1 TAWARIKH 11:5 - WUKE SUSI WATTI'U AL᷊AL᷊USASSA

^5-7 Manga taumatan Yebus buatte nabbisara si Daud, manungku i tou tawe maasutta su soan mangitou udde. Arawe i Daud naapangaṛṛo tanda'u watun mangitou aranne Sion. Sutempo udde i Daud buatte namasingkatta mallal᷊aṛenggene manungku taumata paarorone apan naapate taumatan Yebus sarun maola'a tembonannu tantara. Ne ana waugu i Yoab apan paarorone namangalo taumatan Yebus, i tou nitenega maola'a tembonannu tantara. (Inangngi Yoab aranne Zeruya) Napawe naapangaṛṛote tanda'u watu Sion, i Daud natana'e isudde. Ana waugu udde nanattakkewe orassa udde tanda'u watu udde nisago “Soan Daud”.

1 TAWARIKH 11:5 ပူးပေါင်းရင်းမြစ်များ

2 SAMUEL 6:10

Ana waugu udde i tou maddirite mangapiddu Wantallu Paaire udde watukku Yerusalem, ewe'e sinahipunte su wal᷊en Obed-Edom taumatan Gat.

2 SAMUEL 6:12

I Ratu Daud naaringikka manungku Mawu nangal᷊amatta amonanni Obed-Edom wuṛṛu anambon pussaane ana waugu Wantallu Paaire udde. Ne i tou inaite watukku wal᷊en Obed-Edom, nangal᷊appa Wantalla udde wuṛṛu niingkatta watukku Yerusalem ringannu ramea apan bahewalla.

1 MARARATU 8:1

Wua'udde Ratu Salomo nandolokku anambon piaṛṛa'u ṛuanganna wuṛṛu wawosoanna wuassu walahannu Israel rumanta ringanni tou su Yerusalem tadea'u mangingkattu Wantallu Paairen Mawu wuassu Sion, Soan Daud, watukku Wal᷊en Mawu.

1 TAWARIKH 11:4

Su sambau allo i Ratu Daud ringannu anambon tantaran Israel inaite namangalo soa Yerusalem. Sutempo udde soa Yerusalem aranne Yebus, wuṛṛu atatanaannu taumatan Yebus, tumana'u soa udde tutune.

2 TAWARIKH 5:2

Wua'udde i Ratu Salomo nandolokku anambon piaṛṛa'u ṛuanganna wuṛṛu wawosoanna wuassu walahannu Israel maammulla su Yerusalem mangingkattu Wantallu Paairen Mawu wuassu Sion, Soan Daud watukku Wal᷊en Mawu.

DARALO 122:5

Ete isindi manga ratu papapulunni Daud nakkuungnga tumanangnge.

DARALO 132:13

Ana waugu Mawu buatte namile Sion; i Tou mappulu maola'a tampa atatanaan-Ne.

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

DARALO 48:2

Mangke mawantuge Mawu wuṛṛu lembon raddaloanna su soan Duatan kite, su wuidda apan susi.

DARALO 78:68

Arawe nipile-Ne eteudde ṛuanganni Yehuda, wuṛṛu Wuiddu Sion apan arangnguan-Ne.

DARALO 87:2

Wuassu anambon soa su Israel, Yerusalem apan arangnguan-Ne.

DARALO 87:5

Su Sion taumata sarun mabbisara, manungku anambon walahanna nasutta su tumanangnge, wuṛṛu manungku Apan Atanggaṛṛanne sarun manohassa si tou.

DARALO 9:11

Taumata apan maailal᷊a Si'o uaantimma Si'o, oh Mawu, taumata apan massubba Si'o sarun tawe itantang-Ngu.

ROMA 9:33

Su ola'u watu udde sulal᷊ummu Wuke Susi uawoṛṛetta arendi, “Paanaunge indi: Su Sion buatte Ta'u niaddo sambau watu apan sarun atarannu taumata; eteudde sambau watu wahewa apan sarun mangema'u taumata. Arawe taumata apan mangngimanna si Tou tawe sumassilla.”

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

SONDAPPA 14:1

Wua'udde i ya'u naasilo, see niasiloanna Ana'u Domba udde uarisikka su wowon Wuiddu Sion. Suadio'a ringanni Tou pia 144.000 su atoune taumata apan su pakkanu sangkatou-sangkatou uawoṛṛetta aran-Ne wuṛṛu arannu Mawu Iamang-Nge.

MAL᷊AṚṚUUNGNGA 19:10

Arawe taumatan Lewi udde maddirite manaṛabbi lai isudde. I tou wuṛṛu awingnge su liudde mangke inaite, suadio'a ringannu allangnge wuṛṛu keledaine darua apan pia aiananne. Napawe allo maraniten maṛabbi, i mangitou na'omate maranin Yebus (eteudde Yerusalem) Ana see allangnga udde nabbisara tuange, “Tuanga, wette i ite umotongnga wuṛṛu manaṛabbi su soan taumatan Yebus indi.”

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.