1 TIMOTIUS 4:13 - WUKE SUSI WATTI'U AL᷊AL᷊USASSA

¹³ Tantal᷊anna udde, ma'oman sara i ya'u rumanta, i'o ṛinone paaṛṛimadda mabbasan Wuke Susi su saruannu manga taumata, wuṛṛu mannasa si mangitou wuṛṛu mangngaṛṛa'a si mangitou.

1 TIMOTIUS 4:13 ပူးပေါင်းရင်းမြစ်များ

YOHANES 5:39

I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

WATTI'U MANGA RASUL 6:4

ana waugu i yami inai umal᷊iomanna wuṛṛu mabatti'u wisaran Ruata.”

ROMA 12:8

Taumata apan pia asingkatta mangngonggolu sasasa su taumata waine, ṛinone atonna-tonna mangonggolu sasasa su taumata waine, taumata apan pia al᷊amatta mantul᷊ungngu taumata waine ringannu darotongnge, ṛinone ma'ola'a udde ringannu naungnga mawawo wuṛṛu mal᷊uassa. Taumata apan pia asingkatta mammiaṛṛa'a, ṛinone atonna-tonna mammiaṛṛa'a. Taumata apan pia al᷊amatta mamasilon darangngune su taumata waine, ṛinone ma'ola'a ringannu naungnga mal᷊uassa.

1 KORINTUS 14:26

Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.

1 KORINTUS 14:3

Mawal᷊i'a, taumata apan mammasingkatu watti'a wuassu Ruata, namasingkattu watti'a udde lai su taumata; ipannohassa pangangimanni mangitou, ipangonggolu sasasa si mangitou wuṛṛu ipallimbata naungngi mangitou.

1 KORINTUS 14:6

Amungkangngu unnu wisara i ya'u rumanta ringanni yamiu wuṛṛu i ya'u mabbisara sulal᷊ummu sasinaukka apan maaṛṛindu'a, apa hunane udde si yamiu? Tawe gunane saran kadio'a! Waine lai olangnge amungkangu i ya'u mamassingkatu sambau pandumannu Ruata, ara'e i ya'u mannal᷊a'a su ola'u ereapa Ruata, ara'e i ya'u mapaasingkatu watti'a wuassu Ruata, ara'e i ya'u mangngaṛṛa'a.

TAHIUL᷊E 17:19

Wuke udde ṛinone sidutu uaraddo maranine, wuṛṛu su al᷊o'engngu pabbiaṛṛanne i tou ṛinone mabbasa tadea'u masingkatta mangaddata Mawu Ruatane wuṛṛu ringannu matuṛṛutta mappaamattu al᷊awo'u parenta apan uawoṛṛetta sulal᷊umme.

1 TIMOTIUS 4:16

Paariagai ririnu wuṛṛu paariagai lai al᷊aṛṛangngu. Ṛinone i'o matuṛṛuta ma'ola'a sarangkanambone udde, ana waugu ringannu aroddi i'o sarun manal᷊amatta mawae su ririnu sassane aroddi lai manga taumata apan maddaringikka si'o.

1 TIMOTIUS 4:6

Amungkangu i'o mangaṛṛa'u sarangkanambone udde su manga tuṛṛanga su pangangimanna sambau, i'o sarun maola'a mamamanaran Kristus Yesus apan mammanara ringannu mapia. Wuṛṛu i'o sidutu mappadul᷊i niawanu ringannu wisaran Duata apan pangngimananni ite, wuṛṛu ringannu manga al᷊aṛṛa'a apan atonna apan suete nipangimanannu al᷊annunete indi.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.

TITUS 2:15

Tantiroa'e sarangkanambone udde, wuṛṛu aṛṛa'ete see tagguete manga maddararingikka si'o ringannu saṛṛaungnga. Arie mapaawalan saran sangkatou mangaddio'a si'o.

YOSUA 1:8

Wuken tita udde ṛinone masokka iwasanu su al᷊aṛṛana'-U. Wasa'e wuke udde allo wuṛṛu ṛabbi, tadea'u i'o sidutu tuttuṛṛuta manga tita apan uawoṛṛetta sul᷊alumme. Amungkangu i'o tuttuṛṛuta sarangkanambone udde, ne wiakku sarun mal᷊uassa wuṛṛu maaola'a sarangkanambone.