1 TAWARIKH 13:6 - WUKE SUSI WATTI'U AL᷊AL᷊USASSA

⁶ Ana see i Daud inaite susambau ringanni mangitou watukku soa Baala, eteudde Kiryat-Yearim, su wageangngu leta'u ṛuanganni Yehuda, inai mangal᷊appa Wantallu Pa'airen Duata. Wantalla udde nisago “Mawu apan ua'ianna su wowon mala'ekatta”.

1 TAWARIKH 13:6 ပူးပေါင်းရင်းမြစ်များ

2 MARARATU 19:15

ana see inumal᷊iomanna, wisarane, “Mawu, Ruatan Israel, apan ua'ianna su wowon mala'ekatta, tumba'u I'o sambau Ruata apan uataṛṛino al᷊awo'u araratuanna su wowon dunia. Tumba'u I'o apan nandiadi langitta wuṛṛu runia.

DARALO 80:1

Su piaṛṛa'u mangangantari. Tumuṛṛuttu antari: Wunga hal᷊ohomma. Daralon tatialan Asaf.

DARALO 99:1

Mawu uddewe Ratu; manga walahanna mangngiladda. I Tou ua'ianna su wowon mala'ekatta, runia niumio'a.

SASABANGNGA 20:24

I Ya'u ola'ete sambau mezbah waussu leta'a, ana see onggola'e isudde domba wuṛṛu sapinu maola'a sasamba itattambunna wuṛṛu sasamba paddarame. Su al᷊awo'u tampa apan buatte nitantunna si yamiu maola'a tampa patataṛṛamawuanna si Ya'u, i Ya'u sarun dumanta wuṛṛu mangal᷊amatta si yamiu.

SASABANGNGA 23:21

Paddaringikka wuṛṛu paatuṛṛutta si tou. Imbaṛṛangnga lumawangnga si tou ana waugu i tou daroloṛṛang-Ku, wuṛṛu i tou tawe mangampungnga pasasal᷊anu.

SASABANGNGA 25:22

Su tampa udde i Ya'u sarun maisasombanu, wuṛṛu wuassu wowon, su wallatu mala'ekatta darua udde, i'o Ta'u onggol᷊annu manga tita-U hunan balahannu Israel.”

YESAYA 37:16

“Mawu Apan Lembontaṛṛino, Ruatan Israel, apan ua'ianna su aṛṛa'uannu Ruata, ete I'o Ruata tinggassa apan uataṛṛino al᷊awo'u araratuanna su wowon dunia indi. Ete I'o apan nandiaddi langitta wuṛṛu runia.

REENGANNA 6:27

Wuṛṛu Mawu nabbisara, “Su tempo i mangitou managon arang-Ku maola'a al᷊amatta su walahannu Israel, i Ya'u sarun mangal᷊amatta si mangitou.”

REENGANNA 7:89

Suapan i Musa sumutta sulal᷊ummu Rasannu Mawu, maggahatto Mawu, i tou ma'aringikka tingikku Mawu apan mabbisara si tou wuassu wowon lal᷊uubbu Wantallu Pa'aire su wallatu darua paal᷊uannu mala'ekatta.

YOSUA 15:60

See lai darua soa manansunna indi suadio'a ringannu manga ampungnga maranine: Soa Kiryat-Baal (eteudde Kiryat-Yearim) wuṛṛu Soa Raba.

YOSUA 15:9

wua'udde masal᷊a watukku al᷊imatan kua'e Me-Neftoah, maddatingngu manga soa maranin wowon Efron. Wua'isudde akkitu passarannu leta'a udde mabbeṛṛo watukku Baala (eteudde Kiryat-Yearim),

1 SAMUEL 4:4

Ana see i mangitou nandolokku taumata inai watukku Silo iapaal᷊appa Wantalu Paairen Mawu apan naola'a aianannu Mawu Apan Lembontaṛṛino. Ruan katou ana'i Eli, i Hofni wuṛṛu i Pinehas, uatantalongnga Wantallu Pa'aire udde.

1 SAMUEL 6:21

Ana see i mangitou nandolokku daroloṛṛanna inai ringannu tumana'u Kiryat-Yearim ringannu tanata indi, “Taumatan Filistin buatte napawelengngu Wantallu Pa'airen Mawu. Rantate wuṛṛu apira'e wantalla udde su soanu.”