1 TAWARIKH 24:1 - WUKE SUSI WATTI'U AL᷊AL᷊USASSA

^1-3 I Harun pia siri appatta ana'a esakka: i Nadab, i Abihu, i Eleazar wuṛṛu i Itamar. I Nadab wuṛṛu i Abihu dorone nate wuassu iamangngi mangitou ringannu tawe ana'a. Ana waugu udde i Eleazar wuṛṛu i Itamar manga tuṛṛangngi tarua naola'a imam. I Daud nattahia papapulunni Harun sulal᷊ummu wageangnge tumuṛṛuttu manaran mangitou. Sulal᷊ummu manara pattatahia udde i Daud nilal᷊imanni Zadok papapulunni Eleazar wuṛṛu i Ahimelekh papapulunni Itamar.

1 TAWARIKH 24:1 ပူးပေါင်းရင်းမြစ်များ

1 TAWARIKH 23:6

I Daud nattahia manga taumatan Lewi sulal᷊ummu tallun kawageanganna tumuṛṛuttu amonanni mangitou, eteudde amonanni Gerson, i Kehat wuṛṛu i Merari.

1 TAWARIKH 28:13

See lai tinantilla ṛiinnu patatahia manga imam wuṛṛu taumatan Lewi, su ola'u manga manara apan ṛinone manaranni mangitou, eteudde manaran mangitou su Wal᷊en Mawu wuṛṛu pallal᷊u'adda anambon saranapa ipattaṛṛamawu.

1 TAWARIKH 6:3

I Amram ruan katou anangnge esakka, eteudde i Harun wuṛṛu i Musa, see lai sangkatou ana'a wawine aranne i Miryam. I Harun pia siri appatta ana'a esakka; i Nadab, i Abihu, i Eleazar wuṛṛu i Itamar.

1 TAWARIKH 6:34

i Elkana, i Yeroham, i Eliel, i Toah,

2 TAWARIKH 23:8

Parentan Yoyada udde niapaamattu taumatan Lewi wuṛṛu tumana'u Yehuda. Manga taumata apan buatte nammanara su allon Sabat tawe wotongnge mapul᷊e. Nariaddi manga tembonannu tantara wotongnge mandolokku manga taumata apan buatte nammanara ara'e lai wakkute nirumanta mammanara.

2 TAWARIKH 31:2

I Ratu Hizkia nangatokku apia manga ammul᷊annu manga imam wuṛṛu taumatan Lewi tumuṛṛuttu tahia manaran mangitou. Manga manara eteudde: mangonggolu sasamba itattambunna wuṛṛu sasamban paddarame, mangangimben lal᷊aghu patataṛṛamawu su Mawu su al᷊awo'u tampa su Wal᷊en Mawu.

2 TAWARIKH 5:11

Anambon imam apan isudde, wuassu anambon ammul᷊anna, buatte nandiahi watanganne su ipallaghun addata udde. Anambon mangangantari wuṛṛu mananalangnga musikka sulal᷊ummu ṛuanganni Lewi, eteudde Asaf, Heman, Yedutun wuṛṛu anambon taumata apan niapile su ṛuanganni mangitou, ual᷊uṛen laubba wuassu mal᷊aṛṛenessa linen. Manga taumatan Lewi udde uarisikka su samba'a da'in mezbah ringannu uaagassa simbal wuṛṛu kecapi. Suadio'a ringanni mangitou pia 120 su atoune imam apan mattiuppa trompeta. Aantari manga mangangantari nallal᷊omegu musikku trompeta, simbal wuṛṛu musikka waine. Eteindi manga wisara daralo apan mantarim mangitou ipaddalo Mawu: “Paddalote Mawu, ana waugu i Tou mapia. Darangngu-Ne saran mal᷊annu-l᷊annu.” Sutempo manga imam sinumabbangnga wuassu Wal᷊en Mawu udde, inaṛṛombanganne Wal᷊en udde napenen semakku darantan Mawu, na'oman sara i mangitou tate naasassu addatu lal᷊aghun patataṛṛamawu.

2 TAWARIKH 8:14

Uasul᷊ungngu lai ere atoranni Daud Iamangnge, Salomo nangatokku manga manara miallo-miallo su manga imam wuṛṛu su taumatan Lewi apan ṛinone mangngantari manga daralo su Mawu wuṛṛu massumbala manga imam sulal᷊ummu mallaghu patataṛṛamawu. See lai manga mandariaga Wal᷊en Mawu nitahia lai piran kawageanganna su al᷊awo'u ngara mal᷊oangnga, ere lai buatte nitantiron Daud allangngu Ruata.

EZRA 6:18

Wua'udde su pangangimbe su Wal᷊en Mawu i mangitou nangatokku tahia su manga imam see manga taumatan Lewi tumuṛṛuttu atoranna apan uawoṛṛetta sulal᷊ummu buken Musa.

EZRA 7:5

i Abisua i Pinehas i Eleazar i Imam Mawantuga Harun

SASABANGNGA 28:1

“Waggoite i Harun iaangngu suadio'a ringannu manga anangnge i Nadab, i Abihu, i Eleazar wuṛṛu i Itamar, wuṛṛu ṛaea'a i mangitou tadea'u wotongnge mangimbe si Ya'u maola'a sangkatou imam.

SASABANGNGA 6:23

I Korah pia siri tallu ana'a esakka; i Asir, i Elkana wuṛṛu i Abiasaf. I mangitou udde iupungngu al᷊amona wuassu ṛuangannu amonanni Korah.

REENGANNA 26:60

I Harun pia siri appata ana'a esakka: i Nadab, i Abihu, i Eleazar wuṛṛu i Itamar.

REENGANNA 3:2

I Harun pia sire appata ana'a esakka: i Nadab iapa pahul᷊une, wua'udde i Abihu, i Eleazar wuṛṛu i Itamar.

REENGANNA 3:4

Arawe i Nadab wuṛṛu i Abihu nate su wadda'u Sinai, su tempo itarua nisumaruanna Mawu ringannu putungnga apan ipappalli. Itarua tawe naasomba ana'a. Nariaddi tantal᷊anna i Harun ta'e wiakka, i Eleazar wuṛṛu i Itamar mammanara naola'a sangkatou imam.