1 TIMOTIUS 2:5 - WUKE SUSI WATTI'U AL᷊AL᷊USASSA

⁵ Ana waugu, tumba'u pia sambau Ruata, wuṛṛu tumba'u sangkatou mananangngan Duata wuṛṛu taumata, eteudde Kristus Yesus.

1 TIMOTIUS 2:5 ပူးပေါင်းရင်းမြစ်များ

AYUB 9:33

Arawe suwallatti yami tawe mamamarikissa apan wotongnge makkungngi ambua.

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

MATIUS 1:1

Ete indi arannu iupungngu al᷊amona Mawu Yesus Kristus, papapulunni Daud, papapulunni Abraham. Wuassi Abraham na'oman sara i Daud, arannu manga iupungngu al᷊amona Mawu Yesus Kristus ereindi:

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

LUKAS 14:22

Wua'udde mangangimbe udde nabbisara, ‘Tua, parentan Tuanga suete niapaamatta, arawe tampa ta'e manambo.’

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

WATTI'U MANGA RASUL 4:12

Tumba'u sulal᷊ummu Mawu Yesus sassane taumata masal᷊amatta. Ana waugu su ahewallu runia indi su wallattu taumata tawe saran sangkatou taumata waine maasomba taṛṛino wuassu Ruata ipanal᷊amatta si ite.”

ROMA 1:3

Watti'u Al᷊al᷊uassa udde mabbatti'u Ana'u Ruata, eteudde Mawun kite Yesus Kristus. Su ola'u saṛṛene ere taumata, i Tou walahanni Daud,

ROMA 10:12

Udde mariaddi su anambon taumata, ana waugu tawe paṛṛalane taumatan Yahudi wuṛṛu taumatan walahanna waine. Ruata apan sambau eteudde Ruatan anambon taumata. I Tou mangngonggolu al᷊amatta manambo-nambo su anambon taumata apan ma'itul᷊ungnga si Tou.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

1 KORINTUS 8:6

Arawe si ite, Ruata tumba'u tinggassa. I tou Iamangnga apan nandiaddi sarangkanambone. Ete hunane si Tou i ite mabbiakka. Wuṛṛu Mawu tumba'u sambau lai, eteudde Yesus Kristus. Sulal᷊ummi Tou sarangkanambone niriaddi, wuṛṛu ana waugu ete i Tou i ite wiakka.

GALATIA 3:20

Ne, ṛinone pia darua wageange, wakkute udde pia sangkatou pal᷊elene. Arawe Ruata tawe mappanduma pal᷊elene, ana waugu i Tou sassane mammanara.

EFESUS 4:6

wuṛṛu Ruata man sambau apan naola'a Iamangngu anambon taumata. Ete i Tou Mawun ul᷊il᷊in pati'uppa, apan mammanara sulal᷊ummu sarangkanambone, wuṛṛu uataṛṛino sulal᷊ummu sarangkanambone.

TAHIUL᷊E 6:4

Tuṛṛa-tuṛṛangnga, naungete! Tumba'u Mawu, wuṛṛu Mawu sassane Ruatan kite!

1 TIMOTIUS 6:13

Wuṛṛu orassa indi su saruannu Ruata apan nangonggolu niawa su al᷊awo'u sarannapa, wuṛṛu su saruanni Kristus Yesus apan nangonggolu tatiala atonna si Pontius Pilatus, i ya'u madorongnga indi wuassi'o:

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

IBRANI 8:6

Arawe orassa indi Mawu Yesus naasomba manaran imam apan lembon awantuhanne wuassu apan nimmanara manga imam udde. Ana waugu paaire apan niola'a su wallatu Ruata wuṛṛu taumata, eteudde pa'aire apan lembon apianne ana waugu pinangianannu paaire hunane su manga inolaanna apan lembon apianne.

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

1 YOHANES 2:1

Al᷊aṛṛana'u! I ya'u namoṛṛetu indi si yamiu tadea'u yamiu tawe ma'ola'a rosa. Arawe amungkangu piaddu lai ma'ola'a rosa, ne i ite pia sangkatou sumasimbbake, eteudde Yesus Kristus apan matul᷊ida udde; i Tou sarun sumal᷊anden kite su saruannu Iamangnga.

SONDAPPA 1:13

Su pattangngannu manga leddan sol᷊o udde uarisikka sangkatou apan niasiloanna naal᷊ihidda taumata. I Tou ual᷊uṛṛen jubah alo'engnge na'oman sara ledda. Su sabba-Nge, i Tou uapaattu lal᷊indumu ro'o wuassu wul᷊awanna.