1 TESALONIKA 2:3 - WUKE SUSI WATTI'U AL᷊AL᷊USASSA

³ Yami nangahe si yamiu wal᷊ine sambau inolaanna apan niumal᷊iwu; wuṛṛu lai wal᷊ine ringannu pandumma apan wengkola wuṛṛu ipangngawusu.

1 TESALONIKA 2:3 ပူးပေါင်းရင်းမြစ်များ

REENGANNA 16:15

I Musa mangke nasa'u wuṛṛu nabbisara su Mawu, “Mawu arie manengkamma aonggoli mangitou. Tawe saran paassa i ya'u namaddon sangkatou suwallati mangitou; ewe'e keledai sambau lai ya'u tawe nanganu wuassi mangitou.”

WATTI'U MANGA RASUL 13:15

Napawe Wuke Musa wuṛṛu Wuke Manga Nabi niwasate, manga piaṛṛa'u wal᷊em pattataṛṛamawuanna udde nandolokku taumata iapaiwal᷊o si Paulus wuṛṛu manga hawene, “Manga tuṛṛangnga, amungkangngu tuṛṛangnga pia sambau al᷊aṛṛa'a su manga taumata indi, wal᷊oa'e al᷊aṛṛa'a udde.”

WATTI'U MANGA RASUL 4:36

Aroddi lai i Yusuf. I tou lai nabal᷊u'u leta'a, see roinne niapiddi tou wuṛṛu tinantilla su manga rasul. I Yusuf indi sangkatou wuassu papapulunni Lewi wuassu Siprus; manga rasul mammago si tou lai i Barnabas (atappasanne Mallal᷊uassa).

2 KORINTUS 11:13

Manga taumata ere udde, uddewe rasul awusu. I mangitou mammamanara mangngawusu taumata wuṛṛu mattingkaola'a naal᷊ihida ere manga rasul wuassi Kristus.

2 KORINTUS 2:17

I yami tawe naal᷊ihida ere taumata nambo apan ma'ola'a Watti'u Ruata ere saranapa wal᷊u'anna. Manga pandumanni yami udde waresi, ana waugu i yami nirolokku Ruata. Wuṛṛu Ruata sassane ua'ellega manungku i yami mammasingkatu watti'a udde naola'a allangngi Kristus.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

2 KORINTUS 4:5

Watti'a apan iwabbatti'i yami udde wal᷊inewe watti'a su ola'i ami sassane. Watti'a uddewe watti'a su ola'i Kristus; manungku eteudde i Tou Mawu; wuṛṛu ete i yami manga allang-Nge ana waugu i Tou.

2 KORINTUS 6:8

I yami aaddatanna, arawe haggal᷊usaanna lai, raddaloanna, wuṛṛu aal᷊uandahanna lai. Salaiwe i yami mabbiakka matul᷊idda, i yami aansilanna taṛṛa awusu.

2 KORINTUS 7:2

Sal᷊ohoite i yami sulal᷊ummu naungngu. I yami tawe nassal᷊a su sangkatou taumata, tawe taumata apan niwodoanni yami. I yami tawe saran paassa mangngal᷊iwun darotongngu sangkatou taumata lai.

1 TESALONIKA 2:11

I yamiu masingkata manungku i yami ma'ola'a si yamiu sambau-sambau ere sangkatou iamangnga mammadul᷊i al᷊aṛṛanangnge.

1 TESALONIKA 4:7

Ruata mammaggo si ite, wal᷊ine tadea'u see i ite mabbiakka sussandaga, ewe'e tadea'u i ite mabbiakka maal᷊uassa naungngu Ruata.

2 TESALONIKA 2:11

Ana waugu udde Ruata napaarantan taṛṛino apan mangngal᷊iwun mangitou, na'oman sara i mangitou nangimanna watti'a apan nassal᷊a udde.

2 PETRUS 1:16

Su tempo i yami namasingkatta si yamiu aroddi awantuge daranta Mawun kite Yesus Kristus, i yami tawe uatundeetta su manga wa'e iaaṛṛa'u taumata. Awawantugi Kristus udde suete niasiloanni ami ringannu matan kami sassane.

1 SAMUEL 12:3

Orassa indi, ya'u uarisikka su saruanni yamiu! Amungkangu ya'u buatte na'ola'a al᷊al᷊eo, ansilete ya'u su saruannu Mawu wuṛṛu su saruannu ratu apan nipile-Ne. Apa ya'u buatte nanna'o sapi ara'e keledain taumata waine? Apa ya'u buatte nallinga ara'e mannansara ara'e mannengkamma roitta aonggolla? Wal᷊oa'e, tadea'u sarangkanambone apan ta'u nianu wotongnge iapawelengku.”