1 TIMOTIUS 2:9 - WUKE SUSI WATTI'U AL᷊AL᷊USASSA

⁹ Ṛinone papunna wawine mallogakka watanganne ringannu tawe ete pia lembone wuṛṛu mappedetu pedeta pia atoranne. Arie mappaattu uta'a atokke maasili ara'e manga lal᷊ogakka wul᷊awanna ara'e mutiara, ara'e laubba aregane massagada.

1 TIMOTIUS 2:9 ပူးပေါင်းရင်းမြစ်များ

PANDARIADDI 24:53

Ana see i tou napasabangngu manga laubba, lal᷊oggaka sal᷊a'a wuṛṛu wul᷊awanna, wuṛṛu sarangkanambone udde nionggolla si Ribka. See lai iaangnge wuṛṛu inangngene nionggol᷊anni tou aonggolla apan maarega.

2 MARARATU 9:30

I Yehu na'omate su Yizreel. Napawe i Izebel naaringikka sarangkanambone apan buatte nariaddi, i tou nalluwi utange wuṛṛu nappaattu celak ara'e raṛṛamaga mata, ana see nangintanno wuassu wal᷊en araratuanna.

ESTER 5:1

Su allo atallune i tou nappuasa, Ester nalluṛṛen laubbu wo'ine, ana inaite watukku rallakku lal᷊ummu wal᷊en araratuanna wuṛṛu dirumarisikka su saruannu ngaran balairung. Ratu tantal᷊anna ua'ianna su adderan araratuanna uasaruanna ngara udde.

DARALO 149:4

Mawu maapulun al᷊aṛṛanang-Nge; i Tou nangonggolu auntunganna su taumata apan naungnge mawawo.

AMSAL 31:22

I tou sassane apan na'ola'a permadanine; laungnge wuassu mal᷊aṛṛenessa linen ungu apan maarega.

AMSAL 31:25

I tou masaṛṛaungnga wuṛṛu aaddatanna; wuṛṛu tawe suminggawangngu allo addantane.

AMSAL 7:10

Wawine udde wawine apan apulune tawe matatana'a su wal᷊ene. Tal᷊angkadio'a i tou su winggiten dal᷊anna, wua'udde su leta'a mal᷊alangnga, ara'e uarisikka uaṛṛaddo su papengannu lal᷊anna. Pallal᷊agune waṛṛani wuṛṛu tawe masili. I ya'u naasilo i tou sinumabbangnga ringannu ul᷊aṛṛen laubbu wawine masandaga, wuṛṛu naisasomban umbasanna udde ringannu ṛiinna awusu.

YESAYA 3:16

Mawu nabbisara, “Mawunga atonna manga wawinen Yerusalem! I mangitou mammanemma, apulune mangngangkeramma wuṛṛu u'amatta ringannu mawunga. Lempangnge a'olaanna, wuṛṛu mangke sussal᷊ensekka tingikku manga hal᷊angnga su leddane.

YESAYA 61:4

I mangitou sarun mapararisikku manga soa apan mal᷊annute nahohakka wuṛṛu manul᷊e manga tampa apan mal᷊annute mal᷊annabba.

YEREMIA 2:32

Apa pia maṛṛuala apan maabul᷊in lal᷊ogakke, ara'e ma'aawingnga wawine apan maabul᷊in laubbu awinge? Arawe i yamiu mal᷊annute atonna na'abul᷊i-U – ro'en sutempo apan tawe iareengnga al᷊annune.

YEREMIA 4:30

Ei Yerusalem, i'o buatte nitantangnga wuṛṛu mangke tawe napa'ola'a apa-apa! Ipa'ura malluṛṛen laubba maṛṛamu wuṛṛu mallogakka watangannu ringannu wul᷊awanna wuṛṛu sal᷊a'a, se'e lai namuṛṛa mata ringannu wawuṛṛa? Tawe gunane i'o malloggakka watangannu, ana waugu manga apulunu maddirinute, ewe'e lai i mangitou mappulu manawutta niawanu.

MATIUS 11:8

I yamiu inai ma'ellega apa? Sangkatou apan uapedetta mapia? Manga taumata apan uapedetta aroddi uatana'a su tampan araratuanna!

1 TIMOTIUS 2:10

Arawe ṛinone wawine mallogaka watanganne ringannu manga pallal᷊agu apan mapia su ereapa udde ṛinone olaannu wawine apan massubba Ruata.