka wisaranu, olaawe i tou ere iamangngu. Aroddi lai manga taumata umbasanna, maṛṛuala, olaawe ere tuṛṛangu,

1 TIMOTIUS 5:1 ပူးပေါင်းရင်းမြစ်များ

IMAMATTA 19:32

Arega'a wuṛṛu aaddate manga timmade. Rinone i yamiu maaddata wuṛṛu matta'u-U, ana waugu ete i Ya'u Mawu.

MATIUS 23:8

Arawe i yamiu, ariewe maapulu wagoanna ‘Iamangnga Huru’, ana waugu Hurunu tumba'u sambau wuṛṛu i yamiu sarangkanambone sangkatuṛṛangnganna.

WATTI'U MANGA RASUL 14:23

Wuṛṛu su al᷊awo'u jamaatta, i Paulus wuṛṛu i Barnabas nanenegu manga piaṛṛangnge su jamaatta udde. See ringannu u'al᷊iomanna wuṛṛu mappuasa, i mangitou nanantillu manga piaṛṛangnge udde su Mawu apan pangngimananni mangitou.

WATTI'U MANGA RASUL 15:4

Napawe i mangitou na'omate su Yerusalem, i mangitou sinal᷊ohoannu jamaatta ringannu mapia, wuṛṛu manga rasul see manga piaṛṛangnge. See i mangitou nabatti'a su manga taumata isudde su ola'u anambon inolaannu Ruata sulal᷊ummi mangitou.

WATTI'U MANGA RASUL 15:6

See manga rasul wuṛṛu manga piaṛṛangnge na'ammulla magahatton olangnge udde.

WATTI'U MANGA RASUL 20:17

Wuassu Miletus i Paulus napaapiddu watti'a watukku Efesus, madorongnga manga piaṛṛa'u jamaatta su Efesus rumanta maisasomban tou.

ROMA 13:7

Nariaddi waeṛṛete su tembonanne apa apan ṛinone tuṛṛangnga mamaekka si tou. Waeṛṛete wose, amungkangngu tuṛṛangnga ṛinone mamaekka wose, wuṛṛu waeṛṛete beane amungkangngu tuṛṛangnga ṛinone mamaekka bea. Imbei i mangitou apan ṛinone imbeanna wuṛṛu aaddatewe i mangitou apan ṛinone addatanna.

GALATIA 6:1

Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.

TAHIUL᷊E 33:9

I mangitou marangngu Si'o nipangillembo wuassu al᷊awo'a, nipangillembo wuassu hagurangnga wuṛṛu tuṛṛangnga. Manga parenta-Nu tattuṛṛutanni mangitou, pa'aire-Nu niapatipussi mangitou.

1 TIMOTIUS 5:17

Piaṛṛa'u jamaatta apan ma'ola'a manarane ringannu mapia, ṛinone onggol᷊annu aaddata paarua anambone, nangillembo wuassi mangitou apan maṛṛimadda mannase wuṛṛu mangaṛṛa'a.

1 TIMOTIUS 5:2

wuṛṛu manga wawine timmade ere inangngu. Wuṛṛu manga maṛṛuala ṛinone olaannu ere sangkatou tuari, ringannu pallal᷊agu apan waresi.

TITUS 2:2

Aṛṛa'ete manga timmadde esakka, tadea'u i mangitou maṛṛaddanna, pande wuṛṛu mabbiakka ere sangkatou taumata apan ṛinone addatanna. Ṛinone lai i mangitou uaaggasa al᷊aṛṛa'a apan su ṛinone wuassu Ruata, mandangngu ringannu ahewallu naungnga wuṛṛu matataṛṛangnga ringannu sabbare.

TITUS 2:6

Aroddi lai, tantiroi lai manga al᷊aṛṛana'a umbasana tadea'u i mangitou lai masiṛṛungnga.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

YAKOBUS 5:14

Amungkangu piaddu maradda'a ṛinone i tou mamaggo manga piaṛṛa'u jamaatta. Wuṛṛu ṛinone manga piaṛṛa'u jamaatta udde umal᷊iomannu taumata maradda'a udde wuṛṛu mamuṛṛan lana sulal᷊ummu arannu Mawu.

1 PETRUS 5:1

I ya'u maddorongnga aellegu manga piaṛṛa'u jamaannu. I ya'u namoṛṛeta indi, ere sangkatou tuṛṛangnga piaṛṛangnge wuṛṛu ere taumata apan suete naasilo sassane asasusan Kristus, wuṛṛu sarun wantuhanna lai suaddio'a, napawe awawantugi Kristus niapaasilote su taumata. I ya'u sumal᷊ande

2 YOHANES 1:1

Su Inangnga apan suete nipilen Duata, wuṛṛu su manga al᷊aṛṛana'u Inangnga. Suratta indi wuassi ya'u, piaṛṛa'u jamaatta apan atonna-tonna marangngu si yamiu. Wal᷊ine tumba'u i ya'u, arawe anambon taumata apan maaillal᷊a Ruata apan naṛṛino, marangngu si yamiu lai.

3 YOHANES 1:1

Tuṛṛanga Gayus apan arangnguanna! I ya'u piaṛṛa'u jamaatta, apan atonna-tonna mandangngu si'o,

SONDAPPA 4:4

Sulal᷊ummu atokke mal᷊imbulunna apan uapal᷊iwutta adderan araratuanna udde, pia ruam pul᷊o appata adderan araratuanna waine. Isudde ua'ianna ruam pul᷊o appata piaṛṛange apan uapedettu mawira, wuṛṛu ual᷊uṛṛen araposa wul᷊awanna.