1 TIMOTIUS 4:16 - WUKE SUSI WATTI'U AL᷊AL᷊USASSA

¹⁶ Paariagai ririnu wuṛṛu paariagai lai al᷊aṛṛangngu. Ṛinone i'o matuṛṛuta ma'ola'a sarangkanambone udde, ana waugu ringannu aroddi i'o sarun manal᷊amatta mawae su ririnu sassane aroddi lai manga taumata apan maddaringikka si'o.

1 TIMOTIUS 4:16 ပူးပေါင်းရင်းမြစ်များ

1 TAWARIKH 28:10

Paanaunge paapia-pia manungku Mawu buatte namile si'o mapararisikku wal᷊e-Ne sassane. Ne, orassa indi pammanarate manara udde, ringannu naungnga mal᷊uassa.”

2 TAWARIKH 19:6

wuṛṛu nangonggolu parenta indi si mangitou, “Pammanarate ringannu asingkatta, ana waugu i yamiu makkuungnga wal᷊ine wuassu arannu taumata, ewe'e wuassu arannu Mawu. I tou mallu'adda si yamiu sutempo i yamiu makkawessu hatto.

SASABANGNGA 23:13

Daringiṛṛete sarangkanambone apan buatte Ta'u niwisara si'o. Imbaṛṛangnga massubba manga Mawu waine, ewe'e lai managgon aranne lai arie.”

YESAYA 55:11

Aroddi lai wisara apan niwisara-U tawe mabbelengnga ringang-Ku ringannu tawe gunane, arawe mahessi maola'a apa apan ipa'apulu-U, wuṛṛu manuungngu al᷊awo'u pandumang-Ku.

YEREMIA 23:22

Unnuwisara i mangitou masingkattu apa apan sulal᷊ummu ṛingirang-Ku, natantunna i mangitou buatte nabbatti'a su uma-U sarangkanambone apan buatte Ta'u niwisara. Ne uma-U sarun mawal᷊u wuassu manga rosa wuṛṛu pallal᷊agune apan dal᷊eo.

MARKUS 13:9

I yamiu ṛinone paatehamma, ana waugu yamiu sarun sametanna wuṛṛu parikisanna su saruannu mallaṛṛuungnga. I yamiu sarun puul᷊anna su manga wal᷊em pattataṛṛamawuanna. I yamiu sarun parikisanna sumaruanna manga tembonanne wuṛṛu manga ratu ana waugu i yamiu mallal᷊aṛṛenggeng-Ku. Wuṛṛu eteudde temponu manganggillu tatiala su ola'u riri-U si mangitou.

LUKAS 21:34

“Paariagai wadangngu, arie ma'oman sara i yamiu tumanite manambo ma'ola'a andeangnga wuṛṛu ma'inumma ua'e ma'awu'anna, ara'e tumanite maṛṛingiddu al᷊awo'u hattom biakki yamiu, na'oman sara i yamiu tawe naasaddia napawe allo udde nirumanta ringannu awagananna.

WATTI'U MANGA RASUL 26:22

Arawe na'oman sara orassa indi ya'u mangke su lu'addu Ruata, na'oman sara lai ya'u wotongnge dirumarisikka isindi mangonggolu tiala'u su anambon taumata – timmade ara'e dario'a. Apa apan iwabatti'u indi tawe paddaṛṛalanne wuassu apa apan suete niapasingkattu manga nabi wuṛṛu i Musa;

WATTI'U MANGA RASUL 6:4

ana waugu i yami inai umal᷊iomanna wuṛṛu mabatti'u wisaran Ruata.”

ROMA 11:14

I Ya'u mangngantimma, i ya'u wotongnge mapaal᷊apputu naungnga lal᷊eo su walahannu sassane, tadea'u ringannu lal᷊anne udde i ya'u wotongnge manal᷊amatta sambageanganna wuassi mangitou.

ROMA 16:17

Manga tuṛṛangnga! I ya'u sumal᷊ande ringannu lembone: Paatehamma su saruannu manga taumata apan ma'ola'a patatatiakka wuṛṛu mannongkakku pangangimannu taumata su Mawu. Olangnge udde uapapaṛṛala apa apan buatte niaṛṛa'a si yamiu. Arie paggawei taumata ereudde.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

1 KORINTUS 9:22

Su pattangngannu manga taumata apan pangangimanne lome, i ya'u lai mattiangkaola'a ere sangkatou apan pangangimanne lome tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Aunne, i ya'u ma'ola'a sarangkanambone hunane su anambon taumata tadea'u ringannu lal᷊anne salaiwe ereapa lai ya'u wotongnge manal᷊amatta sangkawageanganna wuassi mangitou.

