1 TAWARIKH 22:16 - WUKE SUSI WATTI'U AL᷊AL᷊USASSA

¹⁶ wul᷊awanna, sal᷊a'a, witu'a wuṛṛu atta'a. Ne paal᷊ihakke manattakka! Doronganna Mawu mantul᷊ungngu.”

1 TAWARIKH 22:16 ပူးပေါင်းရင်းမြစ်များ

1 MARARATU 2:2

“Nia'omante tempone i ya'u nate. Ṛinone i'o mangngimanna wuṛṛu waṛṛani.

1 MARARATU 7:47

I Salomo tawe nandolokka manimbangngu manga saranapa witu'a udde, ana waugu reenganne tumaniten manambo. Nariaddi,awakkattu manga saranapa udde awagananna.

1 TAWARIKH 22:11

Ana see i Daud nabbisara apia, “Orassa indi, ana'u, antimanna Mawu Ruatanu sidutu mantul᷊ungngu. Wuṛṛu antimanna i'o wotongnge mapararisikku Wal᷊en Mawu ere lai buatte nipa'ire-Ne.

1 TAWARIKH 22:14

Su ola'u Wal᷊en Mawu udde i ya'u buatte nattinsahadda atonna-tonna nangammullu 3.400 tonna awakkattu wul᷊awanna wuṛṛu sal᷊a'a lai awakkanne nilumebbe wuassu 34.000 tonna. Waine lai pia bitu'a wuṛṛu atta'a apan tawe iareengnga anambone. Alu wuṛṛu watu nasaddiate lai si ya'u, arawe i'o ṛinone manamba apia.

1 TAWARIKH 22:15

I'o uatahuanna manambo mammamanara. Piaddu wotongnge mammanara su paal᷊ianna watu, pia wasen kalu, wasen batu wuṛṛu manambo taumata apan pande mammanara

1 TAWARIKH 22:3

Su ipa'ola'a pa'u wuṛṛu hensellu manga ngara pasallanganna su Wal᷊en Mawu udde, i Daud nangammullu atta'a manambo atonna. I tou lai nangammullu witu'a aroddi anambone na'oman sara tate iatimbanga.

1 TAWARIKH 28:10

Paanaunge paapia-pia manungku Mawu buatte namile si'o mapararisikku wal᷊e-Ne sassane. Ne, orassa indi pammanarate manara udde, ringannu naungnga mal᷊uassa.”

1 TAWARIKH 29:2

Manga aola'u wal᷊en udde wuṛṛu lal᷊oṛṛone buatte nissaddia'u ringannu sarangkanambone apan tatahuanangku. I ya'u buatte nanaddia wul᷊awanna, sal᷊a'a, witu'a, atta'a, alu, manga watu manambo lihidde apan ipallogakka wuṛṛu manambo lai watu pualam.

2 TAWARIKH 1:1

Salomo ana'i Daud naola'e ratu apan matohassa pamamarentane sulal᷊ummu araratuannu Israel. Mawu Ruatane nangal᷊amatta si tou wuṛṛu na'ola'a si tou lembon uataṛṛino.

2 TAWARIKH 20:17

I yamiu salaiwe lasa'e mapapangalo sulal᷊ummu pangalo indi. Inaite watukku tampa apan buatte nitantunna si yamiu wuṛṛu pallaṛaddote isudde. I yamiu sarun maasilo Mawu mangonggolu auntunganna si yamiu. Ei tumana'u Yehuda wuṛṛu Yerusalem, arie passinggawanga ara'e mata'utta. Suttate sulal᷊ummu pangalo udde, Mawu sarun mantul᷊ungngi yamiu!”

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

YOSUA 1:2

Mawu nabbisara, “Allang-Ku i Musa natete. Ne orassa indi mappianne i'o wuṛṛu anambon ṛuangannu Israel pandiahite inai tumumbe Sal᷊ukku Yordan, wuṛṛu sumutta su leta'a apan Ta'u ionggola si yamiu.

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

YOSUA 7:10

Mawu sinumimbakka si Yosua, “Apu'ote! Tawe gunane i'o u'al᷊intudda su leta'a!

MAL᷊AṚṚUUNGNGA 4:14

Ana see i Debora nabbisara si Barak, “Wette, inaite! Ete Mawu apan mamiaṛangngu. Allo indi i Tou nangonggollu auntunganna si yamiu wuassi Sisera.” Ne i Barak sinumossokke wuassu Wowon Tabor suadio'a ringannu mapul᷊o ṛiwu taumatane,

1 SAMUEL 17:37

Mawu buatte nanal᷊amatta allangngu wuassu singa wuṛṛu beruangnga, i Tou lai sarun manal᷊amatta allangngu wuassu taumatan Filistin udde.” Ana see i Saul nabbisara si Daud, “Ore aroddite, antimanna Mawu mantul᷊ungngu.”

1 SAMUEL 20:13

Amungkangu i tou pia pandumma manilaka si'o, sarun ta'u iapasingkatta si'o lai tadea'u i'o wotongnge maapanal᷊amatta watangannu. Doronganna Mawu mamate si ya'u amungkangu olangnge udde tawe ta'u olaanna. Antimanna Mawu mantul᷊ungngu ere lai i Tou buatte nitul᷊ungngu lai!