1 SAMUEL 9:17 - WUKE SUSI WATTI'U AL᷊AL᷊USASSA

¹⁷ Napawe i Samuel naasilo si Saul, Mawu nabbisara si tou, “Eteindi taumata apan Ta'u niwal᷊o si'o. I tou sarun mamarenta al᷊aṛṛana-U.”

1 SAMUEL 9:17 ပူးပေါင်းရင်းမြစ်များ

NEHEMIA 13:19

Ana waugu udde i ya'u mapaanaungnga tadea'u su panattaṛṛannu suapan allon Sabat, eteudde allo al᷊imane ṛabbi, manga ngara wahewallu soa paal᷊ihakka maṛṛuudda wawallote, wuṛṛu tawe wotongnge wu'anna tantal᷊anna allon Sabat taambe nal᷊iudda, su allo aiannumme ṛabbi. I ya'u nangaddon manga pira taumata'u su manga ngara wahewalla udde iapariagga tadea'u su allon Sabat tawe saranapa wal᷊u'anna apan iapidda sumutta sulal᷊ummu soa.

NEHEMIA 13:25

Ta'u nitaguanna wuṛṛu ta'u niwontohanna i mangitou. Piaddu ta'u nipuulla wuṛṛu niṛṛahotta utangnge. Wua'udde i mangitou ta'u nirolokka massalu ringannu arannu Ruata manungku i mangitou wuṛṛu al᷊aṛṛana'i mangitou tate maawingnga apia ringannu walahanna waine.

YEREMIA 32:8

See naṛṛino ereapa buatte niwisara Mawu, nirumantate i Hanameel ringangku su rallakku wal᷊en araratuanna, wuṛṛu maddorongnga tadea'u i ya'u mamalli letangnge. Ana waugu udde i ya'u nangimanna Mawu atonna-tonna buatte nabbisara si ya'u.

HOSEA 13:11

Ringannu nasa'u i Ya'u nangonggollu ratu si yamiu, wuṛṛu ringannu maṛṛagissa i Ya'u nangul᷊e si mangitou apia.”

WATTI'U MANGA RASUL 13:21

Wua'udde i mangitou nadorongnga sangkatou ratu. Ruata nangonggolli Saul si mangitou ana'i Kis wuassu walahanni Benyamin maola'a ratu mangitou appatu pul᷊o su tonnane al᷊annune.

1 SAMUEL 3:13

I Ya'u buatte namasingkatta si tou manungku amonanne sarun Ta'u iṛṛuumanna saran mal᷊annu-l᷊annu ana waugu al᷊aṛṛanangnge buatte nallobbossa si Ya'u. I Eli masingkattu manga rosan mangitou udde, arawe i mangitou tawe niwol᷊oanni Eli.

1 SAMUEL 9:18

Tantal᷊anna udde i Saul mangngundani Samuel maranin ngara pasallanganna, wuṛṛu naiwal᷊o, “Ampungewe, Papa, suapa wal᷊en taṛṛa si'atta udde?”