1 TAWARIKH 4:10 - WUKE SUSI WATTI'U AL᷊AL᷊USASSA

¹⁰ Arawe i Yabes niumal᷊iomanna su Ruata apan sassubbannu taumatan Israel, wisarane, “Oh Ruata, al᷊amatewe i ya'u, wuṛṛu antimanna hewal᷊anna wageangngu leta'a paparentangku. Tannoiwe i ya'u wuṛṛu paaraua'a asasilaka tadea'u i ya'u tawe matataṛangnga.” Ne Ruata naddaringikka darorongnge.

1 TAWARIKH 4:10 ပူးပေါင်းရင်းမြစ်များ

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 12:8

Wua'udde i tou nanassukku amatanne watukku timukka, watukku wageangngu leta'a pia bowone su samba'an da'i soan Betel, wuṛṛu naddasanna suwallatu Betel wuṛṛu soa Ai; Betel su samba'an baṛṛata wuṛṛu Ai su samba'an da'i. Isudde lai i tou napararisikku mezbah wuṛṛu nassubba Mawu.

PANDARIADDI 28:20

Ana see i Yakub nassalute, “Amungkangngu Mawu mantul᷊ungnga wuṛṛu mallu'adda si ya'u su amatangku indi apiddu mangonggolu anna wuṛṛu laubba si ya'u

PANDARIADDI 28:21

maddatingngu i ya'u mawelengnga apia su wal᷊en iamangku ringannu sal᷊amatta, Mawu sarun maola'a Ruata'u.

PANDARIADDI 32:26

Ana see unnu taumata udde, “Pallosa'a i ya'u; tate mal᷊annu lai matannallo sumabbangke.” I Yakub sinumimbakka, “I ya'u tawe mamallosi i Tuangnga, tabbene'e amungkangu i Tuangnga mangal᷊amatta si ya'u.”

PANDARIADDI 32:27

“Isai arannu?” aiwal᷊on taumata udde, “I Yakub” sasimbakke.

PANDARIADDI 32:28

Taumata udde nabbisara, “Arannu wal᷊inewe i Yakub. I'o buatte nallaṛṛawa'u Ruata wuṛṛu ringannu taumata, wuṛṛu i'o naauntunga; ana waugu udde arannu niwalute i Israel.”

PANDARIADDI 33:20

Wua'udde i tou napararisikku mezbah isudde wuṛṛu nissagon tou “El, Ruatan Israel”.

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

1 TAWARIKH 16:8

Paadiangkamante su Mawu, pasingkata'e awawantu-Ge, wattia'e manara-Ne suwallattu manga walahanna.

1 TAWARIKH 4:11

I Kelub tuṛṛangngi Suha pia ana'a esakka aranne i Mehir. Ana'i Mehir eteudde i Eston,

1 TAWARIKH 4:9

Pia sangkatou esakka aranne i Yabes; i tou lembon a'addatanna wuassu manga tuṛṛangnge. Ṛatangannu inangngene i tou nisaggo Yabes, ana waugu inangngene tumaniten natataṛṛanga sutempo nanungkangi tou.

AYUB 12:4

I ya'u ilallagen hawe wuṛṛu ruanganna, sumbal᷊i i ya'u indi naṛṛino wuṛṛu tawe sangkulle. Dorone Ruata sinumimbakka aal᷊iomangku, suapawe i ya'u sumal᷊ande maitul᷊ungnga.

DARALO 119:173

Antimanna I'o sidutu umontola si ya'u, ana waugu i ya'u namile tumuṛṛutta parenta-Nu.

DARALO 121:7

Mawu sarun mallu'adda si'o wuassu asasilaka, i Tou uariaga si'o tadea'u wiakku sal᷊amatta.

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.

DARALO 21:4

I'o nirumanta ringanni tou uaapiddu al᷊amatta manambo, wuṛṛu nalluṛen araposa wul᷊awanna su puane.

DARALO 51:12

Olaawe naungku apan tutune, oh Ruata, limbakuewe naungku ringannu atatohassa apan masabbare.

DARALO 51:8

I'o maddoronga atatul᷊iddu naungnga; loṛṛoiten naungku ringannu apande-Nu.

DARALO 55:16

Wala'e see'u mate mal᷊ihakka wuṛṛu ta'e wiakka sumossokka su runian taumata nate, ana waugu al᷊al᷊eo uatana'a su wal᷊en mangitou, su pattangnganni mangitou.

