1 TIMOTIUS 1:11 - WUKE SUSI WATTI'U AL᷊AL᷊USASSA

¹¹ Al᷊aṛṛa'a udde niasombanganna sulal᷊ummu Watti'u Al᷊al᷊uassa apan pananal᷊iawukke tinantilla si ya'u, eteudde Watti'u Al᷊al᷊uassa wuassu Ruata apan mawantuga wuṛṛu ṛinone raloanna.

1 TIMOTIUS 1:11 ပူးပေါင်းရင်းမြစ်များ

DARALO 138:2

I Ya'u umal᷊intudda uasaruanna Wal᷊en-Nu apan susi lapiddu maddalo aran-Nu, ana waugu I'o maakkanna wuṛṛu sidutu marangngu. I'o lembon manuungngu paaire-Nu wuassu addapattu taumata su ola'u watangan-Nu.

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

ROMA 2:16

Ete aroddi sarun mariaddi su allo apan suete tinantunna udde. Su allo udde – tumuṛṛuttu Watti'u Al᷊al᷊uassa apan ta'u niwatti'a – Ruata sulal᷊ummi Yesus Kristus, sarun mamarikissa al᷊awo'u addapingngu naungnga wuṛṛu ṛingiddu anambon taumata.

1 KORINTUS 9:17

Unnu wisara i ya'u mappaamattu manara udde wuassu apulu'u sassane, ne i ya'u wotongnge mangantima lal᷊antake. Arawe i ya'u mamasingkattu Watti'u Al᷊al᷊uassa udde ana waugu udde manara'u. I ya'u nirolokku Ruata iapa'ola'a manara udde.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

GALATIA 2:7

Arawe manga taumata apan aellehanna piaṛṛange udde mangnga'u manungku Ruata buatte napamanara'u mamasingkatu Watti'u Al᷊al᷊uassa su taumata wal᷊ine Yahudi, ere lai i Tou buatte napamanaram Petrus namasingkatu Watti'u Al᷊al᷊uassa udde su taumatan Yahudi.

EFESUS 1:12

Wala'e i ite, apan paarorone mangngantima si Kristus, maddalo Ruata ana waugu awawantu-Ge!

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

EFESUS 2:7

Ruata na'ola'a udde tadea'u su tempo apan addantane, taumata wotongnge maasilo aroddi ahewalle darangngun Ruata. Darangngu udde niapaasilon Duata sulal᷊ummu apapia naung-Nge si ite sulal᷊ummi Kristus Yesus.

EFESUS 3:10

Pandumannu Ruata eteudde, tadea'u orassa indi, wuassu jamaatta sarangkanambone apan uaagassa taṛṛino su winalanganna masingkatu apanden Duata su al᷊awo'u inolaanne.

KOLOSE 1:25

Ruata nandolo'u maola'a mangangimbe jamaan-Ne hunan kamiu. I ya'u ṛinone mapaasingkatu watti'a wuassu Ruata, sarangkanambone;

1 TESALONIKA 2:4

Tawe! I yami tawe nabbisara see ipalluassa naungngu taumata, ewe'e ipalluassa naungngu Ruata, apan mannal᷊u'atta naungngi yami. Ana waugu i yami aellehannu Ruata wotongnge manal᷊iawukku Watti'u Al᷊al᷊uassa udde.

1 TIMOTIUS 2:7

Wuṛṛu ana waugu eteudde i ya'u nirolokka inai ringannu manga taumata wal᷊ine Yahudi iapapasingkata si mangitou watti'a su ola'u pangangimanna apan atonna. Apan ta'u iwabbatti'a indi udde atonna, i ya'u tawe mamahia.

1 TIMOTIUS 6:15

Daranta-Ne sarun itantunnu Ruata sassane su tempone apan naṛṛino. Tumba'u i Tou sassane uatahuanna; i Tou mawantuga, Ratu wuassu al᷊awo'u ratu, wuṛṛu Mawu wuassu al᷊awo'u mawu.

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

2 TIMOTIUS 1:11

Su ipabbatti'u Watti'u Al᷊al᷊uassa uddewe Ruata namile si ya'u maola'a rasul wuṛṛu huru.

2 TIMOTIUS 1:14

Ringannu sumbala wuassu Ghaṛṛahon Duata apan wiakka sulal᷊ummu waddangi ite, ṛinone i'o uariaga ringannu mapia-pia manga inolaanna maaregga apan suete tinantilla si'o.

2 TIMOTIUS 2:2

Al᷊aṛṛa'a paarorone suete niaringiṛṛanu wuassia'u su saruannu awadaalla, ṛinone itantillu su manga taumata apan wotongnge apangimananna wuṛṛu pande mangaṛṛa'a taumata waine.

TITUS 1:3

Su tempo apan suete nitantunna, Ruata mapaal᷊iatta'u paaire-Ne udde sulal᷊ummu tanata-Ne. Tanata udde suete niwal᷊o si'u, wuṛṛu i ya'u namasingkattu tanata udde ana waugu darolokku Ruata Punnu Sal᷊amatti ite.