1 SAMUEL 7:9 - WUKE SUSI WATTI'U AL᷊AL᷊USASSA

⁹ Ana waugu udde i Samuel naṛṛata sambau domba anangnge, ana see nionggola maola'a sambau sasamba itattambunna su Mawu. Wua'udde i tou niumal᷊iomanna tadea'u Mawu mantul᷊ungngu taumatan Israel, ne aal᷊iomanne udde niraringiṛṛanna.

1 SAMUEL 7:9 ပူးပေါင်းရင်းမြစ်များ

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

DARALO 99:6

I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

TAHIUL᷊E 9:26

wuṛṛu niumal᷊iomanna arendi: Oh Mawu Apan Atanggaṛṛanne, ariewe mamate walahanna nipile-Ne indi, walahanna nipallossa wuṛṛu niehetta sinumabbanganga wuassu Mesir ringannu atatohassa wuṛṛu taṛṛino apan bahewalla.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

MAL᷊AṚṚUUNGNGA 6:26

Pararisiṛa'e su ombone udde sambau mezbah apan buatte niṛiinna ringannu mapia. Wua'udde sapi esakka udde sarangkahewalle, ṛinone itambunna tal᷊impu'u maola'a sambau sasamba su Mawu. Paata'e diṛṛin hambarannu Asyera apan buatte niṛaanu udde maola'a alu tatutungnge.”

MAL᷊AṚṚUUNGNGA 6:28

Su tempo tumana'u soa udde napu'o su tiṛabbine marua' allo, i mangitou naasilo mezbah ipassubba si Baal wuṛṛu diṛṛin hambaranni Dewi Asyera naṛṛaate. I mangitou naasilo lai manungku su tampa udde buatte niola'a sambau mezbah wuṛṛu buatte lai nitambunna sapi esakka maola'a sasambane.

1 SAMUEL 10:8

Wua'udde i'o ṛinone inai watukku Gilgal wuṛṛu maṛṛaddo poiaroddi al᷊annune pitu allo. I ya'u sarun dumanta mangonggollu sasamba itattambunna wuṛṛu sasamban paddarame, see lai mamasingkatta si'o sarangkanambone apan ṛinone manarannu.”

1 SAMUEL 12:17

I ya'u sarun sumal᷊ande Mawu, wuṛṛu salaiwe orassa indi tempon paddissa, Mawu sarun manossokku rallu'a wuṛṛu uranna apan maola'a sasimbakku aal᷊iomanku. Sutempo udde, i yamiu sarun maatutukka aroddi ahewalle rosanu su saruannu Mawu ana waugu naddorongnga sangkatou ratu.”

1 SAMUEL 16:2

Arawe i Samuel naiwal᷊o, “Ereapa ṛinone ta'u olaanna? Amungkangu hatto indi aringiṛṛanni Saul, ya'u sarun pateanni tou!” Mawu sinumimbakka, “Apira'e sapi anangnge sambau, wuṛṛu wal᷊oa'a su tumana'u soa manungku i'o inai poiaroddi mangonggollu sasamba su Mawu.

1 SAMUEL 2:35

Wua'udde i Ya'u sarun mamile imam apan matuṛṛutta si Ya'u wuṛṛu maddaringikka manga parenta-U si tou. Si tou sarun Ta'u ionggolla papapulunna apan sidutu mammanara imam su saruannu manga ratu apan Ta'u nipile.

1 SAMUEL 7:17

Wua' isudde i tou sidutu mappul᷊e watukku wal᷊ene su Rama. Poiaroddi i tou naola'a mallaṛṛuungngu taumatan Israel wuṛṛu lai nallanginnu sambau mezbah su Mawu.

1 SAMUEL 9:12

“Ore, poi,” sasimbakku manga maṛṛuala udde, “wakku-wakku i tou niumamatta nalliu ṛoro siraddua. Wuṛṛu iraddua nal᷊ihakka, asinungka iraddua ma'aenggenna. I tou wakkute nirumanta su soa ana waugu allo indi su wowon mezbah su wuidda pia sasamba ionggolla su tumana'u soa. Manga taumata apan niwal᷊oanna tawe umanna amungkangu i tou taambe nirumanta, ana waugu i tou ṛinone mangal᷊amatta sasamba udde asuene. Amungkangu orassa indi iraddua inaite, iraddua sarun maaratingnga i tou tantal᷊anna taambe sinuma'a su wuidda umanna.”