1 TAWARIKH 11:10 - WUKE SUSI WATTI'U AL᷊AL᷊USASSA

¹⁰ Ete indi arannu manga piaṛṛa'u tantara apan tinumelengnga. Suadio'a ringannu anambon tumana'u Israel, i mangitou buatte nattinsahadda tadea'u i Daud maola'a ratu ere buatte nipa'iren Mawu. Wuṛṛu i mangitou sidutu massumbala araratuanne.

1 TAWARIKH 11:10 ပူးပေါင်းရင်းမြစ်များ

2 SAMUEL 3:21

Wua'udde i Abner naddorongke napul᷊e wuṛṛu nabbisara, “Wala'awe i ya'u inai mangal᷊oren ahewallu Israel tadea'u ma'ammulli Tuangku. I mangitou sarun manengkamma si Tuangku maola'a ratu, wuṛṛu ringannu aroddi i Tuangku sarun mamarenta ahewallu wanua, ere lai su apulun Tuangku.” Wua'udde i Abner niwalaten Daud napul᷊e ana see niriaganna asasal᷊amanne.

1 TAWARIKH 11:3

Ne i Daud na'ire manga piaṛṛa'u Israel udde. Ana see i mangitou nanenegi Daud naola'a ratun Israel, ere buatte pina'ire Mawu si Samuel.

1 TAWARIKH 12:21

I mangitou tantara apan waṛṛani wuṛṛu matohassa massumbala si Daud namangalo seetta. Su allo murine i mangitou maola'a manga tembonanne sulal᷊ummu tantara pangalon Israel.

1 TAWARIKH 12:23

Sutempo i Daud su Hebron manambo tantara apan masiṛṛangke naammuli tou. I mangitou nassumbala si Daud tadea'u i tou wotongnge maola'a ratu mallol᷊ossa si Saul, ere buatte pina'iren Mawu. Reenganni mangitou ere manansunna indi: Wuassu ṛuanganni Yehuda 6.800 su atoune, nasuungnga ringannu allungnga wuṛṛu sambeangnga. Wuassu ṛuanganni Simeon 7.100 tantara apan masiṛṛongke. Wuassu ṛuanganni Lewi: 4.600 su atoune. Tantaran Yoyada uapiaṛṛa'u papapulunni Harun: 3.700 su atoune. Manga tuṛṛangngi Zadok, sangkatou tantara saṛṛen tumuwo apan waṛṛani: 22 su atoune – sarangkanambone tembonannu alahanna. Wuassu ṛuanganni Benyamin (ṛuanganni Ratu Saul): 3.000 su atoune; anamboanne wuassu ṛuanganni Benyamin sidutu tuttuṛṛuta si Saul. Wuassu ṛuanganni Efraim: 20.800 taumata apan tinumelengnga sulal᷊ummu amonanne sambau-sambau Wuassu ṛuanganni Manasye su samba'a waṛṛattu Sal᷊ukku Yordan: 18.000 su atoune apan nipile mapatenegi Daud maola'a ratu Wuassu ṛuanganni Izakhar: 200 piaṛṛangnge ringannu tantaran mangitou; manga piaṛṛangnge udde pande manantunnu apa apan ṛinone manarannu tumana'u Israel sutempone Wuassu ṛuanganni Zebulon: 50.000 su atoune apan pande mappaattu al᷊awo'u lutangnga, uasaddiate mapapangalo; ete i mangitou udde manga taumata apan matuṛṛutta wuṛṛu apangimananna Wuassu ṛuanganni Naftali: 1.000 su atoune piaṛṛa'a suadio'a ringannu 37.000 tantara apan nasuungnga ringannu allungnga wuṛṛu sambeangnga Wuassu ṛuanganni Dan: 28.600 su atoune apan nal᷊atite Wuassu ṛuanganni Asyer: 40.000 su atoune apan nasaddiate mapapangalo Wuassu manga ṛuanganna su samba'a ra'in Sal᷊ukku Yordan eteudde Ruben, Gad wuṛṛu sambageanganna wuassu ṛuanganni Manasye: 120.000 su atoune apan pande mappaattu al᷊awo'u hatin lutangnga.

1 TAWARIKH 12:38

Anambon tantara udde inaite watukku Hebron ringannu nariahite mapapangalo wuṛṛu nabbaidde manenegi Daud maola'a ratu su ahewallu Israel. Ne anambon taumatan Israel waine lai naungnge sambua su olangnge udde.

1 TAWARIKH 12:39

Tallu allo al᷊annune manga tantara udde uatana'a isudde ringanni Daud lapiddu ma'ola'a andeangnga wuṛṛu inumanna ma'inumma apa apan nasaddiaten manga taumatan Israel waine pinanaru si mangitou.

1 TAWARIKH 27:1

Urusannu pamarenta su araratuannu Israel niatokku manga tembonannu alahanna, manga piaṛṛa'u amonanna wuṛṛu manga perwira ara'e piaṛṛa'u tantara. Suapan tonna al᷊annune sambul᷊anna pia sambageanganna apan mammanara ual᷊al᷊ol᷊ossa su al᷊ungngu piaṛṛa'u sangkatou. Suapan wageangnge anambone 24.000 su atoune. Eteindi arannu manga tembonnannu ammul᷊annu mandariaga apan mammanara suapan bul᷊anna apan buatte tinantunna: Wul᷊anna paarorone: i Yasobam ana'i Zabdiel (i tou amonanni Peres ṛuanganni Yehuda). Wul᷊anna aruane: i Dodai papapulunni Ahohi. I Miklot tepellene. Wul᷊anna atallune: i Benaya ana'i Imam Yoyada; i tou piaṛṛa'u “Ammul᷊annu Tridasawira” (i Amizabad anangnge naola'a tepellene). Wul᷊anna aiappanne: i Asael tuṛṛangngi Yoab (nallol᷊ossa si tou eteudde i Zebaja, anangnge). Wul᷊anna al᷊imane: i Samhut, papapulunni Yizrah. Wul᷊anna aiannumme: i Ira ana'i Ikes, wuassu soa Tekoa. Wul᷊anna appitune: i Heles, papapulunni Efraim wuassu soa Peloni. Wul᷊anna aual᷊une: i Sibkhai wuassu soa Husa (i tou amonanni Zerah, ṛuanganni Yehuda). Wul᷊anna assione: i Abiezer wuassu soa Anatot su leta'u ṛuanganni Benyamin. Wul᷊anna appul᷊one: i Maharai, papapulunni Zerah wuassu soa Netofa. Wul᷊anna appul᷊osassane: i Benaya wuassu soa Piraton su leta'u ṛuanganni Efraim. Wul᷊anna appul᷊o duane: i Heldai papapulunni Otniel wuassu soa Netofa.

1 TAWARIKH 28:1

I Ratu namarentate tadea'u anambon piaṛṛa'u Israel maammulla su Yerusalem. Nariaddi manga tembonannu ṛuanganna, manga mammamanaran araratuanna, wuṛṛu timmaddu amonanna, manga mallal᷊u'adda darotongnga wuṛṛu mamadul᷊i winatangngu ratu see lai manga parinsine – aunne manga ahewalanne araratuanna, perwira ara'e tembonannu tantara wuṛṛu taumata papunna, sarangkanambone iapaammulla su Yerusalem.

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”