1 TIMOTIUS 1:18 - WUKE SUSI WATTI'U AL᷊AL᷊USASSA

¹⁸ Timotius, ana'u, Manara indi ta'u itantilla si'o, mannaungnga tanatan Duata apan niapaasingkatu manga nabi sulal᷊ummu jamaatta su ola'u ririnu. Ṛinone tanata udde maola'a wal᷊unna si'o sulal᷊ummu manaranu apan mapia.

1 TIMOTIUS 1:18 ပူးပေါင်းရင်းမြစ်များ

WATTI'U MANGA RASUL 16:1

Paulus nanassute amatanne watukku Derbe, wua'udde watukku Listra. Isudde pia sangkatou mallal᷊aṛṛenggennu Mawu Yesus aranne i Timotius. Inangnge sangkatou Yahudi, apan mangngimante Mawu Yesus; arawe iamangnge taumatan Yunani.

1 KORINTUS 4:17

Ana waugu udde i ya'u buatte nandolokki Timotius ringanni yamiu. Sangkatou mallal᷊aṛṛenggenni Kristus, i tou naal᷊ihida ere ana'u sassane apan arangnguanna. I Tou ana'a apan wotongnge apangimananna. I Tou sarun mapaanaungnga si yamiu su ola'u lal᷊annu pabbiaṛṛanna apan a'olaangku, napawe i ya'u mangngimante si Kristus, eteudde lal᷊annu pabbiaṛṛanna apan iaaṛṛa'a su jamaatta su anambon tampa.

1 KORINTUS 9:7

Taweddu sangkatou tantara apan ṛinone madea'a pabbawiakke sassane sulal᷊ummu amul᷊annu tantara udde! Tawe mabbawailla apan massuannu anggore su waille see tawe umanna wuan anggore wuassu waille udde! Tawe mandariaga apan mappadul᷊i domba, see tawe ma'inumma susu wuassu manga dombane udde!

FILIPI 2:22

I yamiu sassane naasilote tialane manungku Timotius pia gunane. I tou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata. Iambua naal᷊ihida ana'a wuṛṛu iamangnga.

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

1 TIMOTIUS 4:14

Arie i'o maabul᷊i mappaattu apande wuassu Ghaṛṛahon Duata apan nionggolla si'o su tempo manga piaṛṛa'u jamaatta nangaddon lima mangitou su wowon puanu, wuṛṛu manga nabi namasingkatu tanatan Duata su ola'u ririnu.

1 TIMOTIUS 4:4

Al᷊awo'u sarannapa apan niola'u Ruata udde mapia, wuṛṛu tawe saran sambau lai apan sarun ipappalli amungkangu suete nisengkamma ringannu aadiangkamanna su Ruata.

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

2 TIMOTIUS 4:7

I ya'u suete nattalumma ringannu mapia-pia, wuṛṛu na'omate su akkitta panginsueanne. I ya'u sidutu tuttuṛṛuta Mawu Yesus saran pangudusanne.

TITUS 1:4

Titus, eteudde i'o atonna-tonna ana'u, ana waugu i'o wuṛṛu i ya'u suaddio'a suete nangimanna si Kristus. I ya'u mangantimma doronganna Ruata Iamangnga wuṛṛu Kristus Yesus Ratum Punnu Sal᷊amatti ite, mangonggolu al᷊amatta wuṛṛu paddarame si'o.

FILEMON 1:10

I ya'u Paulus, mangapiddu sambau darorongnga si'o su ola'i Onesimus, ana'u sulal᷊ummi Kristus. Ana waugu sulal᷊ummu tuttupanna indi ya'u naola'e iamangngu pangangimanne.