DARALO 65:2

Ṛinone i yami maddalo Si'o su Sion, oh Ruata, wuṛṛu manipussa paairen kami Si'o.

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

DARALO 99:6

I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

AMSAL 10:22

Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

AMSAL 30:8

Arie ma'oman sara i ya'u mabbisaran manga wisara lal᷊inga wuṛṛu wahia, wuṛṛu arie pabbala'a asiangnga ara'e ala. Onggol᷊aawe si ya'u tumba'u apa apan haggausangku.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 41:17

Napawe pabbawala-U apan susa udde maddea'a ua'e, wuṛṛu tonggol᷊anni mangitou namara ana waugu marou, ne i Ya'u, Mawu, sarun sumimbakka aal᷊iomanni mangitou; Ruatan Israel sarun tawe manantangngu uman-Ne.

YEREMIA 33:3

“Sal᷊andete si Ya'u, ne i Ya'u sarun sumimbakka; sarun Ta'u iapasingkatta si yamiu manga inolaanna apan maṛṛamaga wuṛṛu maatiangnga apan ta'e awaganannu.

MATIUS 26:75

Wuṛṛu i Petrus naanaungke manungku Mawu Yesus suete nabbisara si tou, “Tantal᷊anna manu'a taambe niumu'u, i'o paatallute massinaa-U.” See i Petrus sinumabangnga, wuṛṛu nilumuaite ringannu massusa.

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

LUKAS 19:42

Wisara-Ne, “Ma'a'akkanna, apia eteapa amungkangngu allo indi i'o maasingkatta apa apan botongnge mandantam padarame! Arawe orassa indi i'o tawe maasilo.

YOHANES 10:28

I Ya'u mangngonggolu wiakka tutune wuṛṛu saran mal᷊annu-l᷊annu si mangitou, wuṛṛu sarangkal᷊o'engnge i mangitou tawe mate. Tawe saran sangkatou apan botongnge mangaṛṛo si mangitou wuassu lima-U.

YOHANES 21:17

Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

WATTI'U MANGA RASUL 3:26

Ana waugu udde Ruata namile Allang-Nge, see nandolokki Tou nirumanta ringanni yamiu paarorone, tadea'u i Tou mangal᷊amatta si yamiu. Olangnge i Tou mangal᷊amatta eteudde na'ola'a manga tuṛṛangnga sarangkanambone nawal᷊u wuassu ola'u wiakki yamiu apan lal᷊eo.”

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

ROMA 16:19

Anambon taumata naasingkate manungku i yamiu matuṛṛuta su al᷊aṛṛa'u Watti'u Al᷊al᷊uassa wuassu Ruata. Wuṛṛu i ya'u mal᷊uassa su inolaanni yamiu udde. I ya'u maapulu tadea'u i yamiu pande su inolaanna apan mapia, wuṛṛu longonna su inolaanna apan lal᷊eo.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

EFESUS 3:20

Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

2 TIMOTIUS 4:18

Wuṛṛu i ya'u napallose wuassu papate. Atonna Ruata sarun mamallosa wuassu al᷊awo'u pandumma apan lal᷊eo su riri'u. I Tou sarun mangapi'u ringannu sal᷊amatta sulal᷊ummu araratuan-Ne su surga. Ṛinone i Tou wantuhanna saran mal᷊annu-l᷊annu! Amin.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

1 SAMUEL 1:17

Ana see i Eli nabbisara, “Amungkangu aroddi apul᷊ete ringannu sal᷊amatta. Antimanna Mawu Ruatan Israel maddaringikka darorongngu.”

1 SAMUEL 1:20

Wawine udde piate illoṛṛo wuṛṛu nanungkangu sangkatou ana'a esakka. Ana udde nisaggo Samuel, wisarane, “Buatte ta'u niroronganna su Mawu.”

1 SAMUEL 1:26

I Hana nabbisara si Eli, “Madorongnga ampungnga, Papa. I Papa ta'e ma'anaungnga si ya'u? I ya'u indi wawine apan su paassa niasiloanni Papa uarisikka isindi, tantal᷊anna u'al᷊iomanna su Mawu.

1 SAMUEL 1:27

Ete ana'a indi apan ta'u niroronganna su Mawu. Aal᷊iomangku buatte niraringiṛṛan-Ne,