1 TAWARIKH 13:5 - WUKE SUSI WATTI'U AL᷊AL᷊USASSA

⁵ Ne i Daud nangammulu tumana'u Israel su ahewallu wanua, wuassu passarannu Mesir su timukka naddatingngu lal᷊annu Hamat su sawannakka, inai mangal᷊appa Wantallu Pa'aire udde wuassu Kiryat-Yearim wuṛṛu iapidde su Yerusalem.

1 TAWARIKH 13:5 ပူးပေါင်းရင်းမြစ်များ

2 SAMUEL 6:1

Wua'udde i Daud namaggo apia manga tantara apan apianne su Israel tadea'u ma'ammulla, sarangkanambone 30.000 su atoune.

1 MARARATU 4:21

Suapan amonanna uatahuanna waillu anggore wuṛṛu waillu ara. Su al᷊o'engngu pabbiaṛṛanni Salomo tumana'a su ahewallu Yehuda wuṛṛu Israel wuassu Dan maddatingngu Bersyeba mabbiakka ringannu matammudda wuṛṛu mal᷊angnganna. Ana waugu, anambon datu su samba'an waṛṛattu Efrat uasuṛṛubawa si tou, wuṛṛu anambon balahanna wuassu manga araratuanna maranin araratuanne uahahawen tou. Leta'a su samba'an waṛṛattu Sal᷊ukku Efrat wuṛṛu Tifsah su wiwikku Sal᷊ukku Efrat masal᷊a su waṛṛata watukku soa Gaza su Filistin maddatingngu passarannu Mesir, sarangkanambone paparentanni Salomo. Manga walahanna su wanua udde uasuṛṛubawa si tou wuṛṛu mammaekka wose. Manga anna apan pappandumanni Salomo suapan allo eteudde 5.000 litere taponna al᷊ussa, 10.000 litere taponna hal᷊agga, 10 sapi sulal᷊ummu tanda'a, 20 sapi su wadda'a, wuṛṛu 100 domba. Wal᷊ine wua isudde lai rusa, kijang, menjangan wuṛṛu manga manu'u winalanganna.

1 MARARATU 8:65

Su Wal᷊en Mawu udde i Salomo wuṛṛu anambon umattu Israel nallaghu ramean Rasannu Rongnga al᷊annune pitu allo. Tumaniten manambo reengannu taumata apan uasemodda isudde. I mangitou nirumanta wuassu wageangngu leta'a araune wuassu Lal᷊annu Hamat su sawannakka maddatingngu passarannu Mesir su timukka.

2 MARARATU 25:21

su wageangu leta'u Hamat. Poiaroddi i mangitou nisansara wua'udde nipate. Etearoddi manga taumatan Yehuda niṛoota wuassu wanuan mangitou wuṛṛu niapidda watukku leta'a pamamuanganna.

1 TAWARIKH 13:4

Anambon taumatan Israel apan uaammulla isudde mal᷊uassa ringannu ṛingidda udde ana see na'irete.

1 TAWARIKH 13:6

Ana see i Daud inaite susambau ringanni mangitou watukku soa Baala, eteudde Kiryat-Yearim, su wageangngu leta'u ṛuanganni Yehuda, inai mangal᷊appa Wantallu Pa'airen Duata. Wantalla udde nisago “Mawu apan ua'ianna su wowon mala'ekatta”.

1 TAWARIKH 15:3

Ne i Daud namago anambon taumatan Israel niaparanta su Yerusalem tadea'u mangingkattu Wantallu Paairen Mawu sutampa apan buatte niriahine.

YEREMIA 2:18

Apa untungnge i'o mabbatukku Mesir? Inai ma'inumma ua'en Sal᷊ukku Nil? Apa untungnge i'o mabbatukku Asyur? Inai ma'inumma ua'en Sal᷊ukku Efrat?

1 SAMUEL 6:21

Ana see i mangitou nandolokku daroloṛṛanna inai ringannu tumana'u Kiryat-Yearim ringannu tanata indi, “Taumatan Filistin buatte napawelengngu Wantallu Pa'airen Mawu. Rantate wuṛṛu apira'e wantalla udde su soanu.”

1 SAMUEL 7:1

Ne tumana'u Kiryat-Yearim nangal᷊appe Wantallu Paairen Mawu udde ana see niapidde sulal᷊ummu wal᷊en sangkatou taumata aranne i Abinadab; wal᷊en udde addone su wowon buidda. Wua'udde i mangitou namilete si Eleazar wuṛṛu si Abinadab, niapariaga Wantallu Pa'aire udde.

1 SAMUEL 7:2

Mal᷊annu lai Wantallu Pa'airen Mawu udde sasahipunanna su Kiryat-Yearim, iraṛṛangngo ruan pul᷊o su tonnane. Su al᷊annune udde anambon walahannu Israel sussal᷊ande ma'iontolla su Mawu.