1 KORINTUS 9:27

I ya'u namalan wadangku aṛṛaanna ringannu matohassa ma'oman sara i ya'u wotongnge maasingkatta atonna. I ya'u ma'ola'a aroddi, ana waugu i ya'u maddiri ma'oman sara mariaddi manungku napawe i ya'u mangahe taumata waine mattandinganna i ya'u sassane tawe niwal᷊i ara'e nito'e.

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

KOLOSE 4:17

Wuṛṛu wal᷊oa'a si Arkhipus, “Insuete manara apan nionggolla si'o ipangngimbe Mawu.”

1 TESALONIKA 2:16

Ewe'e i mangitou lai mammal᷊aatta si yami mabatti'a su manga walahanna wal᷊ine Yahudi watti'a apan wotongnge maasal᷊amatta manga walahanna udde. Ringannu aroddi manga taumatan Yahudi udde siddutu mannamba rosan mangitou na'oman sara reenganne masuungnga. Wuṛṛu orassa indi i mangitou panginsueanne niarantannu asasa'un Duata!

1 TIMOTIUS 1:3

I ya'u maapulu tadea'u i'o sidutu uatana'a su Efesus ere lai suete ta'u niwal᷊o si'o su tempo i ya'u inai watukku Makedonia. Ana waugu su Efesus pia sire pira taumata apan mannal᷊iawukku al᷊aṛṛa'a nassal᷊a, wuṛṛu i'o ṛinone maningaddi mangitou.

1 TIMOTIUS 4:15

Pammanarate sarangkanambone udde ringannu atonna-tonna, tadea'u manaranu asiloannu awadaalla.

1 TIMOTIUS 4:6

Amungkangu i'o mangaṛṛa'u sarangkanambone udde su manga tuṛṛanga su pangangimanna sambau, i'o sarun maola'a mamamanaran Kristus Yesus apan mammanara ringannu mapia. Wuṛṛu i'o sidutu mappadul᷊i niawanu ringannu wisaran Duata apan pangngimananni ite, wuṛṛu ringannu manga al᷊aṛṛa'a apan atonna apan suete nipangimanannu al᷊annunete indi.

2 TIMOTIUS 2:10

Ana waugu udde i ya'u tawe matta'uttu sarangkanambone udde apan hunane su manga taumata apan suete nipilen Duata, tadea'u i mangitou lai maasomba asasal᷊amatta apan ionggola sulal᷊ummi Kristus Yesus, wuṛṛu tatantalongannu awawantuga saran mal᷊annu-l᷊annu.

2 TIMOTIUS 3:14

Arawe i'o, Timotius, ṛinone i'o sidutu uaaggasa manga al᷊aṛṛa'a naṛṛino apan suete niaṛṛa'a si'o wuṛṛu pangimanannu atonna; ana waugu i'o masingkata isai manga hurunu.

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.

TITUS 1:9

I tou ṛinone uaaggasa atonna al᷊aṛṛa'a apan wotongnge apangimananna, ere lai suete niaṛṛa'a si tou. Ringannu aroddi i tou wotongnge manantiro taumata ringannu al᷊aṛṛa'a su ṛinone, wuṛṛu mapaal᷊iatta'u pasasal᷊a manga taumata apan lullawangnga si Tou.

TITUS 2:15

Tantiroa'e sarangkanambone udde, wuṛṛu aṛṛa'ete see tagguete manga maddararingikka si'o ringannu saṛṛaungnga. Arie mapaawalan saran sangkatou mangaddio'a si'o.

TITUS 2:7

Su al᷊awo'u inolaanna ṛinone i'o maola'a tul᷊adan pallal᷊agu apan mapia. Amungkangu i'o mangaṛṛa'a, ṛinone i'o tawe mamahia wuṛṛu atonna-tonna.

FILEMON 1:19

Ne, mappianne i ya'u mamoṛṛeta sassane isindi: I ya'u Paulus, sarun mamaekka sarangkanambone. (Salaiwe tate ta'u iapaanaungnga manungku i'o sassane lai nabbalassa si'u, eteudde wiakku apan wakku ere sangkatou taumatan Saṛṛani.)

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.

YAKOBUS 5:20

naungete addoanne indi: Taumata apan na'ola'a taumata marosa mabelengnga wuassu lal᷊anne apan nassal᷊a, taumata udde nanal᷊amatta niawan taumata marosa udde wuassu papate wuṛṛu na'ola'a manambo rosa niampunganna. Tabea wuassi yami, Yakobus