1 TIMOTIUS 3:6 - WUKE SUSI WATTI'U AL᷊AL᷊USASSA

⁶ Sangkatou mallal᷊u'ada jamaatta tawe wotongnge taumata wakkute sinumutta Saṛṛani, ana waugu takka i tou mabbal᷊i mawunga see awontohanna ere Setanna dorone.

1 TIMOTIUS 3:6 ပူးပေါင်းရင်းမြစ်များ

2 MARARATU 14:10

I'o, Amazia, nabbal᷊ite mawunga, ana waugu i'o buatte namaddon taumatan Edom. Ne wal᷊inewe auntunganna udde wotongngete? Mappianne i'o paatana'e su wal᷊en! Ipa'ura maddea'a hatto tumba'u manilaka watangannu wuṛṛu tumana'u soanu?”

2 TAWARIKH 26:16

Napawe i Ratu Uzia matohasse, i tou nabbal᷊i mawunga, wuṛṛu udde panattaṛṛannu nanawon araratuanne. I tou nilumawangnga parentan Mawu Ruatane ana waugu sinumutta su Wal᷊en Mawu manambunnu amania su wowon mezbah amania.

2 TAWARIKH 32:25

Arawe ana waugu i tou mawunga, i tou tawe naadiangkamanna su apapia apan buatte nionggolu Mawu si tou. Ana waugu' udde Mawu nasa'u su Yehuda wuṛṛu Yerusalem.

AMSAL 18:12

Taumata mawunga sarun manawo, taumata masaṛṛionto'a sarun addatanna.

AMSAL 29:23

Taumata matanggakka sarun iapawawo; taumata naungnge masaṛṛionto'a sarun raloanna.

YESAYA 2:12

Su allo udde Mawu Apan Lembontaṛṛino sarun mapawawon sarangkanambone apan mannanggakku watanganne wuṛṛu makkuumannu sarangkanambone apan mawunga wuṛṛu matanggakka.

DANIEL 11:12

Wua'udde i tou sarun lumassa ana waugu auntunganne wuṛṛu ana waugu buatte namate manambo seetta, arawe i tou tawe sidutu uataṛṛino.

LUKAS 10:18

Mawu Yesus sinumimbakka, “I Ya'u naasilo Setanna nanawo wuassu langitta naal᷊ihida sawallo.

1 KORINTUS 3:1

Manga tuṛṛangnga, i ya'u tawe su ṛinone maggahatton kamiu ere taumata uatahuanna Ghaṛṛahon Duata. I ya'u tumba'u wotongnge maggahatton kamiu ere taumata apan ta'e mabbiakka tumuṛṛuttu apulun dunia; ere manga taumata apan ta'e ere ana'a maraddio'a sulal᷊ummu pangangimanne si Kristus.

1 KORINTUS 8:1

Orassa indi su ola'u anna apan nionggola maola'a sasamba su paal᷊uanna. Atonna ere unnu wisaran taumata, “I ite sarangkanambone pandete.” Arawe apapande ma'ola'a taumata mabbal᷊i mawunga, arawe paa'akkana mangngapia taumata.

2 KORINTUS 12:7

Arawe tadea'u i ya'u tawe tumaniten mamarabunga ana waugu aellega apan wahewalla udde, i ya'u nionggol᷊annu lihiddu radda'a su wadangku apan maola'a ahiddu Setanna. Radda'a udde nionggola ipamuulla si ya'u, tadea'u i ya'u tawe mamarabunga.

TAHIUL᷊E 17:20

Amungkangngu i tou mabbasa ringannu maṛṛimadda, i tou tawe ma'ellega ete i tou apianne wuassu manga taumata walahanna sambau, wuṛṛu tawe lumawangnga parentan Mawu ringannu al᷊awo'u inolaanna. Ana see i tou wuṛṛu papapulunne sarun mamarenta walahanna udde ma'oman sara pallal᷊awanne.”

TAHIUL᷊E 8:14

paarigaite paapia-pia tadea'u i yamiu tawe mabbal᷊i mawunga wuṛṛu maabul᷊in Mawu Ruatanu apan namallossi yamiu wuassu Mesir, su tampa i yamiu mattaṛṛuallanga.

1 TIMOTIUS 3:7

Ṛinone i tou taumata apan pia aranne mapia sulal᷊ummu soa; ana waugu amungkangu tawe aroddi, ne i tou sarun al᷊uandahannu taumata, na'oman sara manawo su liman Setanna.

1 TIMOTIUS 6:4

ete i tou taumata mawunga wuṛṛu waggan apa-apa! Radange eteudde apulune uasasimbaka wuṛṛu uatatiakka su ola'u manga wisara na'oman sara sumappute naungnga lal᷊eo, patatal᷊ei, al᷊uandaga, wuṛṛu pasasunna apan lal᷊eo,

2 TIMOTIUS 3:4

I mangitou apulune mandal᷊eo taumata, mawunga wuṛṛu tawe maṛṛingidda mal᷊o'e. I mangitou apulune tuttuṛṛuta lal᷊umanna'u runia wuassu tumuṛṛutta al᷊aṛṛa'u Ruata.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

2 PETRUS 2:4

Manga mala'ekatta apan marosa lai tawe iwalan Duata mal᷊iu wuassu ṛuumanna, ewe'e iramme sulal᷊ummu naraka. I mangitou iwontola sulal᷊ummu rampissa apan maranduma wuṛṛu taṛṛanganna poiaroddi madatingngu Allo Pamarikisanna.

YUDAS 1:6

Paanaunge lai manga mala'ekatta apan nalliu passarannu taṛṛino mangitou, naoman sara nanantangu tampa atatanaanni mangitou. Ruata namantungu manga mala'ekatta udde ringannu ṛate apan tawe mawu'a, sulal᷊ummu tampa apan marandumma su al᷊ungngu runia. Poiaroddi i mangitou siddutu tataṛṛanganna ma'oman sara i mangitou iṛṛu'umanna su Allo apan wahewalla udde.