1 TAWARIKH 17:8 - WUKE SUSI WATTI'U AL᷊AL᷊USASSA

⁸ I'o buatte Ta'u nitul᷊ungnga su anambon tampa apan amatannu, wuṛṛu anambon seennu Ta'u nipate sutempo i'o mapapangalo. I'o sarun Ta'u olaanna tumelengnga ere manga piaṛṛa'a apan ahewal᷊anne su runia.

1 TAWARIKH 17:8 ပူးပေါင်းရင်းမြစ်များ

PANDARIADDI 28:15

Paanaunge, i Ya'u sarun mantul᷊ungnga wuṛṛu mallu'adda si'o, su al᷊awo'u tampa amatannu, wuṛṛu i'o sarun Ta'u iapidda mabelengnga watukku wanua indi. I Ya'u tawe manantangngu maddatingngu sarangkanambone Ta'u niola'a su alawo'u apa apan pina'ire-U si'o.”

2 SAMUEL 22:1

Napawe Mawu buatte nanal᷊amatta si Daud wuassu taṛṛinon Saul wuṛṛu wuassu al᷊awo'u seenne waine, i Daud nangantarin aantari indi su Mawu: [

2 SAMUEL 7:9

I Ya'u buatte nakkundinganna si'o su al᷊awo'u amatannu, wuṛṛu manga seennu buatte Ta'u nipate sutempo i'o napapangalo. I'o sarun tumelengnga ere lai manga piaṛṛangnge apan ahewal᷊anne su runia.

2 SAMUEL 8:6

Wua'udde i Daud napararisikku manga paddasanannu tantara sulal᷊ummu wageangngu leta'i mangitou, ne i mangitou uasuṛṛubbawate lapiddu mammaekka wose si Daud. Mawu napauntungngi Daud su al᷊awo'u tampa i tou mapapangalo.

2 SAMUEL 8:8

Waine lai wua'udde i Daud nanganu atta'a manambo atonna wuassu Betah wuṛṛu Berotai, manga soa apan dorone paparentanni Hadadezer.

1 TAWARIKH 14:17

Ne aranni Daud tinumelengke su al᷊awo'u tampa, ne Mawu na'ola'a anambon walahanna matta'utti Daud.

1 TAWARIKH 17:17

Ewe'e inolaan-Nu nilumambalanna wua isudde; I'o buatte na'ola'a pa'aire su ola'u papapulungku sutempo addantane. Ewe'e i'o lai na'ola'a si ya'u sangkatou apan a'addatanna.

1 TAWARIKH 17:2

I Natan sinumimbakka, “Pa'ola'e al᷊awo'u apulun Tuangnga ana waugu Mawu mantul᷊ungngi Tuangnga.”

1 TAWARIKH 17:7

Ana waugu udde, i Natan, pasingkata'e su allang-Ku Daud manungku i Ya'u, Mawu Apan Lembontaṛṛino, nabbisara si tou, ‘I'o buatte Ta'u nial᷊appa wuassu manaranu mallu'adda domba su wadda'a, wuṛṛu Ta'u nitenega naola'a ratu su Walahang-Ku Israel.

1 TAWARIKH 17:9

Su pabbawala-U Israel i Ya'u buatte nanaddia tampa maola'a pamamanuanni mangitou tadea'u i mangitou wotongnge mabbiakka matammudda taweddu manal᷊awa'a. Ro'en darantan mangitou watukku leta'a indi dorone, wuṛṛu ro'en i mangitou taambe datu, i mangitou nipangaloannu manga taumata apan mal᷊utu mapapangalo. Arawe olangnge udde tawe nariaddi apia. I Ya'u ma'ire sarun mamaddon anambon seennu, wuṛṛu i Ya'u sarun mangonggolu pallal᷊awanna si yamiu.

EZRA 4:20

Su paassa buatte manga ratu apan matohassa namarenta poiaroddi wuṛṛu uataṛṛino ahewallu propinsi Efrat Waṛṛatta see napaamattu wose wuṛṛu aonggolla.

DARALO 18:1

Su piaṛṛa'u mangangantari. Daralon Daud, allangu Mawu. Niantari ipaddalo Mawu sutempo i Daud nipallosa wuassi Saul wuṛṛu wuassu manga seenne.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

DARALO 46:7

Ruata nirumallu'a, ne runia naṛimunsa'a; manga walahanna nata'utta, manga araratuanna nanawo.

DARALO 71:21

I'o sarun ma'ola'a si ya'u lembon aadatanna, wuṛṛu maminalatta si ya'u apia.

DARALO 75:7

Ana pallaṛṛuungnga tawe rumanta wuassu samba'a ra'i ara'e waṛṛata tawe lai wuassu samba'a sawannakka ara'e timukka.

LUKAS 1:52

Manga ratu nilintukka wuassu araratuanne wuṛṛu taumata adio'anne tinanggakka.

1 SAMUEL 18:14

I tou mammanara ringannu mapia, ana waugu Mawu mantul᷊ungngi tou.

1 SAMUEL 18:28

Etearoddi i Saul naatutukka manungku i Daud lal᷊u'arannu Mawu see lai i Mikhal ana'i Saul maṛṛuala marangngu si tou.

1 SAMUEL 26:10

Sulal᷊ummu arannu Mawu apan biakka, ya'u masingkatta manungku Mawu sassane apan sarun mamate si Saul, napawe papatene nia'omante, ara'e i tou mate sulal᷊ummu pangalo.