1 TIMOTIUS 3:5 - WUKE SUSI WATTI'U AL᷊AL᷊USASSA

⁵ Ana waugu amungkangu taumata wagga mangatokku lal᷊oṛṛon bal᷊ene sassane, ereapa i tou wotongnge mangatokku jamaattu Ruata?

1 TIMOTIUS 3:5 ပူးပေါင်းရင်းမြစ်များ

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

1 KORINTUS 10:32

Pabbiakke aroddi olangnge ma'oman sara tuṛṛangnga tawe ma'ola'a taumata waine ma'ola'a rosa; apa i mangitou taumatan Yahudi ara'e taumata wal᷊ine Yahudi, ara'e lai jamaattu Ruata.

EFESUS 1:22

Ruata napasuṛṛubbawan sarangkanambone udde su al᷊unggu parentan Kristus, wuṛṛu nangonggoli Kristus su jamaatta maola'a tembonannu al᷊awo'u jamaatta.

EFESUS 5:24

Ere lai jamaatta tuttuṛṛuta si Kristus, aroddi lai su al᷊awo'u inolaanna, wawine ṛinone tumuṛṛutta awingnge esakka.

EFESUS 5:32

Tatialane udde pia atappasanne apan malal᷊umma. Wuṛṛu ta'u isumandinga ringannu paa'aukki Kristus wuṛṛu jamaatta.

1 TIMOTIUS 3:15

tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.

1 SAMUEL 3:13

I Ya'u buatte namasingkatta si tou manungku amonanne sarun Ta'u iṛṛuumanna saran mal᷊annu-l᷊annu ana waugu al᷊aṛṛanangnge buatte nallobbossa si Ya'u. I Eli masingkattu manga rosan mangitou udde, arawe i mangitou tawe niwol᷊oanni Eli.