1 TAWARIKH 12:8 - WUKE SUSI WATTI'U AL᷊AL᷊USASSA

⁸ Sutempo i Daud uatana'a su tampa pia lal᷊indumme su wadda'a, manambo tantara apan tinumelengnga wuṛṛu pia asingkanne wuassu ṛuanganni Gad apan nirumanta naammulli tou. Ete i mangitou udde tantara apan apandeanne mappaattu allungnga wuṛṛu sambeangnga; i mangitou ellehanna mawaṛṛani ere singa wuṛṛu i mangitou mal᷊inso'a naal᷊ihidda rusa.

1 TAWARIKH 12:8 ပူးပေါင်းရင်းမြစ်များ

2 SAMUEL 1:23

I Saul wuṛṛu i Yonatan, aroddi masaṛṛionto'a wuṛṛu arangnguanna; sidutu uaaukka sulal᷊ummu wiakka wuṛṛu papate; i mangitou mallihaṛṛanna wuassu manu'a garuda mattohasanna wuassu singa saṛṛentumuwo.

2 SAMUEL 17:10

Ne manga taumata apan awaṛṛanianne wuṛṛu matohassa ere singa lai sarun mata'utta. Ana waugu anambon taumatan Israel masingkatta manungku iamangngi Tuangnga udde sangkatou waṛṛanin seetta, wuṛṛu manungku tantarane eteudde taṛṛa pangalo apan awaṛṛanianne.

2 SAMUEL 2:18

Siri tallu ana'i Zeruya lai isudde, eteudde i Yoab, i Abisai wuṛṛu i Asael. I Asael mal᷊ihakka tatal᷊angnge ere kijang,

2 SAMUEL 23:20

Sangkatou piaṛṛa'u tantara apan tinumelengnga waine eteudde i Benaya ana'i Yoyada taumatan Kabzeel. I tou tumaniten baṛṛani. Ruan katou waṛṛanin seetta wuassu Moab buatte nipatene. Buatte su allo sambau, i tou sinumutta su sambau loṛṛangnga, ana see nanametta sambau singa isudde.

1 TAWARIKH 11:22

Sangkatou piaṛṛa'u tantara tinumelengnga waine eteudde i Benaya ana'i Yoyada, taumatan Kabzeel. I tou tumaniten waṛṛani. Ruan katou atumannaṛanne wuassu Moab buatte nipatene. Buatte nariaddi su sambau allo apan masunge i tou sinumutta sulal᷊ummu loṛṛangnga wuṛṛu namate singa isudde.

1 TAWARIKH 12:16

Su sambau tempo ammul᷊annu taumata wuassu ṛuanganni Benyamin wuṛṛu Yehuda inaite watukku tampa atatanaanni Daud.

1 TAWARIKH 12:9

Eteindi manga aranni mangitou apan niatokka tumuṛṛuttu pangkanne: i Ezer, i Obaja, i Eliab, i Mismana, i Yeremia, i Atai, i Eliel, i Yohanan, i Elzabad, i Yeremia, i Makhbanai.

2 TAWARIKH 25:5

Ratu Amazia nangammullu anambon taumata wuassu ṛuanganni Yehuda wuṛṛu Benyamin ana see nandolokki mangitou niapararisikka tumuṛṛuttu ṛuanganne sambau-sambau, su piaṛṛa'u sangkatou tembonannu tantara maṛṛasutta. Wua'udde i tou namile manga taumata apan uukke 20 su tonnane ire'e apan wotongnge mapapangalo wuṛṛu pande mappaattu sambeangnga wuṛṛu allungnga. I mangitou anambone 300.000 su atoune.

AMSAL 28:1

Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.

AMSAL 6:5

Pallosa'e watangannu wuassu sedda udde ere manu'u winalanganna ara'e kijangnga napallossa wuassuu matataṛṛiasu.

ANTARI MAWANTUGA 8:14

Arangnguangku, rantate ere kijanga, naal᷊ihidda ana'u rusa su panenteannu Beter.

YEREMIA 46:9

Pattalumpe, ei awal᷊o! Aal᷊orete, ei kereta! Inaite, ei tumannaṛṛanne pangapiddu allungnga wuassu Sudan wuṛṛu Libia. I yamiu lai, ei manga mamamiti'a apianne wuassu wanua Lidia.’ ”

1 SAMUEL 23:14

Wua'udde i Daud natana'e su manga loṛṛangngu panenteanna su wadda'u Zif. I tou sidutu a'enggenanni Saul, arawe Mawu tawe manantilli Daud su ratu udde.

1 SAMUEL 24:22

Orassa indi paddiandite si ya'u ringannu arannu Mawu, manungku i'o tawe mamate papapulungku, wuṛṛu lai tawe mamappassa arannu walahangku!”