1 TAWARIKH 17:16 - WUKE SUSI WATTI'U AL᷊AL᷊USASSA

¹⁶ Ana see i Ratu Daud sinumuttate sulal᷊ummu Rasannu Mawu. I tou inuma'ianna wuṛṛu inumal᷊iomanna, “Oh Mawu Ruata, i ya'u wuṛṛu amonangku tawe sutampane manengkamma apapia apan niapal᷊iatta'u Mawu al᷊annune indi.

1 TAWARIKH 17:16 ပူးပေါင်းရင်းမြစ်များ

PANDARIADDI 32:10

I ya'u tawe su ṛinone manengkamma al᷊awo'u darangngu wuṛṛu apan buatte niapal᷊iatta'u Mawu si ya'u. Su tempo i ya'u niumamatta tinumumbe Sal᷊ukku Yordan, i ya'u tawe uaapiddu apa-apa tumbau ta'inna. Orassa i ya'u nirumantate apia ringannu ruang kawageanganna indi.

2 SAMUEL 7:18

Ana see i Ratu Daud sinumutate sulal᷊ummu Rasannu Mawu. I tou niuma'ianna wuṛṛu niumal᷊iomanna, “Oh Mawu Apan Atanggaṛṛanne, i ya'u wuṛṛu amonangku tawe sulal᷊anne manengkamma al᷊awo'u apapia apan niapasilo-Nu si ya'u su al᷊annune indi.

2 MARARATU 19:14

I Hizkia nanengkamma suratta udde wuassu manga daroloṛṛanna, ana see i tou nabbasate. Wua'udde i tou inaite su Wal᷊en Mawu, wuṛṛu namilattu suratta udde su saruannu Mawu,

1 TAWARIKH 17:15

I Natan namasingkatta si Daud al᷊awo'a apan buatte niapal᷊iatta'u Mawu si tou.

1 TAWARIKH 17:17

Ewe'e inolaan-Nu nilumambalanna wua isudde; I'o buatte na'ola'a pa'aire su ola'u papapulungku sutempo addantane. Ewe'e i'o lai na'ola'a si ya'u sangkatou apan a'addatanna.

1 TAWARIKH 29:14

I ya'u wuṛṛu tumana'u indi atonna-tonna tawe mapangonggolu apa-apa Si'o, ana waugu sarangkanambone uddewe aonggolu Mawu, wuṛṛu apa apan ia'onggoli yami uddewe tatahuanan-Nu lai.

2 TAWARIKH 1:8

Salomo sinumimbakka, “Oh Ruata, I'o buatte namasilo manungku I'o lembon marangngu iamangku Daud, wuṛṛu i ya'u buatte nitenegu Mawu naola'a ratu pinallol᷊ossa si tou.

DARALO 144:3

Mawu, apate taumata na'oman sara I'o na'ellega si tou? Isaite i tou na'oman sara I'o mappadul᷊i si tou?

WATTI'U MANGA RASUL 26:22

Arawe na'oman sara orassa indi ya'u mangke su lu'addu Ruata, na'oman sara lai ya'u wotongnge dirumarisikka isindi mangonggolu tiala'u su anambon taumata – timmade ara'e dario'a. Apa apan iwabatti'u indi tawe paddaṛṛalanne wuassu apa apan suete niapasingkattu manga nabi wuṛṛu i Musa;

2 KORINTUS 1:10

Ete i Tou apan suete nanal᷊amatta si yami wuassu silaka wuṛṛu papate apan wahewa udde. Wuṛṛu ete i Tou sarun manal᷊amatta si yamiu su allo sal᷊immurine, ana waugu ete si Tou i yami mangngantimma.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

MAL᷊AṚṚUUNGNGA 6:15

I Gideon sinumimbakka, “Anio i ya'u, Mawu? I ya'u tawe maapallosu walahannu Israel wuassu parentan taumata Midian. Sulal᷊ummu ruanganni Manasye, ete amonangkuku apan al᷊omeanne. Wuṛṛu sulal᷊ummu lal᷊oṛon amonangku lai ete i ya'u lai lembon tawe gunane.”

1 SAMUEL 7:12

Wua'udde i Samuel napararisikku sambau watu, su passarannu Mizpa wuṛṛu Sen. I tou nabbisara, “Mawu buatte nantul᷊ungngi ite sarangakanambone.” – ana see watu udde nissagone “Watun Tatul᷊ungnga.”

1 SAMUEL 9:21

I Saul sinumimbakka, “I ya'u indi wuassu ruanganni Benyamin, ruanganna apan atul᷊unganne su Israel, wuṛṛu amonangku tawe mawal᷊i sulal᷊ummu ruanganna udde. Nariaddi anio i Papa nabbisara aroddi si ya'u?”